‘INDIA’ ગાંઠબંધનને મોટો ઝટકો : મમતા બેનર્જીની જાહેરાત – બંગાળમાં એકલા હાથે ચૂંટણી લડીશ
બેઠકોની વહેંચણીમાં સમસ્યાઓ વચ્ચે, તૃણમૂલ કોંગ્રેસના મુખિયા અને પશ્ચિમ બંગાળના મુખ્યમંત્રી મમતા બેનર્જીએ પશ્ચિમ બંગાળની તમામ 42 બેઠકો પર લોકસભા ચૂંટણી એકલા હાથે લડવાની જાહેરાત કરી છે. અગાઉ પીટીઆઈએ પાર્ટીના એક સૂત્રને ટાંકીને કહ્યું હતું કે, ટીએમસીના ગઢ બીરભૂમ જિલ્લામાં બંધ બારણે સંગઠનાત્મક બેઠક દરમિયાન પશ્ચિમ બંગાળના મુખ્યમંત્રી મમતા બેનર્જીએ પાર્ટીના નેતાઓને એકલા ચૂંટણી લડવા માટે તૈયાર રહેવા અને સીટની વહેંચણીની વાતચીત અંગે વાત કરી હતી. ટીએમસીના એક વરિષ્ઠ નેતાએ પીટીઆઈને કહ્યું હતું કે, અમારી પાર્ટીના સુપ્રીમોએ સ્પષ્ટ કહ્યું છે કે અમારે કોંગ્રેસ સાથે સીટ શેરિંગની વાતચીત વિશે વિચારવાની જરૂર નથી. તેમણે કહ્યું કે પાર્ટીએ તેમને બે બેઠકોની ઓફર કરી હતી. પરંતુ કોંગ્રેસ ઘણા વખતથી 10-12 સીટોની માંગ કરી રહી છે.
કોંગ્રેસ અને ડાબેરીઓ પર પોતાનો ગુસ્સો ઠાલવ્યો
ઈન્ડિયા ગઠબંધનને 2024 લોકસભા પહેલા મોટો ઝટકો લાગ્યો છે. તૃણમૂલ કોંગ્રેસ (TMC)ના વડા અને પશ્ચિમ બંગાળના મુખ્યમંત્રી મમતા બેનર્જીએ સ્પષ્ટ કર્યું છે કે, તેમની પાર્ટી રાજ્યમાં એકલા હાથે ચૂંટણી લડશે. આજે આ મોટી જાહેરાત કરીને, તેમણે કોંગ્રેસ અને ડાબેરીઓ પર પોતાનો ગુસ્સો ઠાલવ્યો હતો. મમતા બેનર્જીએ દાવો કર્યો હતો કે તેમના તમામ પ્રસ્તાવો ફગાવી દેવામાં આવ્યા હતા તેથી તેમણે એકલા હાથે લડવાનું નક્કી કર્યું છે. દીદીના કહેવા પ્રમાણે, ટીએમસી બંગાળમાં કોઈની સાથે સંકલન નહીં કરે. વધુમાં તેમણે કહ્યું કે, તેમની પાર્ટીને બંગાળમાં કોંગ્રેસની ભારત જોડો ન્યાય યાત્રા વિશે કોઈ માહિતી આપવામાં આવી નથી. તેમજ કોંગ્રેસે તેમની સાથે આ અંગે કોઈ ચર્ચા કરી નથી. સીએમ મમતા દ્વારા જે પણ પ્રસ્તાવો આપવામાં આવ્યા હતા તેને ફગાવી દેવામાં આવ્યા હતા.
West Bengal CM Mamata Banerjee says "I had no discussions with the Congress party. I have always said that in Bengal, we will fight alone. I am not concerned about what will be done in the country but we are a secular party and in Bengal, we will alone defeat BJP. I am a part of… pic.twitter.com/VK2HH3arJI
— ANI (@ANI) January 24, 2024
ઉલ્લેખનીય છે કે, રાજ્ય સ્તરે ઈન્ડિયા બ્લોકના સહયોગી દળો વચ્ચે બેઠકોની વહેંચણીને લઈને ઘણા સમયથી સમસ્યા જગજાહેર છે. આવી સ્થિતિમાં હવે મમતા બેનર્જીએ એકલા હાથે લોકસભાની ચૂંટણી લડવાની જાહેરાત કરી દીધી છે. સીએમ બેનર્જીએ 10-12 લોકસભા મતવિસ્તારોની ગેરવાજબી માંગને ટાંકીને પશ્ચિમ બંગાળમાં બેઠકોની વહેંચણી પર ચર્ચામાં વિલંબ કરવા બદલ કોંગ્રેસની ટીકા કરી હતી. વર્ષ 2019ની લોકસભા ચૂંટણી દરમિયાન જે-તે મતવિસ્તારોમાં તેના સારા પ્રદર્શનને ધ્યાનમાં રાખીને TMC કોંગ્રેસને માત્ર બે બેઠકો આપવા તૈયાર છે.
આ પણ વાંચો : રાહુલ ગાંધી સહિત આ કોંગ્રેસી નેતાઓ સામે FIR નોંધાઈ; આસામના સીએમએ માહિતી આપી
કોંગ્રેસની પ્રતિક્રિયા ?
દરમિયાન, રાજ્ય કોંગ્રેસના વડા અધીર રંજન ચૌધરી, ટીએમસીના સ્વર ટીકાકાર, સામાન્ય ચૂંટણી લડવાને લઈને ટીએમસી અને મમતા બેનર્જીને નિશાન બનાવી રહ્યા છે. મંગળવારે, ચૌધરીએ પશ્ચિમ બંગાળના મુખ્યમંત્રીને તકવાદી ગણાવ્યા અને કહ્યું કે કોંગ્રેસ તેમની દયા પર ચૂંટણી લડશે નહીં. જો કે, પક્ષના વરિષ્ઠ નેતા રાહુલ ગાંધીએ ગઇકાલે ચૌધરીની ટીકાને નકારી કાઢી હતી અને કહ્યું હતું કે આવી ટિપ્પણીઓથી કોઈ ફરક નહીં પડે, મમતા બેનર્જી તેમની ખૂબ નજીક છે.
