કર્ણાટકના કાલબુર્ગી એરપોર્ટને મળી બોમ્બથી ઉડાવવાની ધમકી, પોલીસ એક્શન મોડમાં
Kalaburagi Airport: કર્ણાટકના કાલબુર્ગી એરપોર્ટ પર બોમ્બ હોવાની ધમકી મળી છે. ધમકી ઈમેલ દ્વારા મોકલવામાં આવી છે. એરપોર્ટ ડાયરેક્ટરે સ્થાનિક પોલીસને જાણ કરી. ત્યારબાદ પોલીસ અને બોમ્બ સ્કવોડ એરપોર્ટ પર પહોંચી ગયા છે અને એરપોર્ટને સેનિટાઈઝ કરવામાં આવી રહ્યું છે.
તમને જણાવી દઈએ કે આ પહેલા રવિવારે દિલ્હી એરપોર્ટ પર બોમ્બની ધમકી ધરાવતો મેલ મોકલવા બદલ એક 13 વર્ષના છોકરાની અટકાયત કરવામાં આવી હતી. આ અંગે પોલીસના ડેપ્યુટી કમિશનર (IGI એરપોર્ટ) ઉષા રંગનાનીએ જણાવ્યું કે બાળકે મનોરંજન માટે આ મેઈલ મોકલ્યો હતો.
ઈન્દોર એરપોર્ટ પર પણ બોમ્બની ધમકી મળી હતી
શુક્રવારે (21 જૂન) મધ્યપ્રદેશના ઈન્દોરમાં અહિલ્યા ઈન્ટરનેશનલ એરપોર્ટ પર ફરી એકવાર બોમ્બની ધમકી મળી છે. આમાં પણ ઈ-મેલ આઈડી પર જ ધમકી આપવામાં આવી હતી. નોંધનીય છે કે થોડા દિવસો પહેલા ઈન્દોર અને ભોપાલ સહિત દેશના 50 એરપોર્ટને બોમ્બની ધમકી સાથે મેલ કરવામાં આવ્યો હતો. આ પછી એરપોર્ટ પર સુરક્ષા વધારી દેવામાં આવી છે. એરપોર્ટ અધિકારીએ એરોડ્રોમ પોલીસ સ્ટેશનમાં અજાણ્યા વ્યક્તિ વિરુદ્ધ ધમકીની ફરિયાદ નોંધાવી છે.
આ પણ વાંચો: રાહુલ ગાંધીએ વાયનાડના લોકોને લખ્યો પત્ર, BJPએ ગણાવ્યું રાજકીય નાટક
તમને જણાવી દઈએ કે આ પહેલા કર્ણાટકના કેમ્પેગૌડા ઈન્ટરનેશનલ એરપોર્ટના ટર્મિનલ-1 અને કેટલીક ફ્લાઈટોમાં બોમ્બ હોવાની ધમકી મળી હતી. જે બાદ ટર્મિનલ મેનેજરે બોમ્બથી ઉડાવી દેવાની ધમકી આપનાર અજાણ્યા વ્યક્તિ સામે ફરિયાદ નોંધાવી હતી. તેની તપાસ હજુ ચાલુ છે. 8 એપ્રિલ, 2022 ના રોજ, બેંગલુરુની 16 શાળાઓને ઇમેઇલ ધમકીઓ મળી હતી. આ મેલમાં લખવામાં આવ્યું હતું કે શાળાઓની અંદર બોમ્બ મુકવામાં આવ્યા છે. જો કે તપાસમાં સામે આવ્યું છે કે આ ધમકીમાં કોઈ સત્ય નથી.
