ઓડિશામાં બનશે દુનિયાની પહેલી બ્લેક ટાઈગર સફારી, NTCAએ આપી મંજૂરી
Odisha:વિશ્વની પ્રથમ મેલાનિસ્ટિક (બ્લેક) ટાઇગર સફારી આ વર્ષના અંત સુધીમાં ઓડિશામાં શરૂ કરવામાં આવશે. તે મયુરભંજ જિલ્લામાં સિમિલીપાલ ટાઈગર રિઝર્વ પાસે હશે. આ માહિતી અગ્ર મુખ્ય વન સંરક્ષક સુશાંત નંદાએ સોમવારે આપી હતી. તેમણે કહ્યું કે સફારી માટે રાજ્ય સરકારના પ્રસ્તાવને નેશનલ ટાઈગર કન્ઝર્વેશન ઓથોરિટી (NTCA) તરફથી સૈદ્ધાંતિક મંજૂરી મળી ગઈ છે. સેન્ટ્રલ ઝૂ ઓથોરિટી (CZA) પહેલાથી જ આ માટે સમર્થન આપી ચૂક્યું છે.
તેમણે કહ્યું કે શરૂઆતમાં ભુવનેશ્વરના નંદન કાનન પ્રાણીસંગ્રહાલયમાં હાલમાં રાખવામાં આવેલા મેલાનિસ્ટિક વાઘને NH-18ને અડીને આવેલા 200 હેક્ટરમાં ફેલાયેલી પ્રસ્તાવિત સફારીમાં મોકલવામાં આવશે. સફારીમાં લગભગ 100 હેક્ટર જમીન પ્રદર્શન વિસ્તાર માટે હશે. આ સિવાય બાકીની જમીનમાં પશુ ચિકિત્સા સુવિધાઓ, બચાવ કેન્દ્રો, સ્ટાફ માટે ઈન્ફ્રાસ્ટ્રક્ચર અને મુલાકાતીઓ માટે સુવિધાઓ હશે.
આ પણ વાંચો: આ સલમાન નહીં ‘ભગવાન’ છે, બોન મેરો દાન કરનાર પ્રથમ ભારતીય, બાળકીનો બચાવ્યો જીવ
સિમિલીપાલ ટાઇગર રિઝર્વ, મેલાનિસ્ટિક વાઘનું એકમાત્ર ઘર
સિમિલીપાલ ટાઈગર રિઝર્વથી 15 કિમી દૂર આ સફારી ડેસ્ટિનેશન તેના કુદરતી લેન્ડસ્કેપ માટે જાણીતું છે. સિમિલીપાલ ટાઇગર રિઝર્વ વિશ્વમાં એકમાત્ર જંગલી મેલાનિસ્ટિક વાઘ તરીકે વિશ્વમાં પ્રખ્યાત છે. આ સફારીની સ્થાપનાનો હેતુ ઓડિશામાં વન્યજીવ પર્યટનને પ્રોત્સાહન આપવાનો છે. આ સાથે તે સંરક્ષણવાદીઓ, સંશોધકો, ઉત્સાહીઓ અને સામાન્ય લોકોને આ દુર્લભ પ્રજાતિને નજીકથી જોવાની અનન્ય તક આપશે. તમને જણાવી દઈએ કે પૂર્વ મુખ્યમંત્રી નવીન પટનાયકે જાન્યુઆરીમાં સિમલીપાલ પાસે મેલાનિસ્ટિક ટાઈગર સફારીની યોજના શરૂ કરી હતી.
