મે મહિનામાં 12 દિવસ બંધ રહેશે બેંક, વાંચો સમગ્ર લિસ્ટ
અમદાવાદ: એપ્રિલ મહિનો પૂરો થવામાં હવે ગણતરીના દિવસો બાકી રહ્યા છે. એ બાદ મે મહિનો શરૂ થશે, પરંતુ શું તમે જાણો છો કે મે મહિનામાં આ વખતે બેંકો કેટલા દિવસ બંધ રહેશે?. દર મહિનાની જેમ આ મહિને પણ બેંકમાં રજાઓ રહેશે. આવી સ્થિતિમાં સ્વાભાવિક છે કે તમારે બેંકની રજાઓ અનુસાર તમારા બેંક સંબંધિત કામનું આયોજન કરવું જોઈએ. RBIએ મે 2024 માટે બેંક રજાઓની યાદી પણ જાહેર કરી છે. મે મહિનામાં બેંકો 15 કે 20 દિવસ નહીં ,પરંતુ શનિવાર અને રવિવાર સહિત માત્ર 12 દિવસ માટે બંધ રહેશે.
બેંકો 12 દિવસ માટે રહેશે બંધ
મે 2024માં કુલ 12 દિવસની બેંક રજાઓમાંથી 4 રવિવાર છે. તમને જણાવી દઈએ કે સમગ્ર દેશમાં બેંકો 12 દિવસ સુધી બંધ રહેશે. RBIની સત્તાવાર વેબસાઇટ પર આપવામાં આવેલી રજાઓની યાદી અનુસાર, આ રજાઓ અલગ-અલગ રાજ્યોમાં છે. આ તમામ રજાઓ તમામ રાજ્યોમાં લાગુ થશે નહીં. તે જ સમયે આરબીઆઈની માર્ગદર્શિકા અનુસાર રવિવાર સિવાય મહિનાના બીજા અને ચોથા શનિવારે બેંકો બંધ રહેશે. આ ઉપરાંત લોકસભાની ચૂંટણીને કારણે ચૂંટણી વિસ્તારોમાં મતદાનના દિવસે બેંકો બંધ રહેશે.
આ પણ વાંચો: આગ્રામાં PM મોદીએ એક કાંકરે અનેક નિશાન સાધ્યા, સપા-કોંગ્રેસ પર લગાવ્યા આરોપ
શું અક્ષય તૃતીયા પર બેંકો બંધ રહેશે?
જો તમને પણ પ્રશ્ન છે કે અક્ષય તૃતીયાના અવસર પર બેંકમાં રજા રહેશે કે નહીં, તો અમે તમને જણાવી દઈએ કે આ દિવસે બેંક બંધ રહેશે. અક્ષય તૃતીયાનો તહેવાર 10 મે 2024 ના રોજ છે અને આ સમયગાળા દરમિયાન બેંકો બંધ રહેશે. જો કે, અક્ષય તૃતીયા પર સમગ્ર દેશમાં નહીં પરંતુ માત્ર કેટલાક રાજ્યોમાં બેંકો બંધ રહેશે.
બેંકોમાં રજા ક્યારે છે?
5 મે: રવિવાર
8 મે: રવિન્દ્રનાથ ટાગોરની જન્મજયંતિ
10 મે: અક્ષય તૃતીયા
11 મે: બીજો શનિવાર
12 મે: રવિવાર
16 મે: રાજ્ય દિવસની રજાના કારણે ગંગટોકમાં તમામ બેંકો બંધ રહેશે.
19 મે : રવિવાર
20 મે: લોકસભા સામાન્ય ચૂંટણી 2024, બેલાપુર અને મુંબઈમાં તમામ બેંકો બંધ રહેશે.
23 મે: બુદ્ધ પૂર્ણિમા
25 મે: ચોથો શનિવાર
26 મે: રવિવાર
તમે એટીએમ કાર્ડ દ્વારા તમારા બેંક ખાતામાંથી રોકડ ઉપાડી શકો છો. ડેબિટ કાર્ડ અથવા ક્રેડિટ કાર્ડનો ઉપયોગ કરીને પૈસા ઉપાડી શકાય છે. જો તમે કોઈની બેંકમાં પૈસા ટ્રાન્સફર કરવા માંગો છો, તો તમે ઓનલાઈન બેંકિંગ સુવિધાનો લાભ લઈ શકો છો.
