પૂંછમાં સતત બીજો હુમલો, છેલ્લા ત્રણ હુમલાની મોડસ ઓપરેન્ડી એકસરખી

નવી દિલ્હીઃ આ વર્ષે પૂંછમાં સેનાના કાફલા પર આ બીજો હુમલો છે અને ગયા ડિસેમ્બર પછી ત્રીજો હુમલો છે. આ પહેલાં 12 જાન્યુઆરીએ આતંકવાદીઓએ કૃષ્ણા ઘાટી વિસ્તારમાં સૈન્યના વાહનોને નિશાન બનાવ્યા હતા, જેમાં ચાર જવાનો શહીદ થયા હતા. તે પહેલાં 22 ડિસેમ્બર 2023ના રોજ ડેરા કી ગલી વિસ્તારમાં લશ્કરી વાહનો પર હુમલો કરવામાં આવ્યો હતો. હવે આ ત્રીજો હુમલો છે. આ ત્રણ હુમલામાં પાંચ જવાનો શહીદ થયા છે, જ્યારે ઘણા જવાનો ઘાયલ થયા છે.

પૂંછમાં થયેલા ત્રણેય હુમલાઓની મોડસ ઓપરેન્ડી એક જ છે. પહેલેથી જ ઘૂસી આવેલા આતંકવાદીઓ દ્વારા સાંજના સમયે સૈન્ય વાહનો પર હુમલો કરવામાં આવી રહ્યો છે. આ હુમલાઓ જંગલ વિસ્તારમાં થઈ રહ્યા છે. ત્યારપછી આતંકીઓ ભાગીને જંગલોમાં છુપાઈ ગયા છે. અંધારાનો લાભ લઈને આતંકવાદીઓ જંગલમાં દૂર સુધી ઘુસી રહ્યા છે.

આ પણ વાંચોઃ નિજ્જરની હત્યા કેનેડાનો આંતરિક મામલો, ભારતને લેવાદેવા નથીઃ જયશંકર

30 મહિનામાં … છઠ્ઠી ઘટના, 21 સૈનિકોએ બલિદાન આપ્યું છે. 2021થી શરૂ થયેલી ઘટનાઓમાં અત્યાર સુધીમાં 21 જવાનો શહીદ થયા છે. આ ઘટનાઓમાં ઘણા જવાનો ઘાયલ પણ થયા છે.

મોટા હુમલા ક્યારે થયા?

• ઓક્ટોબર 11, 2021: ચમરેડ વિસ્તારમાં સૈનિકોએ હુમલો કર્યો, JCO સહિત પાંચે જવાન શહીદ.
• 20 ઓક્ટોબર 2021: ભટાદૂડિયામાં સર્ચ ઓપરેશન દરમિયાન હુમલામાં છ સૈનિક શહીદ. જમ્મુ-પૂંછ હાઈવેને દોઢ મહિનાથી બંધ કરીને સર્ચ ઓપરેશન હાથ ધરવામાં આવ્યું હતું.
• 20 એપ્રિલ 2023: ભટાદૂડિયા વિસ્તારમાં સૈન્ય વાહનને ઘેરી લેવામાં આવ્યું, પહેલા ગ્રેનેડથી હુમલો કરવામાં આવ્યો, પછી ગોળીબાર કરવામાં આવ્યો. પાંચ સૈનિકો શહીદ.
• 21 ડિસેમ્બર 2023: ડેરાની ગલી સવાણી વિસ્તારમાં લશ્કરી વાહનો પર ઓચિંતા હુમલામાં પાંચ જવાનો શહીદ, બે ઘાયલ.
• 12 જાન્યુઆરી 2024: કૃષ્ણા ઘાટીના દરાતીમાં લશ્કરી વાહનો પર ગોળીબાર, કોઈ નુકસાન નહીં.
• 04 મે 2024: પૂંછના સુરનકોટ વિસ્તારમાં એરફોર્સના વાહનો પર હુમલો, એક જવાન શહીદ, ચાર અન્ય ઘાયલ.