મહાકુંભના પહેલા દિવસે 1.5 કરોડ ભક્તોએ પવિત્ર ડૂબકી લગાવી, જાણો CM યોગીએ શું કહ્યું…
Maha kumbh 2025: સોમવારે પોષ પૂર્ણિમાના સ્નાન સાથે મહા કુંભ મેળાની શરૂઆત થઈ. સોમવારે દોઢ કરોડ લોકોએ ગંગા અને સંગમમાં આસ્થાની ડૂબકી લગાવી. મુખ્યમંત્રી યોગી આદિત્યનાથે તમામ ભક્તો, સંતો, કલ્પવાસીઓ અને મુલાકાતીઓનું સ્વાગત કર્યું અને તેમને મહાકુંભના પ્રથમ સ્નાન માટે શુભકામનાઓ પાઠવી. તેમણે મહાકુંભને ભારતના આધ્યાત્મિક અને સાંસ્કૃતિક ગૌરવનું પ્રતીક ગણાવ્યું.
मानवता के मंगलपर्व 'महाकुम्भ 2025' में 'पौष पूर्णिमा' के शुभ अवसर पर संगम स्नान का सौभाग्य प्राप्त करने वाले सभी संतगणों, कल्पवासियों, श्रद्धालुओं का हार्दिक अभिनंदन।
प्रथम स्नान पर्व पर आज 1.50 करोड़ सनातन आस्थावानों ने अविरल-निर्मल त्रिवेणी में स्नान का पुण्य लाभ अर्जित किया।…
— Yogi Adityanath (@myogiadityanath) January 13, 2025
સીએમ યોગી આદિત્યનાથે X પર પોસ્ટ કર્યું
સીએમ યોગીએ તેમના સોશિયલ મીડિયા હેન્ડલ X પર લખ્યું છે, માનવતાના પવિત્ર પર્વ ‘મહાકુંભ 2025’માં ‘પોષ પૂર્ણિમા’ના શુભ પ્રસંગે સંગમમાં ડૂબકી લગાવવાનો મોકો મેળવનારા તમામ સંતો, કલ્પવાસીઓ, ભક્તોને હાર્દિક અભિનંદન. આજે પ્રથમ સ્નાન મહોત્સવમાં, 1.50 કરોડ સનાતન શ્રદ્ધાળુઓએ અવિરત અને સ્વચ્છ ત્રિવેણીમાં સ્નાન કરવાનો પવિત્ર લાભ મેળવ્યો.
પોષ પૂર્ણિમાના દિવસે ગંગા સ્નાનનું શું મહત્વ છે?
પુજારી રાજેન્દ્ર મિશ્રાએ જણાવ્યું હતું કે પોષ મહિનાના શુક્લ પક્ષના 15મા દિવસે પોષ પૂર્ણિમાના દિવસે ગંગા સ્નાન કરવાથી તમામ પ્રકારના પાપ ધોવાઈ જાય છે. તેમણે કહ્યું કે, “પૌષ પૂર્ણિમાની સાથે સાથે એક મહિના સુધી ચાલતા કલ્પવાસનો પણ આજથી પ્રારંભ થયો. આ સમયગાળા દરમિયાન, લોકો એક મહિના સુધી દિવસમાં ત્રણ વખત ગંગામાં સ્નાન કરીને તેઓ એક પ્રકારનું તપસ્વી જીવન જીવે છે અને ભગવાનના ભજન ગાય છે.
