અનંત-રાધિકાના પ્રી-વેડિંગમાં પરફોર્મન્સ કરશે આલિયા-રણબીર?
જામનગર: અનંત અંબાણી અને રાધિકા મર્ચન્ટ 3 માર્ચે જામનગરમાં લગ્ન કરવા જઈ રહ્યા છે. લગ્ન પહેલા, કપલના પ્રી-વેડિંગ ફંક્શન 1 માર્ચથી શરૂ થશે. અનંત તેની લાંબા સમયની ગર્લફ્રેન્ડ રાધિકા મર્ચન્ટ સાથે સાત ફેરા લેવા જઈ રહ્યો છે. બંનેના લગ્નની તૈયારીઓ પણ જોરશોરથી શરૂ થઈ ગઈ છે. રિપોર્ટ્સ અનુસાર, અનંત અને રાધિકાના પ્રી-વેડિંગ ફંક્શનમાં રણબીર કપૂર અને આલિયા ભટ્ટ જબરદસ્ત પરફોર્મન્સ આપવાના છે.
મીડિયા રિપોર્ટ્સ અનુસાર, બોલિવૂડ કપલ આલિયા ભટ્ટ અને રણબીર કપૂર પણ અનંત અને રાધિકાના પ્રી-વેડિંગ સેરેમની માટે ગુજરાત પહોંચી ગયા છે. તાજેતરમાં, આ ઇવેન્ટના રિહર્સલના બંને સ્ટાર્સનો એક વીડિયો સોશિયલ મીડિયા પર સામે આવ્યો છે. વીડિયોમાં આકાશ આલિયા-રણબીર સાથે જોવા મળી રહ્યો છે, જેમાં તે તેમને સ્થળની વ્યવસ્થા બતાવી રહ્યો છે.
View this post on Instagram
ગયા મહિને જાન્યુઆરીમાં અનંત અને રાધિકાના ભવ્ય લગ્નના સમાચારની પુષ્ટિ થઈ હતી. અંબાણી પરિવાર દ્વારા જારી કરવામાં આવેલા નિવેદનમાં કહેવામાં આવ્યું છે કે અમે તમને 1-3 માર્ચ 2024 દરમિયાન જામનગરના રિલાયન્સ ગ્રીન્સમાં રાધિકા અને અનંતના પ્રી-વેડિંગ ફંક્શનમાં આમંત્રિત કરીએ છીએ.
રણબીર કપૂર-આલિયા ભટ્ટ વર્કફ્રન્ટ
રણબીર કપૂર અને આલિયાના વર્ક ફ્રન્ટ વિશે વાત કરીએ તો, અભિનેતા તાજેતરમાં સંદીપ રેડ્ડી વાંગાની એક્શન ડ્રામા ફિલ્મ એનિમલમાં જોવા મળ્યો હતો. એનિમલ પછી રણબીર કપૂરની બકેટ લિસ્ટમાં નિતેશ તિવારીની રામાયણ અને સંજય લીલા ભણસાલીની લવ એન્ડ વોરનો સમાવેશ થાય છે. તો રોકી અને રાનીની લવસ્ટોરી બાદ આલિયા ભટ્ટ જીગરા અને ભણસાલીની લવ એન્ડ વોરમાં જોવા મળી શકે છે.
