નેતાજી સુભાષચંદ્ર બોઝ જયંતિ, PMએ ‘પરાક્રમ દિવસ’ની આપી શુભેચ્છા
નેતાજી સુભાષ ચંદ્ર બોઝની જન્મજયંતિ પર વડાપ્રધાન નરેન્દ્ર મોદીએ દેશવાસીઓને વીરતા દિવસની શુભેચ્છા પાઠવી છે. PM મોદીએ સોશિયલ મીડિયા પ્લેટફોર્મ X પર પોતાના શુભેચ્છા સંદેશમાં કહ્યું, ‘પરાક્રમ દિવસ પર ભારતના લોકોને શુભકામનાઓ. આજે નેતાજીની જન્મજયંતિ પર તેમના જીવન અને સાહસને સન્માન આપીએ. આપણા દેશની આઝાદી પ્રત્યેનું તેમનું અતૂટ સમર્પણ સતત પ્રેરણા આપે છે.
Greetings to the people of India on Parakram Diwas. Today on his Jayanti, we honour the life and courage of Netaji Subhas Chandra Bose. His unwavering dedication to our nation's freedom continues to inspire. pic.twitter.com/OZP6cJBgeC
— Narendra Modi (@narendramodi) January 23, 2024
નેતાજી સુભાષ ચંદ્ર બોઝનો જન્મ 23 જાન્યુઆરી 1897ના રોજ ઓરિસ્સાના કટકમાં એક બંગાળી પરિવારમાં થયો હતો. ભારતને અંગ્રેજોની ગુલામીમાંથી મુક્ત કરાવવામાં તેમનો બહુ મોટો ફાળો હતો. ‘તુમ મુજે ખુન દો મે તુમે આઝાદી દુંગા’, ‘જય હિંદ-જય ભારત’ અને ‘દિલ્લી ચલો’ જેવા નારાઓ સાથે તેમણે દેશના યુવાનોમાં દેશભક્તિની જ્યોત પ્રગટાવી હતી. નેતાજી સુભાષ ચંદ્ર બોઝના સન્માનમાં તેમની જન્મજયંતિને વર્ષ 2021 થી દર વર્ષે ‘પરાક્રમ દિવસ’ તરીકે ઉજવવામાં આવે છે. પીએમ મોદી આજે આ પ્રસંગે લાલ કિલ્લા પર આયોજિત એક કાર્યક્રમનું ઉદ્ઘાટન કરશે. આ ઉજવણી 31 જાન્યુઆરી સુધી ચાલુ રહેશે.
‘ભારત પર્વ’ની આજથી થશે શરૂઆત
આ સમારોહમાં વડાપ્રધાન મોદી પ્રજાસત્તાક દિવસની ઝાંખીઓ અને સાંસ્કૃતિક પ્રદર્શનની સાથે દેશની વિવિધતાને પ્રદર્શિત કરવા માટે પર્યટન મંત્રાલય દ્વારા આયોજિત ‘ભારત પર્વ’નું ડિજિટલી ઉદ્ઘાટન કરશે. આ દરમિયાન મુલાકાતીઓને નેતાજી અને આઝાદ હિંદ ફૌજની અદ્ભુત સફરને દર્શાવતા દુર્લભ ફોટોગ્રાફ્સ અને દસ્તાવેજોનું પ્રદર્શન કરતી આર્કાઇવલ પ્રદર્શનો દ્વારા ઇમર્સિવ અનુભવમાં જોડાવવાની તક મળશે. 23 થી 31 જાન્યુઆરી સુધીના 9-દિવસીય કાર્યક્રમમાં 26 મંત્રાલયો અને વિભાગો નાગરિક-કેન્દ્રિત પહેલ, ‘વૉકલ ફોર લોકલ’ અને વિવિધ પ્રવાસન આકર્ષણોને પ્રકાશિત કરશે. તે વિશ્વભરના લોકોને જોડવાનું અને રાષ્ટ્રની પુનરુત્થાનશીલ ભાવનાને પ્રતિબિંબિત કરવા અને ઉજવવાનું એક પ્લેટફોર્મ હશે.
આ પણ વાંચો: ગુરુ ગોવિંદ સિંહ જયંતી પર જાણો તેમના જીવનની કેટલીક વાતો…
વર્ષ 2021માં કોલકાતાના વિક્ટોરિયા મેમોરિયલ હોલમાં પરાક્રમ દિવસનો ઉદ્ઘાટન સમારોહ યોજાયો હતો. વર્ષ 2022માં ઈન્ડિયા ગેટ પર નેતાજીની હોલોગ્રામ પ્રતિમાનું અનાવરણ કરવામાં આવ્યું હતું. તે જ સમયે 2023માં આંદમાન અને નિકોબાર ટાપુઓના 21 સૌથી મોટા અનામી ટાપુઓનું નામ 21 પરમ વીર ચક્ર પુરસ્કારોના નામ પર રાખવામાં આવ્યું હતું.
