56 વિદેશીઓ ભારતીય નાગરિક બન્યા; હર્ષ સંઘવીએ કહ્યુ – સંવાદ, સ્વીકાર, સમભાવનું રાષ્ટ્ર ભારત!
અમદાવાદઃ ગૃહ રાજ્યમંત્રી હર્ષ સંઘવીએ અફઘાનિસ્તાન, બાંગ્લાદેશ અને પાકિસ્તાનથી સ્થળાંતરિત થઈને મા ભારતના ખોળે આવેલા અમદાવાદ જિલ્લાના કુલ 56 અરજદારોને કાર્યક્રમમાં ‘ભારતીય નાગરિકતા પ્રમાણપત્ર’ એનાયત કર્યા હતા. આ અંગે તેમણે ટ્વીટ પણ કર્યું હતું.
🇮🇳 સંવાદ, સ્વીકાર, સમભાવનું રાષ્ટ્ર ભારત !
🇮🇳 અફઘાનિસ્તાન, બાંગ્લાદેશ અને પાકિસ્તાનથી સ્થળાંતરિત થઈને મા ભારતના ખોળે આવેલા અમદાવાદ જિલ્લાના કુલ 56 અરજદારોને અમદાવાદ ખાતે યોજાયેલા કાર્યક્રમમાં “ભારતીય નાગરિકતા પ્રમાણપત્ર” એનાયત કર્યા.
🇮🇳 અમદાવાદ જિલ્લામાં આજદિન સુધી કુલ 1223… pic.twitter.com/dAbE855qEN
— Harsh Sanghavi (@sanghaviharsh) December 12, 2024
હર્ષ સંઘવીએ ટ્વીટમાં લખ્યુ હતુ કે, ‘અમદાવાદ જિલ્લામાં આજદિન સુધી કુલ 1223 લોકોને નાગરિકતા પ્રમાણપત્ર એનાયત કરવામાં આવ્યા છે. આ નાગરિકતા પત્રથી સ્થળાંતરિત થયેલા લોકો દેશના મુખ્ય પ્રવાહમાં સામેલ થઈને શક્તિશાળી રાષ્ટ્ર ભારતના કાયમી નાગરિક બનશે.’
તેમણે વધુમાં લખ્યુ હતુ કે, ‘ભારત સ્વીકારનો પર્યાય છે. આ દેશને પોતાનું કાયમી નિવાસસ્થાન બનવાવવા સંકલ્પબદ્ધ થયેલા આ પરિવારોનો ભારત પ્રત્યેનો આદર અને સમર્પણ આ સ્વીકારનું પ્રમાણ છે.’
