પલાળેલી બદામની જેમ કિસમિસના પણ છે અઢળક ફાયદા

Food Tips: ડ્રાય ફ્રૂટ્સ અને નટ્સમાં ભરપૂર માત્રામાં પોષણ હોય છે. તેથી જ આ બંને વસ્તુઓને રોજિંદા આહારમાં સામેલ કરવાની સલાહ આપવામાં આવે છે. સાદી દેખાતી કિસમિસમાં પણ ગુણોનો ભંડાર છે. સ્વાસ્થ્ય માટે ઘણી રીતે ફાયદાકારક છે. કિસમિસનો ઉપયોગ ઘરે બનાવેલી ઘણી મીઠાઈઓ જેમ કે ખીર, વર્મીસેલી, હલવો વગેરેનો સ્વાદ વધારવા માટે થાય છે. જો દરરોજ સવારે પાણીમાં પલાળેલી કિસમિસ ખાવામાં આવે તો તે માત્ર સ્વાસ્થ્ય માટે જ નહીં, પરંતુ તમારી ત્વચા અને વાળને પણ ઘણો ફાયદો આપે છે.

કિસમિસમાં ન્યૂટ્રિશન
કિસમિસ પોષક મૂલ્યની દ્રષ્ટિએ ખૂબ સમૃદ્ધ છે. તેમાં પ્રોટીન, કાર્બોહાઈડ્રેટ્સ, ફાઈબર, વિટામિન બી-6, મેંગેનીઝ, આયર્ન, પોટેશિયમ, કોપર જેવા પોષક તત્વો મળી આવે છે. તેને પાણીમાં પલાળીને ખાવાથી વધુ સ્વાસ્થ્ય લાભ મળે છે.

રોગપ્રતિકારક શક્તિ મજબૂત બનશે
કિસમિસમાં ઘણા એન્ટીઓકિસડન્ટો પુષ્કળ પ્રમાણમાં જોવા મળે છે. તેને દરરોજ પલાળીને ખાવાથી રોગપ્રતિકારક શક્તિમાં વધારો થાય છે. જેનાથી મોસમી રોગો, ફ્લૂ વગેરે સામે રક્ષણ મળે છે.

એનિમિયા થતો અટકાવે
કિસમિસમાં સારી માત્રામાં આયર્ન જોવા મળે છે. તેથી તેના સેવનથી હિમોગ્લોબિન ઉત્પન્ન થાય છે. જે શરીરમાં લોહીની ઉણપ નહી થવા દે. જે લોકો એનિમિયાથી પીડિત છે. તેઓએ દરરોજ સવારે કિસમિસનું સેવન કરવું જોઈએ.

તમારા હૃદયને સ્વસ્થ રાખે
કિસમિસમાં પોટેશિયમ જોવા મળે છે. જે બ્લડ પ્રેશરને નિયંત્રિત કરવામાં અસરકારક છે. આ સાથે તમારા હૃદયને સ્વસ્થ રાખે છે.

પાચનશક્તિમાં સુધારો
દરરોજ સવારે પલાળેલી કિસમિસ ખાવાથી પાચનક્રિયા સુધરે છે કારણ કે તેમાં ફાઈબર હોય છે. આથી તમને અપચો, એસિડિટી અને કબજિયાત જેવી સમસ્યાઓથી સુરક્ષિત રહેશો.

વજન ઘટાડવામાં મદદરૂપ
દરરોજ સવારે થોડી પલાળેલી કિસમિસ અથવા તેનું પાણી પીવાથી વજન ઘટાડવામાં મદદ મળે છે. તેથી જે લોકો વજન ઘટાડવા માટે ડાયટ કરી રહ્યા હોય. એ લોકોએ સવારે પલાળેલી કિસમિસ ખાવી જોઈએ. જો કે, વધુ પડતા કિસમિસ ખાવાથી વજનમાં વધારો પણ થઈ શકે છે.

ત્વચા સ્વસ્થ રહેશે
કિસમિસમાં રહેલા તત્વો ત્વચાને સ્વસ્થ રાખવામાં મદદરૂપ છે. એ તમારી ત્વચા પરથી ફોલ્લીઓ અને ડાઘ-ધબ્બા દૂર કરે છે. પલાળેલી કિસમિસ ખાવાથી કોલેજન વધે છે. જે ત્વચાને ચમકદાર અને યુવાન રાખે છે.