રાહુલ ગાંધી સહિત આ કોંગ્રેસી નેતાઓ સામે FIR નોંધાઈ; આસામના સીએમએ માહિતી આપી
કોંગ્રેસ સાંસદ રાહુલ ગાંધી, પાર્ટીના મહાસચિવ કેસી વેણુગોપાલ, ઈન્ડિયન નેશનલ સ્ટુડન્ટ્સ યુનિયન ઓલ ઈન્ડિયા કોંગ્રેસ કમિટીના પ્રભારી કન્હૈયા કુમાર અને અન્ય વ્યક્તિઓ વિરુદ્ધ ઈન્ડિયન પીનલ કોડ અને પ્રિવેન્શન ઓફ ડેમેજ ટુ પબ્લિક પ્રોપર્ટી એક્ટની વિવિધ કલમો હેઠળ આસામ પોલીસે FIR દાખલ કરી છે. આ એફઆઈઆર આસામમાં નોંધવામાં આવી છે. મંગળવારે મુખ્ય પ્રધાન હિમંતા બિસ્વા સરમાના નિવેદન પછી આ FIR દાખલ કરવામાં આવી છે. તેમણે કહ્યું હતું કે, રાજ્ય પોલીસ રાહુલ ગાંધી વિરુદ્ધ ફોજદારી કેસ નોંધશે અને લોકસભા ચૂંટણી પછી તેમની ધરપકડ કરશે.
મુખ્યમંત્રી હિમંતા બિસ્વા સરમાએ પોસ્ટ કર્યું
મુખ્યમંત્રી હિમંતા બિસ્વા સરમાએ સોશિયલ મીડિયા પર આ મામલાને પોસ્ટ કરીને કહ્યું કે, કોંગ્રેસ કાર્યકર્તાઓ દ્વારા આજે હિંસા, ઉશ્કેરણી, જાહેર સંપત્તિને નુકસાન અને પોલીસ કર્મચારીઓ પર હુમલાના અણઘડ કૃત્યોના સંદર્ભમાં, રાહુલ ગાંધી, કેસી વેણુગોપાલ, કન્હૈયા કુમાર અને અન્ય વ્યક્તિઓ વિરુદ્ધ કલમ 120(B)143/147 હેઠળ FIR નોંધવામાં આવી છે. /188/283/353/332/333/427 IPC R/W કલમ હેઠળ FIR નોંધવામાં આવી છે.
With reference to wanton acts of violence, provocation , damage to public property and assault on police personnel today by Cong members , a FIR has been registered against Rahul Gandhi, KC Venugopal , Kanhaiya Kumar and other individuals under section…
— Himanta Biswa Sarma (@himantabiswa) January 23, 2024
લોકસભા ચૂંટણી પછી પોલીસ વાયનાડ સાંસદની ધરપકડ કરશે
ભારત જોડો ન્યાય યાત્રા દરમિયાન ખાનપરા વિસ્તારમાં પોલીસ અને કોંગ્રેસ કાર્યકર્તાઓ વચ્ચે અથડામણની ઘટના બાદ આસામના મુખ્યમંત્રી હિમંતા બિસ્વા સરમાએ આરોપ લગાવ્યો હતો કે, કોંગ્રેસ નેતા રાહુલ ગાંધીએ લગભગ 3000 લોકો અને 200 વાહનો સાથે ગુવાહાટીમાં પ્રવેશવાનો પ્રયાસ કર્યો હતો. વધુમાં આસામના મુખ્યમંત્રીએ કહ્યું કે, પોલીસ તપાસ શરૂ કરશે અને લોકસભા ચૂંટણી પછી વાયનાડ સાંસદ રાહુલ ગાંધીની ધરપકડ કરશે.
આ પણ વાંચો : રાહુલ ગાંધીએ આસામમાં કહ્યું; હિમંતા બિસ્વા સરમા દેશના સૌથી ભ્રષ્ટ મુખ્યમંત્રી
ભારત જોડો ન્યાય યાત્રા
રાહુલ ગાંધી મણિપુરથી મુંબઈ સુધીની કોંગ્રેસ પાર્ટીની ભારત જોડો ન્યાય યાત્રાનું નેતૃત્વ કરી રહ્યા છે અને યાત્રા ગુવાહાટી શહેરમાં પ્રવેશવાની હતી ત્યારે કોંગ્રેસના કાર્યકરોને પોલીસ દ્વારા શહેરમાં પ્રવેશતા અટકાવવામાં આવ્યા હતા અને આસામ પોલીસ સાથે ઘર્ષણ થયું હતું. આજે યાત્રા બારપેટા, બોંગાઈગાંવ તરફ આગળ વધશે અને સાંજે ધુબરીમાં રાહુલ ગાંધી જાહેર સભા યોજશે.
આ પણ વાંચો : ‘કર્પૂરી ઠાકુરના પ્રયાસોએ કરોડો લોકોનું જીવન બદલી નાખ્યું’ – PM મોદી
