જનતાને ફરી એકવાર મોંઘવારીનો માર: LPG ગેસ સિલિન્ડરના ભાવમાં વધારો, જાણો ભાવ

LPG Gas Cylinder: તેલ કંપનીઓએ કોમર્શિયલ LPG સિલિન્ડરના ભાવમાં વધારો કર્યો છે. 19 કિલોગ્રામના LPG સિલિન્ડરના ભાવમાં 6 રૂપિયાનો વધારો કરવામાં આવ્યો છે. ઘરેલુ LPG સિલિન્ડરના ભાવમાં કોઈ ફેરફાર કરવામાં આવ્યો નથી. ઇન્ડિયન ઓઇલ દ્વારા જાહેર કરાયેલા નવા દર મુજબ, આ સિલિન્ડર હવે દિલ્હીમાં 1803 રૂપિયામાં ઉપલબ્ધ થશે. ફેબ્રુઆરીમાં તેની કિંમત 1797 રૂપિયા હતી, જ્યારે જાન્યુઆરીમાં તે 1804 રૂપિયા હતી. 1 ફેબ્રુઆરી, 2025ના રોજ, ઓઇલ માર્કેટિંગ કંપનીઓએ કોમર્શિયલ એલપીજી સિલિન્ડરના ભાવમાં 7 રૂપિયા સુધીનો ઘટાડો કર્યો હતો.

ઉલ્લેખનીય છે કે તેલ કંપનીઓ દર મહિનાની પહેલી તારીખે LPGના ભાવની સમીક્ષા કરે છે. ઘરેલુ LPG સિલિન્ડરના દરમાં કોઈ ફેરફાર કરવામાં આવ્યો નથી. દિલ્હીમાં 14 કિલોગ્રામના ઘરેલું LPG સિલિન્ડર હજુ પણ 803 રૂપિયામાં ઉપલબ્ધ રહેશે. કોલકાતામાં તેનો દર 829 રૂપિયા મુંબઈમાં 802.50 રૂપિયા અને ચેન્નાઈમાં 818.50 રૂપિયા રહેશે.

આ પણ વાંચો: NewsCapital ગુજરાતે સફળતાપૂર્વક પૂરું કર્યું 1 વર્ષ, અમારા તમામ દર્શકોનો આભાર…

મુંબઈમાં સિલિન્ડરની કિંમત 1913 રૂપિયા
કોલકાતામાં 19 કિલોગ્રામનો કોમર્શિયલ LPG સિલિન્ડર હવે 1913 રૂપિયામાં મળશે. ફેબ્રુઆરીમાં તે 1907 રૂપિયા હતો. મુંબઈમાં તેની કિંમત હવે 1755.50 રૂપિયા થઈ ગઈ છે, જ્યારે ફેબ્રુઆરીમાં તે 1749.50 રૂપિયા અને જાન્યુઆરીમાં 1756 રૂપિયા હતી.

ફેબ્રુઆરીમાં કરાયો હતો ઘટાડો
આ પહેલા 1 ફેબ્રુઆરી, 2025 ના રોજ ઓઇલ માર્કેટિંગ કંપનીઓએ કોમર્શિયલ એલપીજી સિલિન્ડરના ભાવમાં 7 રૂપિયા સુધીનો ઘટાડો કર્યો હતો. જોકે, ઘરેલુ LPG સિલિન્ડરના ભાવમાં કોઈ ફેરફાર થયો નથી. ઇન્ડિયન ઓઇલ કોર્પોરેશન (IOC) એ ફેબ્રુઆરીમાં સતત બીજા મહિને કોમર્શિયલ સિલિન્ડરના ભાવમાં ઘટાડો કર્યો હતો.