T20 વર્લ્ડ કપની તૈયારી માટે ભારતીય ટીમ બાંગ્લાદેશના પ્રવાસે જશે
અમદાવાદ: T20 વર્લ્ડ કપની તૈયારીઓ ચાલી રહી છે. તેને ધ્યાનમાં રાખીને એક મહત્વનો નિર્ણય લેવામાં આવ્યો છે. ભારતીય ટીમ બાંગ્લાદેશ સામે 28 એપ્રિલથી 9 મે સુધી ઘરઆંગણે 5 T20નું આયોજન કરવા જઈ રહી છે. જેનું તમામ શિડ્યુલ લીસ્ટ થોડા જ સમયમાં જાહેર કરવામાં આવશે. આ ઈવેન્ટ પહેલા ભારતીય ટીમ બાંગ્લાદેશની મુલાકાત લેશે.
યજમાની કરશે
BCB દ્વારા તૈયાર કરાયેલા ડ્રાફ્ટ શેડ્યૂલમાં આપેલી માહિતી અનુસાર 28 એપ્રિલથી 9 મે સુધી સિલ્હેટ ઈન્ટરનેશનલ ક્રિકેટ સ્ટેડિયમમાં રમવામાં આવશે. જોકે આ શ્રેણી ICC ફ્યુચર ટૂર પ્રોગ્રામનો ભાગ નથી. આ સમયે બાંગ્લાદેશ મહિલા ક્રિકેટના નવા વડા હબીબુલ બશરે ક્રિકબઝને માહિતી આપતા જણાવ્યું કે બાંગ્લાદેશ માટે બે ટોચના રાષ્ટ્રો સામે બેક ટુ બેક શ્રેણી રમીને ઓક્ટોબરમાં દેશમાં યોજાનાર આગામી T20 વર્લ્ડ કપની તૈયારી કરવાની આ એક તક આવી રહી છે. અમે તેમની સામે સ્પર્ધા કરવા માટે ઉત્સુક છીએ. અમે વિજય પણ મેળવીશું.
તૈયારીઓ શરૂ કરશે
હબીબુલ બશરે વધુમાં કહ્યું કે અમે તેમની સામે સ્પર્ધા કરવા માટે ઉત્સુક છીએ અને જો અમે સકારાત્મક પરિણામ મેળવી શકીશું, તો તે ચોક્કસપણે અમારી ટીમનો આત્મવિશ્વાસ વધારશે, કારણ કે ભારત અને ઓસ્ટ્રેલિયા જેવી ટીમોને હરાવવાનું મહત્વ દરેક વ્યક્તિ જાણે છે. તમને જણાવી દઈએ કે બાંગ્લાદેશની મહિલા ટીમ 28 ફેબ્રુઆરીથી 2 માર્ચ સુધી ઢાકામાં સ્પિન કેમ્પ સાથે ઓસ્ટ્રેલિયા સામેની આગામી હોમ સીરિઝ માટે પોતાની તૈયારીઓ શરૂ કરશે.
