Lok Sabha Elections 2024: પૂર્વ કેન્દ્રીય ગૃહમંત્રીની પુત્રવધૂ ભાજપમાં જોડાઈ
Archana Patil Joins BJP In Maharashtra: પૂર્વ લોકસભા સ્પીકર અને કોંગ્રેસના નેતા શિવરાજ પાટીલ (Congress leader Shivraj Patil)ની પુત્રવધૂ અર્ચના પાટીલ ચાકુરકર આજે ભાજપમાં જોડાઈ ગયા છે. આજે એક ઔપચારિક કાર્યક્રમમાં ભાજપમાં જોડાયા બાદ તેણીએ કહ્યું કે હું રાજકીય ક્ષેત્રે કામ કરવા માંગુ છું અને તેથી જ હું ભાજપમાં જોડાઈ છું. ડૉ. અર્ચના પાટીલ ચાકુરકર એક દિવસ અગાઉ મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસને (Devendra Fadnavis) દક્ષિણ મુંબઈમાં તેમના સત્તાવાર નિવાસસ્થાન ‘સાગર’ ખાતે મળ્યા હતા. તે ઉદગીરમાં ‘લાઇફકેર હોસ્પિટલ એન્ડ રિસર્ચ સેન્ટર’ના અધ્યક્ષ છે અને તેમના પતિ શૈલેષ પાટીલ ચાકુરકર કોંગ્રેસના રાજ્ય સચિવ છે.
🕛 12.10pm | 30-03-2024 📍 Mumbai | दु. १२.१० वा | ३०-०३-२०२४ 📍 मुंबई.
LIVE from BJP Maharashtra HQ | Mumbai@BJP4Maharashtra @cbawankule#BJP #BJP4Maharashtra #Maharashtra #Mumbai https://t.co/dJu9UmvDef
— Devendra Fadnavis (Modi Ka Parivar) (@Dev_Fadnavis) March 30, 2024
પત્રકારો સાથે વાત કરતાં અર્ચના પાટીલે કહ્યું કે હું ભાજપમાં જોડાઈ છું કારણ કે હું પીએમ મોદી દ્વારા લાવવામાં આવેલા ‘નારી શક્તિ વંદન’ એક્ટથી ખૂબ પ્રભાવિત છું. તે મહિલાઓને સમાન તકો પૂરી પાડે છે.
હું ક્યારેય કોંગ્રેસ પાર્ટીમાં ન હતીઃ અર્ચના પાટીલ
અર્ચના પાટીલે કહ્યું, ‘મેં લાતુર પ્રદેશમાં પાયાના સ્તરે કામ કર્યું છે અને હું ભાજપ સાથે પણ પાયાના સ્તરે કામ કરીશ. હું સત્તાવાર રીતે કોંગ્રેસમાં ક્યારેય નહોતી. હું ભાજપમાં જોડાઇ છું કારણ કે તેની વિચારધારાનો મારા પર ઘણો પ્રભાવ છે. અર્ચના ગયા શુક્રવારે મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસને દક્ષિણ મુંબઈમાં તેમના નિવાસસ્થાન ‘સાગર’ પર મળી હતી.
ભાજપમાં જોડાવાની યોજના
શિવરાજ પાટીલના સહયોગી અર્ચના પાટીલ સોમવારે, પૂર્વ રાજ્ય મંત્રી બસવરાજ મુરુમકર સાથે ભાજપમાં જોડાવાની યોજના બનાવી હતી પરંતુ બસવરાજ તેમની પુત્રીના લગ્નને કારણે કાર્યક્રમમાં હાજર રહી શક્યા ન હતા.શિવરાજ પાટીલ 2004 થી 2008 વચ્ચે સંયુક્ત પ્રગતિશીલ ગઠબંધન (યુપીએ) સરકારમાં કેન્દ્રીય ગૃહમંત્રી હતા.
