અજિત પવાર જૂથના નેતા પ્રફુલ પટેલે રાજ્યસભામાંથી આપ્યું રાજીનામું
Praful Patel Resigns: અજિત પવાર જૂથના નેતા પ્રફૂલ પટેલે રાજ્યસભાના સભ્યપદેથી રાજીનામું આપી દીધું છે. રાજ્યસભા સચિવાલય દ્વારા બહાર પાડવામાં આવેલા નોટિફિકેશન મુજબ મહારાષ્ટ્ર રાજ્યનું પ્રતિનિધિત્વ કરતા રાજ્યસભાના ચૂંટાયેલા સભ્ય પ્રફુલ્લ પટેલે રાજ્યસભાના સભ્યપદેથી રાજીનામું આપ્યું છે. પ્રફુલ પટેલના રાજીનામાનો પત્ર રાજ્યસભાના અધ્યક્ષે 27 ફેબ્રુઆરી 2024થી સ્વીકારી લીધો છે. નોંધનીય છે કે 20 ફેબ્રુઆરીના રોજ પ્રફુલ્લ પટેલ NCPના ઉમેદવાર તરીકે રાજ્યસભામાં બિનહરીફ ચૂંટાયા હતા.
I was elected as the Rajysabha MP for the tenure of 2022-2028. I have resigned from my 4 year balanced old term of Rajysabha membership as I have been elected on Rajya Sabha for a new term which will be effective from 2024 to 2030. Hence I continue to be the member of the August… pic.twitter.com/ocfYik7P4f
— Praful Patel (@praful_patel) February 27, 2024
રાજીનામું આપ્યા બાદ પ્રફૂલ પટેલે સોશિયલ મીડિયા પ્લેટફોર્મ પર જણાવ્યું હતું કે, ‘હું 2022-2028ની ટર્મ માટે રાજ્યસભા સાંસદ તરીકે ચૂંટાયો હતો. મેં રાજ્યસભાના સભ્યપદના મારા 4 વર્ષના જૂના કાર્યકાળમાંથી રાજીનામું આપ્યું છે કારણ કે હું નવા કાર્યકાળ માટે રાજ્યસભામાં ચૂંટાયો છું જે 2024 થી 2030 સુધી લાગુ થશે. તેથી, હું 2030 સુધી ઓગસ્ટ ગૃહનો સભ્ય રહીશ.’
NCP leader Praful Patel resigns from Rajya Sabha. pic.twitter.com/XbUsQ4VdIz
— Press Trust of India (@PTI_News) February 27, 2024
પ્રફૂલ પટેલે કેમ રાજીનામું આપ્યું તેનું કારણ હજુ સુધી બહાર આવ્યું નથી.લોકસભાની ચૂંટણી પહેલા તેમણે ઉપલા ગૃહનું સભ્યપદ છોડી દીધું હતું. પ્રફુલ્લ પટેલ અજિત પવારના ખૂબ નજીકના માનવામાં આવે છે. જ્યારે અજિત પવારે કાકા શરદ પવાર સામે બળવો કર્યો ત્યારે તેમણે પણ અજિત પવાર સાથે જવાનું નક્કી કર્યું હતું. તેઓ NCPના કાર્યકારી અધ્યક્ષ પણ છે. કેન્દ્ર સરકારમાં મંત્રી રહી ચૂક્યા છે.
