મ્યુચ્યુઅલ ફંડમાં રોકાણ કરતા પહેલા આ જરૂર વાંચો
Mutual Fund advice: આજકાલ મહિલાઓ પણ બચતને રોકાણ કરી રહ્યા છે. ઘણા સર્વેમાં એવી માહિતીઓ મળી રહી છે મહિલાઓ પણ હવે બજારમાં રોકાણ કરી શકે છે. મહિલાઓનો એક મોટો વર્ગ એવું માને છેકે તેઓ પણ ફાઈનેશલી લિટરેટ થાએ. આ સાથે પોતાના અને પરિવારના નાણાકીય નિર્ણય જાતે લે. એવામાં રોકાણના આ સફરમાં ચાલતા સમયે તમે મ્યૂચ્યુઅલ ફંડમાં રોકાણનો નિર્ણય લે છે. આ માટે તમે ચોક્કસ રિસર્ચ તો કરી લીધું હશે. જો તમે પહેલી વખત મ્યુચ્યુઅલ ફંડમાં રોકાણ કરી રહ્યા છો તો આજે તેના સંબંધિત કેટલીક ટિપ્સ આપી રહ્યું છે.
– મ્યુચ્યુઅલ ફંડ્સ એ તમારા નાણાંનું રોકાણ કરવાની શ્રેષ્ઠ રીત છે કારણ કે તે તમને ડેટ, ઇક્વિટી, કોમોડિટી, ડેરિવેટિવ્ઝ અને એક્સચેન્જ-ટ્રેડેડ ફંડ્સ (ETFs) જેવા વિવિધ એસેટ ક્લાસમાં રોકાણ કરવાની તક આપે છે. મ્યુચ્યુઅલ ફંડ પણ મોંઘવારી સામે વળતર આપે છે. તમારા નાણાકીય લક્ષ્યો નક્કી કરો અને તેમને વિવેચનાત્મક રીતે પ્રાથમિકતા આપો. તેમાં બાળકોનું શિક્ષણ, ઘર ખરીદવું, નિવૃત્તિ માટે બચત અથવા ઈમરજન્સી ફંડ બનાવવાનો સમાવેશ થઈ શકે છે.
– તમારી પરિસ્થિતિ અને તમે કેટલું જોખમ લઈ શકો છો તે સમજો. એટલે કે, આવકની સ્થિરતા, ઉંમર, નાણાકીય જવાબદારીઓ વગેરે જેવા પરિબળોના આધારે તમારી જોખમનું વિશ્લેષણ કરો. જો તમે યુવાન છો તો તમે વધુ જોખમ લઈ શકો છો અને ઈક્વિટી ફંડ વડે ઊંચું વળતર મેળવી શકો છો. અહીં યુવાવર્ગથી અમારો મતલબ 22 થી 34 વર્ષની વચ્ચેની મહિલાઓ છે, પરંતુ જો તમે નિવૃત્તિની નજીક છો, તો તમે ડેટ ફંડ્સ જેવા વધુ સ્થિર વિકલ્પો પસંદ કરી શકો છો.
– મ્યુચ્યુઅલ ફંડ ઉત્પાદનો પર સંશોધન કરો. બજારમાં ઉપલબ્ધ વિવિધ પ્રકારના મ્યુચ્યુઅલ ફંડ વિશે ઘણી બધી માહિતી મેળવો. ઐતિહાસિક કામગીરી, ખર્ચ ગુણોત્તર, ફંડ મેનેજરની કુશળતા, રોકાણની ફિલસૂફી અને વળતરમાં સ્થિરતા જેવા પરિમાણો પર ફંડનું મૂલ્યાંકન કરો. રોકાણ સંબંધિત જોખમોને દૂર રાખવા માટે વ્યક્તિએ માત્ર સારી અને મજબૂત પ્રતિષ્ઠા અને સારા ટ્રેક રેકોર્ડવાળા ફંડ હાઉસની પસંદગી કરવી જોઈએ.
– ખર્ચ અને ફી કેટલી છે? આ મુદ્દાની અવગણના કરવી યોગ્ય નથી. મ્યુચ્યુઅલ ફંડ રોકાણ સાથે સંકળાયેલા કુલ ખર્ચ પર ધ્યાન આપો. સામાન્ય રીતે ફંડમાં એક્સપેન્સ રેશિયો હોય છે, રોકાણનું સંચાલન કરવા માટે ફંડ હાઉસ દ્વારા વસૂલવામાં આવતી ફી 0.05% થી 2.20% સુધીની હોય છે. જો તમે નિયમિત યોજનાઓને બદલે સીધી યોજનાઓ પસંદ કરો છો, તો તમે લાંબા ગાળે નોંધપાત્ર બચત કરી શકો છો. ડિસ્ટ્રિબ્યુટર કમિશનની ગેરહાજરીને કારણે ડાયરેક્ટ પ્લાન્સમાં એક્સપેન્સ રેશિયો ઓછો છે. જો કે, જો તમે સીધું રોકાણ કરવાનું વિચારી રહ્યા હોવ તો સંપૂર્ણ માહિતી હોવી જરૂરી છે.
– તમારે સમજવું જોઈએ કે તમારા અંતિમ વળતર પર ટેક્સની અસરો શું છે. કોઈપણ રોકાણમાંથી તમારું અંતિમ વળતર તેના પર લાદવામાં આવેલા ટેક્સ પર આધારિત છે. મ્યુચ્યુઅલ ફંડ પર તેમની શ્રેણી અને રોકાણના સમયગાળાના આધારે કર લાદવામાં આવે છે. ઉદાહરણ તરીકે એક વર્ષથી વધુ સમય માટે રાખેલા ઇક્વિટી ફંડ રોકાણોમાંથી રૂ. 1 લાખથી વધુના વળતરને લાંબા ગાળાના મૂડી લાભ ગણવામાં આવશે. જો તમારું LTCG નાણાકીય વર્ષમાં 1 લાખ રૂપિયા સુધીનું હોય તો તમને LTCG ટેક્સ ભરવામાંથી મુક્તિ આપવામાં આવશે, પરંતુ જો LTCG રૂપિયા 1 લાખથી વધુ છે, તો 10% LTCG ટેક્સ વસૂલવામાં આવશે. બીજી તરફ ઇક્વિટી ફંડમાં ટૂંકા ગાળાના મૂડી લાભો (STCG) પર 15% ટેક્સ લાગે છે. STCGના કિસ્સામાં રોકાણકારને લાગુ પડતા સ્લેબ રેટના આધારે ડેટ ફંડ્સ પર ટેક્સ નક્કી કરવામાં આવે છે. LTCG પર ઈન્ડેક્સેશન લાભો સાથે 20% કર લાદવામાં આવે છે.
