કોટક બેંક પર RBIની કાર્યવાહી બાદ જુના ગ્રાહકોને શું થશે અસર?

અમદાવાદ: RBIએ દેશની પ્રાઈવેટ સેક્ટરની કોટક મહિન્દ્રા બેંક વિરૂદ્ધ મોટી કાર્યવાહી કરી છે. RBIએ કોટક મહિન્દ્રા બેંક પર ક્રેડિટ કાર્ટ બનાવવા અને નવા ઓનલાઈન કસ્ટમર જોઈન કરવા પર પ્રતિબંધ લગાવ્યો છે. તે બાદ RBIએ ડેટા સેફ્ટીની ચિંતાને ધ્યાનમાં રાખીને કોટક બેંકમાં કોઈ પણ ખુબ જ આરામથી ઓનલાઈન એકાઉન્ટ ખોલાવી શકે છે. બેંકે તેનું ઓનલાઈન પ્રોસેસ ખુબ જ સરળ રાખ્યું છે. નવા એકાઉન્ટ ખોલવા માટે બેંક ગ્રાહકોની ક્રેડિટ કાર્જની સુવિધા પણ આપવામાં આવે છે, પરંતુ હવે RBIએ બેંકની વિરૂદ્ધમાં પગલા લેતા તેની નવા ગ્રાહકો માટેની તમામ સેવા બંધ કરી છે.

ગ્રાહકો પર શું અસર થશે?
બેંક છેલ્લા બે વર્ષથી આરબીઆઈના મેનેજમેન્ટના સંપર્કમાં હતી જેથી ખામીઓને દૂર કરી શકાય. ઓનલાઈન બેંકિંગ સીસ્ટમ કે ઓનલાઈન એકાઉન્ટ ઓપન સીસ્ટમના કારણે બેંકની આઈટી સીસ્ટમ પરનો ભાર પણ ઘણો વધી ગયો છે. જેના કારણે બેંકનું સર્વર ઠપ્પ થવાની સંભાવના છે. આવી સ્થિતિમાં બેંકના સર્વર ભવિષ્યમાં અટકી ન જાય અને ગ્રાહકોને ગંભીર સમસ્યાનો સામનો ન કરવો પડે તે માટે ઓનલાઈન એકાઉન્ટ ઓપનિંગ અને ક્રેડિટ કાર્ડ સેવા બંધ કરવામાં આવી છે. આ ઉપરાંત બેંકની IT સંબંધિત ખામીઓ માત્ર ગ્રાહકોને જ નહીં પરંતુ ડિજિટલ બેંકિંગ અને પેમેન્ટ સિસ્ટમની નાણાકીય ઇકોસિસ્ટમને પણ અસર કરે છે. આઈટી સિસ્ટમ પર બોજ નાખવા ઉપરાંત ક્રેડિટ કાર્ડ ટ્રાન્ઝેક્શનમાં ખામીઓ જોવા મળી છે.

આ પણ વાંચો: અમરેલી કે.કે પારેખ કોમર્સ કોલેજની વિદ્યાર્થીનીને માર માર્યો

શું હાલના ગ્રાહકોની સેવાઓને પણ અસર થશે?
કોટક મહિન્દ્રા બેંક સામેની કાર્યવાહી બાદ ખાતાધારકોમાં સૌથી મોટી ચિંતા એ છે કે શું તેમની વર્તમાન સેવાઓને પણ અસર થશે? દેશમાં મોટી સંખ્યામાં લોકો કોટક મહિન્દ્રા બેંકની સેવાઓનો ઉપયોગ કરે છે. આરબીઆઈના જણાવ્યા મુજબ, કોટક મહિન્દ્રા બેંકને તાત્કાલિક અસરથી તેની ઓનલાઈન અને મોબાઈલ બેંકિંગ ચેનલો દ્વારા નવા ગ્રાહકો ઉમેરવા અને નવા ક્રેડિટ કાર્ડ જારી કરવાની સેવાઓ “બંધ” કરવાનો નિર્દેશ આપવામાં આવ્યો છે. જો કે સેન્ટ્રલ બેંકે કહ્યું છે કે, બેંક તેના ક્રેડિટ કાર્ડ વપરાશકર્તાઓ સહિત તેના વર્તમાન ગ્રાહકોને પહેલાની જેમ સેવાઓ પ્રદાન કરવાનું ચાલુ રાખી શકશે. મતલબ કે આ પ્રતિબંધની વર્તમાન ગ્રાહકો પર કોઈ અસર નહીં થાય.

તમને કેવી રીતે નુકસાન થશે?
બેંક પર આરબીઆઈની કાર્યવાહીથી તમને કેવી રીતે નુકસાન થશે આ પણ ઘણા લોકોના મનમાં પ્રશ્ન છે. જો તમે બેંકમાં ગયા વિના સરળતાથી ઓનલાઈન ખાતું ખોલાવવાનું વિચારી રહ્યા હોવ અથવા તમે તમારા ખર્ચને મેનેજ કરવા માટે ક્રેડિટ કાર્ડ મેળવવા માંગતા હો, તો કોટકની આ સેવાઓ પરના પ્રતિબંધથી તમને નુકસાન થઈ શકે છે. હકીકતમાં, કેટલીકવાર જ્યારે તમે અન્ય બેંકોમાંથી ક્રેડિટ કાર્ડ મેળવી શકતા નથી, ત્યારે કોટકમાંથી ખાતું ખોલવું અને ક્રેડિટ કાર્ડ મેળવવું એ ખૂબ જ સરળ પ્રક્રિયા હતી. આવી સ્થિતિમાં, તમારે ક્રેડિટ કાર્ડ મેળવવા માટે થોડી વધુ મહેનત કરવી પડી શકે છે.

દેશની ચોથી સૌથી મોટી બેંક
કોટક મહિન્દ્રા બેંક માર્કેટ કેપની દ્રષ્ટિએ દેશની ચોથી સૌથી મોટી જાહેર ક્ષેત્રની બેંક છે. કોટક મહિન્દ્રા બેંકનું માર્કેટ કેપ 3.66 લાખ કરોડ રૂપિયા છે. તે જ સમયે, હાલમાં HDFC બેંકનું નામ પ્રથમ નંબર પર છે. HDFCનું માર્કેટ કેપ 11.48 લાખ કરોડ રૂપિયા છે. ICICI બેંકનું નામ બીજા સ્થાને છે અને તેનું માર્કેટ કેપ 7.69 લાખ કરોડ રૂપિયા છે. તે જ સમયે, જાહેર ક્ષેત્રની બેંક SBIનું નામ ત્રીજા નંબર પર છે. તેનું માર્કેટ કેપ 6.89 લાખ કરોડ રૂપિયા છે. હાલમાં કોટક મહિન્દ્રા બેંકના 4.12 કરોડ ગ્રાહકો છે અને તેમાંથી 49 લાખથી વધુ ગ્રાહકો પાસે સક્રિય ક્રેડિટ કાર્ડ છે. તે જ સમયે, 28 લાખથી વધુ ગ્રાહકો પાસે સક્રિય ડેબિટ કાર્ડ છે.