NEET UG 2024 Revised Result: 4 લાખ વિદ્યાર્થીઓનો રેન્ક બદલાયો, ટોપર્સની સંખ્યામાં પણ ઘટાડો
![](https://newscapita7e21f6b31c.blob.core.windows.net/blobnewscapita7e21f6b31c/2024/07/NEET-Result.jpg)
NEET UG 2024 Revised Result Out: નેશનલ ટેસ્ટિંગ એજન્સી (NTA)એ શુક્રવારે NEET UG પરીક્ષાનું સુધારેલું પરિણામ જાહેર કર્યું છે. સુપ્રીમ કોર્ટના આદેશ બાદ એજન્સીએ આ પરિણામ જાહેર કર્યું છે. તમે સત્તાવાર વેબસાઇટ exams.nta.ac.in/NEET પર જઈને તમારું પરિણામ ચકાસી શકો છો. નોંધનીય છે કે, NEET UG પરીક્ષા 2024 5 મેના રોજ યોજાઈ હતી, જે બાદ પરિણામમાં ગેરરીતિ હોવાનું બહાર આવ્યું હતું.
🚨 NEET UG Result 2024 LIVE: Revised Result Released – Go Check It Out! 🚨
The final answer key is out and the revised results are now available at https://t.co/Fzg5G9cGB0
. Don't miss out—check your results now! 📈 #NEETUG2024 #NEETResults #neetrevisedresult #NTA #NEET2024 pic.twitter.com/YSGODeg4FL
— Medico Pilot Pvt Ltd. (@medicopilot) July 26, 2024
વિદ્યાર્થીઓને પાસ થવા માટે 50% માર્ક્સ જરૂરી છે.
ઉલ્લેખનીય છે કે, NEET UG 2024માં પાસ થવા માટે વિદ્યાર્થીઓને 50% માર્ક્સ જરૂરી છે. જાહેર કરવામાં આવેલા સુધારેલા પરિણામોમાં જે બાળકો પર પરીક્ષામાં છેતરપિંડીનો આરોપ હતો તેમના નામ કાઢી નાખવામાં આવ્યા છે. NTA દ્વારા જાહેર કરાયેલા પરિણામમાં 1567 બાળકો ઉમેરવામાં આવ્યા છે અને 155 વિદ્યાર્થીઓના નામ કાઢી નાખવામાં આવ્યા છે. 5 મેના રોજ NEET UG 2024માં કુલ 24 લાખ વિદ્યાર્થીઓએ ભાગ લીધો હતો. તેનું પરિણામ 4 જૂને જાહેર કરવામાં આવ્યું હતું. 4 જૂને જાહેર થયેલા પરિણામમાં કુલ 13.16 લાખ ઉમેદવારો પાસ થયા હતા, જેમાંથી લગભગ 67 ઉમેદવારોએ 720માંથી 720 માર્ક્સ મેળવ્યા હતા. આ બાબતે વિવાદ થયો હતો.
4 લાખ વિદ્યાર્થીઓનો રેન્ક બદલાયો, ટોપર્સની સંખ્યામાં ઘટાડો થયો
NEET-UG 2024 ના સુધારેલા પરિણામમાં, 4 જૂને જાહેર થયેલા પરિણામની સરખામણીમાં ટોપર્સની સંખ્યા 61 થી ઘટીને 17 થઈ ગઈ છે. આ ઉપરાંત સુધારેલા પરિણામોમાં 4 લાખ વિદ્યાર્થીઓના રેન્કમાં પણ ફેરફાર થયો છે. તમને જણાવી દઈએ કે ભૌતિકશાસ્ત્રના પ્રશ્નના કારણે આવું બન્યું છે. હકીકતમાં, કેસની સુનાવણી દરમિયાન, સુપ્રીમ કોર્ટને કહેવામાં આવ્યું હતું કે NEET પરીક્ષામાં ભૌતિકશાસ્ત્રના પ્રશ્ન માટે બે સાચા વિકલ્પો હતા, પરંતુ કોર્ટે કમિટી બનાવવા અને વિકલ્પ પસંદ કરવા જણાવ્યું હતું. ઉપરાંત, NTAને સુધારેલ પરિણામ જાહેર કરવા સૂચના આપવામાં આવી હતી.