PM મોદી આવતીકાલે શિક્ષણ ક્ષેત્રને આપશે મોટું પ્રોત્સાહન
PM Modi to visit Jammu-Kashmir: પીએમ નરેન્દ્ર મોદી (PM Modi) 20 ફેબ્રુઆરીએ જમ્મુની મુલાકાતે છે. જમ્મુની મુલાકાત દરમિયાન પીએમ મોદી શિલાન્યાસ કરશે અને સાથે સાથે અનેક પ્રોજેક્ટનું ઉદ્ઘાટન પણ કરશે. માહિતી અનુસાર આ તમામ પ્રોજેક્ટની કુલ કિંમત 30,500 કરોડ રૂપિયા છે. જમ્મુ-કાશ્મીર કેન્દ્રશાસિત પ્રદેશ બન્યા બાદ પીએમ નરેન્દ્ર મોદીની આ બીજી મોટી રેલી હશે. પીએમની આ મુલાકાત રાષ્ટ્રને સમર્પિત કરવામાં આવશે. આ સમયગાળા દરમિયાન પીએમ જમ્મુમાં બનેલ એઈમ્સનું ઉદ્ઘાટન પણ કરવાના છે, નોંધનીય છે કે આ હોસ્પિટલનો શિલાન્યાસ પીએમ દ્વારા ફેબ્રુઆરી 2019માં કરવામાં આવ્યો હતો. AIIMSના ઉદ્ઘાટનથી કાશ્મીર તેમજ લેહ લદ્દાખ, પંજાબ અને હિમાચલ પ્રદેશના લોકોને સારવાર માટે અહીં-ત્યાં ભટકવું નહીં પડે. આ ઉપરાંત પીએમ મોદી 48.1 કિલોમીટર લાંબા બનિહાલ-સંગલદાન રેલ્વે વિભાગનું પણ ઉદ્ઘાટન કરશે. આ રેલ વિભાગ 272 કિલોમીટર લાંબા ઉધમપુર-શ્રીનગર-બારામુલ્લા રેલ વિભાગનો એક મહત્વપૂર્ણ ભાગ છે જે કાશ્મીરને દેશના બાકીના ભાગો સાથે જોડે છે. આ ઉદ્ઘાટનને લઇને રામબન જિલ્લાની આસપાસના ગામડાઓના લોકોમાં આ રેલ્વે વિભાગને લઈને ઘણો ઉત્સાહ છે. પીએમ મોદી દેશમાં ત્રણ નવા IIM એટલે કે IIM જમ્મુ, IIM બોધ ગયા અને IIM વિશાખાપટ્ટનમનું ઉદ્ઘાટન કરશે.પીએમ મોદી IIT ભિલાઈ, IIT તિરુપતિ, IIT જમ્મુ, IIITDM કાંચીપુરમના કાયમી કેમ્પસ પ્રોજેક્ટને રાષ્ટ્રને સમર્પિત કરશે.
Prime Minister Narendra Modi will visit Jammu on 20th February.
At around 11:30 AM, in a public function at the Maulana Azad Stadium, Jammu, PM will inaugurate, dedicate to the nation and lay the foundation stone of multiple development projects worth over Rs 30,500 crore. The… pic.twitter.com/AGF6N2jG3I
— ANI (@ANI) February 19, 2024
13,375 કરોડના પ્રોજેક્ટનું ઉદ્ઘાટન કર્યું
પીએમ નરેન્દ્ર મોદી સમગ્ર દેશમાં શિક્ષણને પ્રોત્સાહન આપવા માટે અનેક શૈક્ષણિક સંસ્થાઓનો શિલાન્યાસ કરવા ઉપરાંત અન્ય સ્થળોએ બનેલી સંસ્થાઓનું પણ ઉદ્ઘાટન કરશે. માહિતી અનુસાર પીએમ લગભગ 13,375 કરોડ રૂપિયાના અનેક પ્રોજેક્ટનું ઉદ્ઘાટન અને શિલાન્યાસ કરશે. પીએમ મોદી જમ્મુમાંથી જ દેશમાં ત્રણ નવા IIM એટલે કે IIM જમ્મુ, IIM બોધગયા અને IIM વિશાખાપટ્ટનમનું ઉદ્ઘાટન કરશે. પીએમ મોદી સમગ્ર દેશમાં કેન્દ્રીય વિદ્યાલય માટે 20 નવી ઇમારતો અને નવોદય વિદ્યાલયની 13 નવી ઇમારતોનું ઉદ્ઘાટન પણ કરશે. આ સિવાય અન્ય સંસ્થાઓનું પણ ઉદ્ઘાટન પીએમ મોદી દ્વારા કરવામાં આવશે, દેશભરના વિદ્યાર્થીઓની શૈક્ષણિક જરૂરિયાતોને પહોંચી વળવા માટે આ એક મહત્વપૂર્ણ પગલું માનવામાં આવી રહ્યું છે.
PM Narendra Modi will inaugurate the All India Institute of Medical Sciences (AIIMS), Vijaypur (Samba), Jammu tomorrow February 20.
The institute, whose foundational stone was also laid by the Prime Minister in February 2019, is being established under the Central sector scheme… pic.twitter.com/5oO4kk6SSi
— ANI (@ANI) February 19, 2024
નવા ટર્મિનલ બિલ્ડીંગનો શિલાન્યાસ કરશે
જમ્મુ મુલાકાત દરમિયાન પીએમ મોદી જમ્મુ એરપોર્ટ પર નવા ટર્મિનલ બિલ્ડિંગનો શિલાન્યાસ કરશે. માહિતી અનુસાર આ નવું ટર્મિનલ 40 હજાર ચોરસ મીટરમાં ફેલાયેલું છે, જેમાં લગભગ 2000 મુસાફરોને સેવા પૂરી પાડી શકાશે અને સાથે સાથે આ ટર્મિનલમાં આધુનિક સુવિધાઓ પણ ઉપલબ્ધ હશે. કાર્યક્રમ દરમિયાન પીએમ મોદી જમ્મુ અને કટરા વચ્ચે બનેલા દિલ્હી-અમૃતસર-કટરા એક્સપ્રેસવેના બે પેકેજની સાથે અન્ય મહત્વપૂર્ણ રોડ પ્રોજેક્ટ્સનો પણ શિલાન્યાસ કરશે અને પીએમ મોદી જમ્મુમાં કોમન યુઝર ફેસિલિટી પેટ્રોલિયમ ડેપો વિકસાવવા માટેના પ્રોજેક્ટનો શિલાન્યાસ પણ કરશે, જેની કિંમત અંદાજે રૂ. 677 કરોડ છે.
