‘જો ટ્ર્મ્પ જીતી ગયા તો…’, મતદાન પહેલાં ઈરાનના રાષ્ટ્રપતિએ કર્યો મોટો ખુલાસો
IRAN: ઈરાનમાં 28 જૂને રાષ્ટ્રપતિની ચૂંટણી યોજાવાની છે. ઇબ્રાહિમ રાયસીને બદલવા માટે રાષ્ટ્રપતિ પદના ઉમેદવારો વચ્ચે પ્રથમ પ્રેસિડેન્શિયલ લાઇવ ડિબેટનું આયોજન કરવામાં આવ્યું હતું. ઉમેદવારોએ ઈરાનની અર્થવ્યવસ્થાને સુધારવા અને તેની વિદેશ નીતિમાં સુધારો કરવા માટેની તેમની દરખાસ્તો અને યોજનાઓની ચર્ચા કરી છે. દરેકે વચન આપ્યું હતું કે તેઓ પ્રતિબંધો હટાવવા અને સંબંધો સુધારવાનો પ્રયાસ કરશે. ઉમેદવારોએ મોંઘવારી, બજેટ ખાધ, ઈરાનમાં રહેઠાણની સમસ્યા અને ભ્રષ્ટાચાર સામે લડવાની રીતો અંગે પણ ચર્ચા કરી હતી.
28 જૂનની ચૂંટણી એવા સમયે યોજાઈ રહી છે જ્યારે ઈરાન અને પશ્ચિમી દેશો વચ્ચે તેહરાનના ઝડપથી વિસ્તરતા પરમાણુ કાર્યક્રમ, યુક્રેન સામેના યુદ્ધમાં રશિયાને સશસ્ત્ર બનાવવા અને પ્રદેશમાં હાજર પ્રોક્સીઓને મદદ કરવા વગેરે મુદ્દે વિવાદ વધી ગયો છે. પ્રમુખપદના પાંચ ઉમેદવારો કટ્ટરપંથી છે. જ્યારે છઠ્ઠા ઉમેદવાર 69 વર્ષીય સાંસદ મસૂદ પેઝેશ્કિયન, હાર્ટ સર્જન છે અને તેમને કેટલાક સુધારાવાદીઓનો ટેકો છે.
વિશ્વ શક્તિઓ સાથે પરમાણુ કરાર કરશે
કટ્ટરપંથી પ્રમુખપદના ઉમેદવાર મોહમ્મદ બાઘર કાલિબાફે જણાવ્યું હતું કે, “અમે ચોક્કસપણે વાટાઘાટો કરીશું અને વિશ્વ શક્તિઓ સાથે પરમાણુ કરારોને પુનર્જીવિત કરીશું. જેને રાષ્ટ્રપતિ ડોનાલ્ડ ટ્રમ્પે 2018 માં તોડ્યા હતા. અન્ય કટ્ટરપંથી દાવેદાર અને ભૂતપૂર્વ પરમાણુ વાટાઘાટકાર સઈદ જલીલીએ કહ્યું, આપણે આપણા દુશ્મનોને ઈરાન પર પ્રતિબંધો લાદવા બદલ પસ્તાવો કરવો જોઈએ. તેમણે પ્રતિબંધો ઘટાડવા માટે લેટિન અમેરિકા અને આફ્રિકન રાષ્ટ્રો સાથે વધુ સારા આર્થિક સંબંધો બનાવવાનો પ્રસ્તાવ મૂક્યો હતો
આ પણ વાંચો: 7 દિવસ ભારે વરસાદની આગાહી, બે જિલ્લામાં ઓરેન્જ એલર્ટ
આપણે વિશ્વ સાથેની અમારી સમસ્યાઓ હલ કરવી પડશે. અમારે પરમાણુ કાર્યક્રમ પર સમાધાન કરવું પડશે,” સોફ્ટલાઈનરના ઉમેદવાર અને સાંસદ મસૂદ પેજેશ્કિયાને કહ્યું. ઈઝરાયલ પર નિશાન સાધતા તેણે તેનું નામ લીધા વિના કહ્યું કે જો તે રાષ્ટ્રપતિ બનશે. તો તે કબજો અને નરસંહાર સહન કરશે નહીં.
ડોનાલ્ડ ટ્રમ્પ સાથે વાત કરશે
ઈરાનના ઉપરાષ્ટ્રપતિ અને રાષ્ટ્રપતિ પદના ઉમેદવાર અમીર હુસેન કાઝીઝાદેહ હાશ્મીએ કહ્યું કે જો ટ્રમ્પ અમેરિકી રાષ્ટ્રપતિ બનશે તો અમે ટ્રમ્પ સાથે વાતચીત કરી શકીશું અને અમારી માંગણીઓ પૂરી કરી શકીશું. હુસૈને ઈરાનના પ્રતિબંધો અને વિદેશી સંબંધોમાં મુશ્કેલીઓ માટે ભૂતપૂર્વ રાષ્ટ્રપતિ હસન રુહાનીની સરકારને જવાબદાર ઠેરવી હતી. તમને જણાવી દઈએ કે હસન રુહાનીએ 2015માં વિશ્વ શક્તિઓ સાથે પરમાણુ કરાર પર હસ્તાક્ષર કર્યા હતા. તમામ ઉમેદવારોએ ઈરાનના પડોશીઓ સાથે સારા સંબંધો, મજબૂત અર્થવ્યવસ્થા, પરમાણુ કાર્યક્રમ વગેરે વિશે વાત કરી અને લોકોને ચૂંટણીમાં ભાગ લેવાની અપીલ પણ કરી.
