કોઈપણ ઇમરજન્સીની સ્થિતિ માટે તૈયાર રહેવું જરૂરી: 92માં સ્થાપના દિવસે બોલ્યા IAF ચીફ

Indian Air Force Day: ભારતમાં આજે એટલે કે 8મી ઓક્ટોબરના રોજ વાયુસેના દિવસની ઉજવણી કરવામાં આવી રહી છે, જેથી દેશ માટે બલિદાન આપનાર દળો અને તેના પાઇલટ્સનું સન્માન કરવામાં આવી શકે. આ તકે પર વાયુસેના દ્વારા વિવિધ સ્થળોએ વિવિધ કાર્યક્રમોનું આયોજન કરીને ઉજવણી કરવામાં આવી રહી છે. એરફોર્સ ચીફ માર્શલ અમર પ્રીત સિંહ તાંબરમ એરફોર્સ સ્ટેશન પહોંચ્યા. અહીં તેમણે નિવેદન આપતા કહ્યું કે આપણે કોઈ પણ આકસ્મિક સંકટનો સામનો કરવા માટે તૈયાર રહેવાની જરૂર છે.

એક મજબૂત અને સક્ષમ વાયુસેનાની જરૂરિયાત
માર્શલ અમર પ્રીત સિંહે ભારતીય વાયુસેના (IAF) ને વર્તમાન અને આવનારી જરૂરિયાતોને પહોંચી વળવા માટે પોતાને ફરીથી સંગઠિત કરવા હાકલ કરી કારણ કે વૈશ્વિક સુરક્ષા વાતાવરણ સતત પરિવર્તનની સ્થિતિમાં છે. તેમણે કહ્યું કે વર્તમાન સંઘર્ષોએ એક મજબૂત અને સક્ષમ વાયુસેનાની જરૂરિયાત દર્શાવી છે. તેથી, વાયુસેનાએ અચાનક આપણા રાષ્ટ્રીય હિતોને પડકારતી કોઈપણ પરિસ્થિતિનો સામનો કરવા માટે તૈયાર રહેવાની જરૂર છે.

#WATCH | Chennai, Tamil Nadu | Chief of the Air Staff, Air Chief Marshal Amar Preet Singh says, “For the past year, we have made significant strides in strengthening our operational capabilities, enhancing our professionalism and adapting to evolving and challenging warfare…On… pic.twitter.com/Hm67AN6pMa

— ANI (@ANI) October 8, 2024

એરફોર્સ સ્ટેશન ખાતે પરેડની સમીક્ષા કરી
માર્શલ સિંહે ભારતીય વાયુસેનાના 92મા વાર્ષિક દિવસની ઉજવણીના અવસરે તાંબરમ એરફોર્સ સ્ટેશન ખાતે પરેડની સમીક્ષા કરી હતી. ત્યારબાદ તેમણે કહ્યું કે, ‘આઉટ ઓફ બોક્સ વિચારવાની સાથે સાથે નવી ટેક્નોલોજી અપનાવવી આજના બહુ-પ્રાદેશિક વાતાવરણમાં નિર્ણાયક ભૂમિકા ભજવે છે.

આત્મનિર્ભર વાયુસેના માટે પ્રયત્નો ચાલુ રાખો
વાયુસેના ચીફે જવાનોને કહ્યું કે ચાલો આપણે એક મજબૂત, વધુ સક્ષમ અને સંપૂર્ણ આત્મનિર્ભર વાયુસેના તરફ સતત પ્રયત્નશીલ રહીએ. તેમણે વધુમાં જણાવ્યું હતું કે, ‘છેલ્લા એક વર્ષમાં અમે અમારી ઓપરેશનલ ક્ષમતાઓને મજબૂત કરવામાં, અમારી વ્યાવસાયિકતાને વધારવામાં અને ઉભરતા અને પડકારરૂપ યુદ્ધને અનુકૂલિત કરવામાં મહત્વપૂર્ણ પ્રગતિ કરી છે. આ દિવસે, જેમ આપણે આપણી જાતને રાષ્ટ્રની સેવામાં સમર્પિત કરીએ છીએ, આપણે પાછલા વર્ષનું આત્મનિરીક્ષણ કરવું જોઈએ, આપણી સિદ્ધિઓની ઉજવણી કરવી જોઈએ અને વર્તમાન અને ભવિષ્યની જરૂરિયાતો માટે આપણી જાતને તૈયાર કરવી જોઈએ.’