મુંબઈ એરપોર્ટ પર કસ્ટમની કાર્યવાહી! 5.36 કરોડનું વિદેશી ચલણ, 5 કરોડની કિંમતનું હીરા અને સોનું જપ્ત કર્યું
Mumbai Airport Smuggling: કસ્ટમ વિભાગે ફરી એકવાર મુંબઈ એરપોર્ટ પર કરોડોની દાણચોરીને નિષ્ફળ બનાવી છે. માત્ર ત્રણ દિવસમાં જ કસ્ટમ્સે રૂ. 10.60 કરોડની વિદેશી ચલણ, હીરા અને સોનું જપ્ત કર્યું છે. કેસ નોંધવામાં આવ્યો છે અને આરોપીઓને કસ્ટડીમાં લેવામાં આવ્યા છે. મુંબઈ કસ્ટમ્સ ઝોન-III નો અહેવાલ છે કે 20-22 માર્ચ દરમિયાન મુંબઈ એરપોર્ટ પર આઠ કેસ મળી આવ્યા હતા. આ સમયગાળા દરમિયાન 5.36 કરોડ રૂપિયાનું વિદેશી ચલણ, 3.75 કરોડ રૂપિયાના હીરા અને 1.49 કરોડ રૂપિયાનું સોનું જપ્ત કરવામાં આવ્યું છે. કસ્ટમ્સે કુલ 10.60 કરોડ રૂપિયા જપ્ત કર્યા છે.
On 20-22 Mar, 24, Airport Commissionerate, Mumbai Customs Zone-III seized FC valued at 5.36 Cr, Diamonds valued at 3.75 Cr & Gold valued at Rs 1.49 cr, together valued at 10.60 Cr across 8 cases. Above goods were concealed in check-in bag, hand bag, clothes worn, body cavity. pic.twitter.com/4iQ9PIJHgK
— Mumbai Customs-III (@mumbaicus3) March 22, 2024
અધિકારીઓએ જણાવ્યું હતું કે છેલ્લા ત્રણ દિવસમાં આરોપીઓએ તેમનો સામાન, ચેક-ઇન બેગ, હેન્ડ બેગ, પહેરેલા કપડાંમાં છુપાવ્યા હતા. કસ્ટમ વિભાગ દ્વારા જાહેર કરવામાં આવેલા વીડિયોમાં જોઈ શકાય છે કે આરોપી મુસાફરોએ પોતાના સામાનમાં ચાલાકીપૂર્વક વિદેશી ચલણ અને હીરા છુપાવ્યા હતા. એક મુસાફરે તેની હેન્ડ બેગમાં, ટ્રાઉઝર પેન્ટમાં એક હીરા સંતાડ્યા હતો. જ્યારે અન્ય એક કિસ્સામાં ચીપ્સ અને ફળો ભરેલી ટ્રોલી બેગની અંદર રાખેલી હેન્ડબેગમાં વિદેશી ચલણ છુપાવવામાં આવ્યું હતું.
તાજેતરમાં, ડિરેક્ટોરેટ ઓફ રેવન્યુ ઈન્ટેલિજન્સ (DRI)એ મુંબઈના છત્રપતિ શિવાજી ઈન્ટરનેશનલ એરપોર્ટ પર અંદાજે રૂ. 100 કરોડની કિંમતનો 9.829 કિલો કોકેઈન જપ્ત કર્યો હતો. આ કેસમાં ઈન્ડોનેશિયન અને થાઈ મૂળની બે મહિલા મુસાફરો સહિત ચાર લોકોની ધરપકડ કરવામાં આવી હતી.
