આજે દિલ્હીના મેદાન પર પંતની પરીક્ષા, હૈદરાબાદ માટે વધુ એક ચાન્સ
IPL 2024ની 35મી મેચ શનિવારે દિલ્હી કેપિટલ્સ (DC) અને સનરાઈઝર્સ હૈદરાબાદ (SRH) વચ્ચે રમાશે. બંને ટીમો દિલ્હીના અરુણ જેટલી સ્ટેડિયમમાં ટકરાશે. દિલ્હીની ટીમ પોઈન્ટ ટેબલમાં વધુ આગળ વધવા માટે પરસેવો પાડશે. જ્યારે હૈદરાબાદની ટીમ વધું કોઈ રેકોર્ડ માટે મેદાને ઊતરશે. DC વર્તમાન સિઝનમાં પ્રથમ વખત અહીં મેચ રમશે. સ્પર્ધાત્મક ક્રિકેટમાં વાપસી કર્યા બાદ ઋષભ પંત પ્રથમ વખત દિલ્હીના ઘરઆંગણાની ભીડ સામે રમતો જોવા મળશે.
ગુજરાતને પછાડ્યું છે.
દિલ્હીએ તેની છેલ્લી બે મેચમાં ગુજરાત અને લખનૌને હરાવ્યું છે. DC 6 પોઈન્ટ સાથે છઠ્ઠા સ્થાને છે. તે જ સમયે, પેટ કમિન્સની આગેવાની હેઠળની SRH એ છેલ્લી ત્રણ મેચોમાં RCB, પંજાબ અને ચેન્નાઈને હરાવી હતી. અનુભવી ઓપનર ડેવિડ વોર્નર દિલ્હીની પ્લેઈંગ ઈલેવનમાં વાપસી કરી શકે છે. તે લખનૌ સામેની મેચ દરમિયાન ઈજાગ્રસ્ત થયો હતો. તેની આંગળીમાં ઈજા થઈ હતી. તે ગુજરાત સામે રમ્યો નહોતો. જો કે વોર્નર આજે મેદાનમાં ઉતરશે કે નહી તે અંગેનો નિર્ણય મેચ પહેલા લેવામાં આવશે. દિલ્હીના મુખ્ય કોચ રિકી પોન્ટિંગે કહ્યું કે વોર્નરનો એક્સ-રે સ્પષ્ટ છે પરંતુ થોડો સોજો છે.
આ પણ વાંચો: MS Dhoniએ લખનૌનાં એકાના સ્ટેડિયમમાં ઈતિહાસ રચ્યો
બોલરનો તરખાટ
ડીસી ફરી એકવાર ઈશાંત શર્મા, ખલીલ અહેમદ અને મુકેશ કુમાર પાસેથી અસરકારક પ્રદર્શનની આશા રાખશે. ભારતીય પેસ ત્રિપુટીએ તાજેતરની જીતમાં મહત્વની ભૂમિકા ભજવી છે. કુલદીપ યાદવ અને અક્ષર પટેલ સ્પિન વિભાગમાં શાનદાર સાબિત થઈ રહ્યા છે. બીજી તરફ, SRHના બેટ્સમેનો શાનદાર પ્રદર્શન કરી રહ્યા છે. ટેવિસ હેડ, હેનરિક ક્લાસેન અને અભિષેક શર્મા ટોચના ક્રમમાં તેમની તોફાની બેટિંગથી વિરોધી ટીમની પરીક્ષા કરી રહ્યા છે. SRH એ RCB સામે ત્રણ વિકેટે 287 રન બનાવ્યા, જે IPLના ઈતિહાસમાં સર્વોચ્ચ સ્કોર છે.
હૈદરાબાદ માટે વધુ એક ચાન્સ
ઓપનર હેડે 41 બોલમાં 102 રનની સદીની ઇનિંગ રમી હતી. જો કે, SRH બોલરો અત્યાર સુધી કંઈ ખાસ દેખાડી શક્યા નથી. એક સમયે, SRHનું નસીબ RCBની સામે ડૂબતું હોય તેવું લાગતું હતું. લક્ષ્યનો પીછો કરતી વખતે, RCBએ 262/7નો સ્કોર કર્યો અને માત્ર 25 રનથી હારી ગઈ. આવી સ્થિતિમાં હૈદરાબાદ કેમ્પ બોલરોને પાટા પર પાછા આવવાની આશા રાખશે.
દિલ્હી કેપિટલ્સની સંભવિત XI: પૃથ્વી શૉ, ડેવિડ વોર્નર/સુમિત કુમાર, જેક ફ્રેઝર-મેકગર્ક, ટ્રિસ્ટન સ્ટબ્સ, શાઈ હોપ, રિષભ પંત (કેપ્ટન અને વિકેટકીપર), અક્ષર પટેલ, કુલદીપ યાદવ, ઈશાંત શર્મા, મુકેશ કુમાર, ખલીલ અહેમદ. [ઈમ્પેક્ટ સબસ્ટિટ્યુટ: અભિષેક પોરેલ].
સનરાઇઝર્સ હૈદરાબાદની સંભવિત ઇલેવન: ટ્રેવિસ હેડ, અભિષેક શર્મા, એડન માર્કરામ, હેનરિક ક્લાસેન (વિકેટમાં), અબ્દુલ સમદ, નીતિશ રેડ્ડી, શાહબાઝ અહેમદ, પેટ કમિન્સ (સી), ભુવનેશ્વર કુમાર, જયદેવ ઉનડકટ, ટી નટરાજન. ઇમ્પેક્ટ સબસ્ટિટ્યુટ: મયંક માર્કંડે].
