મહાકુંભમાંથી પરત ફરતી ગુજરાતી યાત્રિકોની બસનો અકસ્માત, 10 વર્ષીય બાળકનો હાથ કપાયો
અમદાવાદઃ પ્રયાગરાજમાં મહાકુંભ ચાલી રહ્યો છે. ત્યારે ગુજરાતમાંથી મોટી સંખ્યામાં લોકો ત્યાં જઈ રહ્યા છે. કુંભમાંથી પરત ફરતી વખતે ગુજરાતી યાત્રિકોની બસને અકસ્માત નડ્યો છે. રાજસ્થાનમાં બસ પલટી મારતા મોટી સંખ્યામાં યાત્રાળુઓ ઇજાગ્રસ્ત થયા છે.
મળતી માહિતી પ્રમાણે, યાત્રાળુઓ ભરેલી બસ મહાકુંભમાંથી અમદાવાદ પરત ફરતી હતી ત્યારે તેને અકસ્માત નડ્યો હતો. રાજસ્થાનના રાજસમંદ નજીક બસની બ્રેક ફેઇલ થતા બસ પલટી મારી ગઈ હતી.
આ અકસ્માતમાં એક 10 વર્ષના બાળકનો હાથ કપાઈ ગયો છે. જ્યારે અન્ય 27 જેટલા લોકો ઇજાગ્રસ્ત થયા છે. હાલ તમામ ઇજાગ્રસ્તોને સારવાર માટે નજીકની હોસ્પિટલમાં ખસેડવામાં આવ્યા છે. બસમાં સવાર 48 જેટલા યાત્રિક તેના પૈતૃક ગામ પાલીના કોસેલાવ જઈ રહ્યા હતા.
