અમદાવાદમાં ફરી GTનો વિજય, હૈદરાબાદને 7 વિકેટે હરાવ્યું
IPL 2024 12th Match SRH vs GT: IPL 2024ની 12મી મેચમાં ગુજરાત ટાઇટન્સે સનરાઇઝર્સ હૈદરાબાદને તેના હોમગ્રાઉન્ડ પર 7 વિકેટે હરાવ્યું હતું. ગુજરાત ટાઇટનના પહેલાં બોલરોએ કમાલ કરી અને ત્યારબાદ બેટ્સમેનોએ તૂફાની બેટિંક કરી અને હૈદરાબાદને હરાવ્યું. લક્ષ્યનો પીછો કરતા સાઈ સુદર્શને 36 બોલમાં 4 ચોગ્ગા અને 1 છગ્ગાની મદદથી ગુજરાત માટે 45 રનની સૌથી મોટી ઈનિંગ રમી હતી અને બોલિંગમાં મોહિત શર્માએ 3 વિકેટ લીધી હતી.
Match jeetwanu, juice peevanu, majjani life 🏏🥤🎉 #AavaDe | #GTvSRH pic.twitter.com/YoyG4CPlHq
— Gujarat Titans (@gujarat_titans) March 31, 2024
ટોસ જીતીને પ્રથમ બેટિંગ કરવા આવેલી સનરાઇઝર્સ હૈદરાબાદે 20 ઓવરમાં 162/8 રન બનાવ્યા હતા. ટીમનો કોઈ બેટ્સમેન 30 રનનો આંકડો પાર કરી શક્યો નહોતો. ટાર્ગેટનો પીછો કરતા ગુજરાતે 19.1 ઓવરમાં જીત મેળવી લીધી હતી. 163 રનના ટાર્ગેટનો પીછો કરતા ગુજરાતને સારી શરૂઆત મળી હતી. કેપ્ટન શુભમન ગિલ અને રિદ્ધિમાન સાહાએ પ્રથમ વિકેટ માટે 36 (25 બોલ)ની ભાગીદારી કરી હતી. ટીમને પહેલો ફટકો 5મી ઓવરમાં રિદ્ધિમાન સાહાના રૂપમાં લાગ્યો, જેણે 13 બોલમાં 1 ફોર અને 2 સિક્સરની મદદથી 25 રન બનાવ્યા. ત્યારબાદ ટીમે કેપ્ટન શુભમન ગીલના રૂપમાં બીજી વિકેટ ગુમાવી જે 28 બોલમાં 2 ચોગ્ગા અને 1 છગ્ગાની મદદથી 36 રન બનાવીને 10મી ઓવરમાં પેવેલિયન પરત ફર્યો હતો.
કેપ્ટનની વિકેટ બાદ ડેવિડ મિલર અને સાઈ સુદર્શને જવાબદારી લીધી અને બંનેએ ત્રીજી વિકેટ માટે 64 (42 બોલ)ની ભાગીદારી કરી. આ ભાગીદારી 17મી ઓવરમાં સાઈ સુદર્શનની વિકેટ સાથે સમાપ્ત થઈ. સુદર્શને 45 રનની ઇનિંગ રમી હતી. ત્યારબાદ ડેવિડ મિલરે વિજય શંકર સાથે ચોથી વિકેટ માટે 30* (18 બોલ)ની અતૂટ ભાગીદારી કરી અને ટીમને વિજય રેખા પાર કરવામાં મદદ કરી. મિલરે 27 બોલમાં 4 ચોગ્ગા અને 2 છગ્ગા સાથે 44* અને વિજય શંકરે 11 બોલમાં 2 ચોગ્ગાની મદદથી 14* રન બનાવ્યા હતા.
