રણવીરે ડીપફેક વીડિયો વિરુદ્ધ લીધા કડક પગલાં, નોંધાવી FIR
Ranveer Singh Files FIR: આમિર ખાન બાદ હવે રણવીર સિંહે ડીપફેક વીડિયો વાયરલ થયા બાદ પોલીસમાં FIR નોંધાવી છે. આ એફઆઈઆર થોડા દિવસો પહેલા વાયરલ થયેલા ડીપફેક વીડિયો સામે દાખલ કરવામાં આવી છે. જેમાં અભિનેતા કેટલાક રાજકીય પક્ષો વિશે વાત કરતો જોવા મળ્યો હતો. આ પહેલા અભિનેતાએ લોકોને આવા ડીપ ફેક વીડિયોથી દૂર રહેવાની સલાહ પણ આપી હતી.
FIR નોંધાવી
મળતી માહિતી અનુસાર રણવીર સિંહે AI દ્વારા બનાવેલા ડીપફેક વીડિયો સામે પોલીસમાં FIR નોંધાવી છે. આ અંગે અભિનેતાના પ્રવક્તાએ કહ્યું – ‘હા, અમે સોશિયલ મીડિયા હેન્ડલ વિરુદ્ધ પોલીસમાં ફરિયાદ નોંધાવી છે જે અભિનેતાનો ડીપફેક વીડિયો શેર કરીને તેનો પ્રચાર કરી રહ્યો છે.’
Actor Ranveer Singh files FIR against an AI-generated Deepfake video doing the rounds on social media in which he is purportedly heard voicing his political views.
His spokesperson says, “Yes, we have filed the police complaint and FIR has been lodged against the handle that was… pic.twitter.com/nCT6lsyfCg
— ANI (@ANI) April 22, 2024
આ વાયરલ વીડિયો જોયા બાદ જ લોકોને ખબર પડી કે આ ડીપ ફેક વીડિયો છે. આ પછી અભિનેતાએ સોશિયલ મીડિયા પર લોકો માટે એક પોસ્ટ લખી જેમાં તેણે લોકોને આવા ડીપ ફેક વીડિયોથી દૂર રહેવાની સલાહ આપી. તમને જણાવી દઈએ કે, આ પહેલા રણવીર સિંહ, રશ્મિકા મંદન્ના, આમિર ખાન, કેટરીના કૈફ આ ડીપફેક વીડિયોનો શિકાર બની ચૂક્યા છે.
વર્ક ફ્રન્ટની વાત કરીએ તો રણવીર છેલ્લે આલિયા ભટ્ટ સાથે ફિલ્મ ‘રોકી ઔર રાની કી પ્રેમ કહાની’માં જોવા મળ્યો હતો. હાલમાં અભિનેતા ફિલ્મ ‘ડોન 3’ માટે ચર્ચામાં છે. ખાસ વાત એ છે કે આ ફિલ્મમાં કિયારા અડવાણી પહેલીવાર અભિનેતા સાથે જોવા મળશે. હવે અભિનેતા સપ્ટેમ્બરમાં પિતા બનવા જઈ રહ્યો છે. દીપિકાએ થોડા દિવસો પહેલા પોસ્ટ કરીને પોતાની પ્રેગ્નન્સીની જાહેરાત કરી હતી. તેમજ ડિલિવરી મહિનો સપ્ટેમ્બર તરીકે દર્શાવવામાં આવ્યો હતો. હાલમાં અભિનેત્રી ઘરે ક્વોલિટી ટાઈમ વિતાવી રહી છે.
