2019 લોકસભા ચૂંટણીની 10 હાઇપ્રોફાઇલ સીટ, કેટલાય મોટા ચહેરા હાર્યા

અમદાવાદઃ 2019ની લોકસભા ચૂંટણીમાં ભાજપ બહુમતી સાથે જીત્યો હતો અને કેન્દ્રમાં સરકાર બનાવી હતી. ત્યારે વાત કરીએ, તે વખતની 10 હાઇપ્રોફાઇલ સીટ વિશે. આ સીટ પરથી ઘણાં મોટા ચહેરાને પણ હારનો કડવો સ્વાદ ચાખવો પડ્યો હતો.

નરેન્દ્ર મોદી – વારાણસી

વડાપ્રધાન નરેન્દ્ર મોદીએ વારાણસી બેઠક પર 4,79,505 મતોથી જીત મેળવી હતી. તેમને 6,74,664 વોટ મળ્યા હતા. જ્યારે સમાજવાદી પાર્ટીના શાલિની યાદવને માત્ર 1,95,159 વોટ મળ્યા હતા. કોંગ્રેસના ઉમેદવાર અજય રાય ત્રીજા ક્રમે રહ્યા હતા અને તેમને માત્ર 1.52 લાખ મત મળ્યા હતા. આ વખતે પણ વડાપ્રધાન મોદી વારાણસી બેઠક પરથી ચૂંટણી લડી રહ્યા છે.

અમિત શાહ – ગાંધીનગર

ભાજપ અધ્યક્ષ અમિત શાહ ગાંધીનગર બેઠક પર 5,57,014 મતોથી જીત્યા હતા. ગાંધીનગર લોકસભા મતવિસ્તારમાં કોંગ્રેસના ઉમેદવાર ડો. સીજે ચાવડાને 3,37,610 વોટ મળ્યા હતા. જ્યારે અમિત શાહને કુલ 8,94,624 વોટ મળ્યા. અન્ય તમામ 16 ઉમેદવારોની ડિપોઝીટ જપ્ત થઈ હતી. આ સીટ જીતીને ભાજપના વરિષ્ઠ નેતા લાલકૃષ્ણ અડવાણી સંસદમાં પહોંચ્યા હતા. આ વખતે પણ અમિત શાહ ગાંધીનગર બેઠક પરથી ચૂંટણી લડી રહ્યા છે.

આ પણ વાંચોઃ જયશંકરનો જડબાતોડ જવાબ – UNએ ભારતની ચૂંટણીની ચિંતા કરવાની જરૂર નથી

સ્મૃતિ ઇરાની – અમેઠી

ભાજપ નેતા સ્મૃતિ ઈરાનીએ અમેઠી બેઠક પરથી તત્કાલિન કોંગ્રેસ અધ્યક્ષ રાહુલ ગાંધીને હરાવ્યા હતા. આ હાઈપ્રોફાઈલ સીટને કોંગ્રેસનો ગઢ માનવામાં આવે છે. સ્મૃતિ ઈરાની 2024માં પણ આ સીટ પરથી ચૂંટણી લડી રહી છે. જો કે, કોંગ્રેસે હજુ સુધી આ સીટ પર પોતાનો ઉમેદવાર જાહેર કર્યો નથી. ઈરાનીને 2019માં 4,68,514 વોટ મળ્યા હતા, જ્યારે રાહુલ ગાંધીને 4,13,394 વોટ મળ્યા હતા. અગાઉ 2014ની ચૂંટણીમાં રાહુલ ગાંધીએ સ્મૃતિ ઈરાનીને 1,07,903 મતોથી હરાવ્યા હતા.

રાહુલ ગાંધી – વાયનાડ
કોંગ્રેસ અધ્યક્ષે ભલે તેમના પરિવારનો ગઢ અમેઠી ગુમાવ્યો હોય, પરંતુ તેમણે કેરળની વાયનાડ બેઠક પર 4,31,770 મતોના રેકોર્ડ માર્જિનથી જીત મેળવી હતી. રાહુલ ગાંધીને 7,06,367 વોટ અને સીપીઆઈના પીપી સુનીરને 2,74,597 વોટ મળ્યા. આ વખતે પણ રાહુલ ગાંધીએ વાયનાડ બેઠક પરથી ઉમેદવારી નોંધાવી છે.

આ પણ વાંચોઃ AAPના મનિષ સિસોદિયાએ જેલમાંથી લખ્યો ભાવુક પત્ર, કહ્યુ – જલદી બહાર મળીશું

કન્હૈયા કુમાર – બેગુસરાય

બિહારની બેગુસરાય બેઠક લોકસભા ચૂંટણી 2019 દરમિયાન સૌથી ચર્ચિત બેઠકોમાંથી એક હતી. જેએનયુ સ્ટુડન્ટ્સ યુનિયનના પૂર્વ અધ્યક્ષ કન્હૈયા કુમાર અહીંથી ચૂંટણી લડવાના કારણે તે હેડલાઇન્સમાં હતો. ભાજપે પણ આ બેઠક પર પોતાના મજબૂત નેતા ગિરિરાજ સિંહને મેદાનમાં ઉતારીને હરીફાઈને ખૂબ જ રોમાંચક બનાવી દીધી હતી, પરંતુ આ બેઠક પર ભાજપના ઉમેદવાર સરળતાથી જીતી ગયા હતા. 2019ની લોકસભા ચૂંટણીમાં બેગુસરાય લોકસભા બેઠક પર કુલ 19,58,382 મતદારો હતા. જેમણે ભાજપના ઉમેદવાર ગિરિરાજ સિંહને 6,92,193 મત આપીને ચૂંટણી જીતાડી હતી, જ્યારે CPI ઉમેદવાર કન્હૈયા કુમારને 2,69,976 મતો મળ્યા હતા.

જ્યોતિરાદિત્ય સિંધિયા – ગુણા

ભાજપે કેન્દ્રીય મંત્રી જ્યોતિરાદિત્ય સિંધિયાને 2024માં ગુણાથી પોતાના લોકસભા ઉમેદવાર બનાવ્યા હતા. પરંતુ 2019માં તેઓ કોંગ્રેસમાં હતા અને ગુણા લોકસભા બેઠક પર ભાજપના ઉમેદવાર ડૉ. પી. યાદવ સામે હારી ગયા હતા. ભાજપના ઉમેદવારને 6,14,049 વોટ મળ્યા હતા અને સિંધિયાને 4,88,500 વોટ મળ્યા હતા.

પૂનમ સિન્હા – લખનૌ

1991થી લખનૌ લોકસભા સીટ ભાજપ પર છે. 2019માં ભાજપમાંથી કોંગ્રેસમાં જોડાયેલા શત્રુઘ્ન સિંહાની પત્ની પૂનમ સિંહા લખનૌમાં ભાજપના રાજનાથ સિંહ સામે 3,47,302 લાખ મતોથી હાર્યા હતા. રાજનાથ સિંહને 6,33,026 વોટ મળ્યા જ્યારે પૂનમ સિંહાને 2,85,724 વોટ મળ્યા.

બાબુલ સુપ્રિયો – આસનસોલ

પશ્ચિમ બંગાળમાં ભાજપે 2014માં બે બેઠકો જીતી હતી, પરંતુ 2019માં તેને 18 બેઠકો મળી છે. ચૂંટણી દરમિયાન બંગાળની સૌથી ચર્ચિત બેઠક જેના પર બધાની નજર ટકેલી હતી તે આસનસોલ હતી. અહીંથી ભાજપના કેન્દ્રીય મંત્રી બાબુલ સુપ્રિયોએ તૃણમૂલ કોંગ્રેસના મુનમુન સેનને 1,97,637 મતોથી હરાવ્યા હતા. બાબુલ સુપ્રિયોને 6,33,378 વોટ મળ્યા જ્યારે મુનમુન સેનને 4,35,741 વોટ મળ્યા.

મનોજ સિન્હા – ગાઝીપુર

ભાજપના કેન્દ્રીય રેલ્વે રાજ્ય મંત્રી મનોજ સિન્હા ગાઝીપુરથી ચૂંટણી હારી ગયા હતા. 2014માં મનોજ સિન્હાએ આ બેઠક પરથી સમાજવાદી પાર્ટીની શિવકન્યા કુશવાહાને લગભગ 32 હજાર મતોથી હરાવ્યા હતા, પરંતુ 2019માં મનોજ સિન્હા ગઠબંધનના અફઝલ અન્સારી સામે 1.19 લાખ મતોથી હારી ગયા હતા. અફઝલ અંસારીને 5,66,082 વોટ મળ્યા જ્યારે મનોજ સિન્હાને 4,46,690 વોટ મળ્યા.

શત્રુઘ્ન સિન્હા – પટના સાહિબ

2014માં ભાજપની ટિકિટ પર 2.65 લાખ મતોથી જીતેલા શત્રુઘ્ન સિન્હા 2019ની લોકસભા ચૂંટણીમાં 2.84 લાખ મતોથી હારી ગયા હતા. બીજેપીના રવિશંકર પ્રસાદને 6,07,506 વોટ મળ્યા જ્યારે કોંગ્રેસની ટિકિટ પર ચૂંટણી લડેલા શત્રુઘ્ન સિંહાને 3,22,849 વોટ મળ્યા.