ભગવાન શંકરને પ્રિય છે આ વૃક્ષો, જાણો તેના ફાયદા

મહાશિવરાત્રી: આજે મહાશિવરાત્રીનો પાવન અવસર છે. મહાશિવરાત્રીની પૂજાના અનેક નિયમો અને વિધિ છે. જે શુભ ફળ આપે છે. આ દિવસે ભગવાન શંકરને બિલપત્ર ઉપરાંત બીજા પણ કેટલાક વૃક્ષોના પાન ચડે છે. જે ભગવાન શંકરને ખુબ જ પ્રિય છે. આ વૃક્ષો માત્ર પૂજાપાઠમાં જ નહીં પણ શરીર માટે પણ ખુબ જ જરૂરી છે. આયુર્વેદમાં આ વૃક્ષામાંથી અનેક ગુણો મળે તેના પુરાવા મળી આવે છે.

આંકડાનો છોડ
લોકો તેને ઝેરી છોડ કહે છે, પરંતુ શિવને પ્રિય આ વૃક્ષ દ્વારા આપણે ઘણી બીમારીઓથી બચી શકીએ છીએ. તેમાં એન્ટીઑકિસડન્ટ, બળતરા વિરોધી અને એન્ટિસેપ્ટિક ગુણધર્મો છે. નિષ્ણાતોના જણાવ્યા અનુસાર, તેના એન્ટીઑકિસડન્ટો આપણા શરીરમાં ઓક્સિડેટીવ તણાવ ઘટાડવામાં મદદરૂપ છે. અને બળતરા વિરોધી ગુણધર્મો દ્વારા બ્લડ સુગરને નિયંત્રણમાં રાખી શકાય છે. આયુર્વેદ કહે છે કે, તે ડાયાબિટીસથી પીડિત લોકો માટે વરદાનથી રૂપ છે.

બિલિપત્ર
દેવતાઓના દેવ ભગવાન મહાદેવને બિલિપત્રનું વૃક્ષ ખૂબ જ પ્રિય છે. માન્યતાઓ અનુસાર તેમાં ભગવાન શિવ અને માતા પાર્વતીનો વાસ છે. તેથી આ વૃક્ષની પૂજા કરવાથી વિશેષ ફળ પ્રાપ્ત થાય છે. શિવરાત્રિના દિવસે અથવા શિવની પૂજા કરતી વખતે આ વૃક્ષના પાંદડા અને ફળ થાળીમાં અવશ્ય સામેલ કરવા જોઈએ. તેમાં પણ અનેક ગુણો રહેલા છે. જો તમને માથાનો દુખાવો હોય તો બિલિપત્રના સૂકા મૂળને પાણીમાં પીસીને પેસ્ટ બનાવો. તેને કપાળ પર લગાવો અને થોડી જ વારમાં તમને માથાના દુઃખાવામાં આરામ મળશે. તે આંખો માટે પણ ફાયદાકારક છે.

શમીનો છોડ
શમી પણ ભગવાન શિવને પ્રિય એવા છોડ અને વૃક્ષોમાંથી એક છે. માત્ર શિવરાત્રી પર જ નહીં, સાવન અને પ્રદોષના અવસર પર આ છોડ નીચે શિવલિંગ બનાવી તેની પૂજા કરવાથી જીવનમાં સુખ-શાંતિ આવી શકે છે. એવું માનવામાં આવે છે કે આ ઉપાય અપનાવવાથી ભગવાન શિવ પ્રસન્ન થાય છે. બહુ ઓછા લોકો જાણે છે કે આ છોડ સ્વાસ્થ્ય લાભ પણ આપી શકે છે. નિષ્ણાતોના મતે આંખોના દુખાવામાં રાહત મેળવવા માટે શમીના છોડની મદદ લઈ શકાય છે. આ સિવાય આયુર્વેદમાં કહેવાયું છે કે, આ છોડ ખરાબ કોલેસ્ટ્રોલને નિયંત્રિત કરવામાં પણ મદદ કરે છે. ઝાડા થવા પર શમીના પાનને કાળા મરી અને મધ સાથે ખાવાથી ઘણી હદ સુધી આરામ મળે છે. દેશી કે ઘરેલું ઉપચાર સ્વાસ્થ્ય માટે ખૂબ જ કારગર સાબિત થઈ શકે છે. આ વૃક્ષોથી સંબંધિત ઘરેલું ઉપચાર અપનાવતા પહેલા આયુર્વેદ નિષ્ણાતની સલાહ અવશ્ય લો.