બોપલ DPS સ્કૂલ ખાતે યુવા લિડરશિપ માટે Investiture Ceremony યોજાઈ
DPS Investiture Ceremony: અમદાવાદના બોપલ વિસ્તારમાં આવેલ દિલ્હી પબ્લિક સ્કૂલ (DPS) ખાતે આજે એકતા અને ગતિશીલતાની ભાવના સાથે Investiture Ceremonyની શરૂઆત દીપ પ્રગટાવીને થઈ હતી. આ સમારંભમાં DPS બોપલના ડાયરેક્ટર વંદના જોશી, આચાર્ય પ્રિંસિપાલ Sabina Sawhney અને શિક્ષકગણોની હાજરીમાં યોજાયો હતો. જ્યાં સાણંદના ડેપ્યુટી SP નિલમ ગૌસ્વામી ચીફગેસ્ટ તરીકે હાજરી આપી હતી. Investiture Ceremonyનો મુખ્ય હેતુ સંસ્થાના સૌથી યુવા સંચાલકોને નેતૃત્વ કૌશલ્ય પ્રદાન કરવા માટે હોય છે.
View this post on Instagram
પ્રિન્સિપાલ Sabina Sawhneyએ તેમના સંબોધનમાં નેતૃત્વના મહત્વ અને વિદ્યાર્થી પરિષદના સભ્યોને સોંપાયેલી જવાબદારીઓ પર પ્રકાશ પાડ્યો હતો. વધુમાં તેણીએ પદાધિકારીઓ દ્વારા ઉઠાવવામાં આવતી ભારે જવાબદારી વિશે વાત કરી, દરેક સભ્યને આ પ્રસંગને આગળ વધારવા, તકોનો લાભ લેવા અને તેમના શ્રેષ્ઠ પ્રયાસો કરવા વિનંતી કરી. આ સાથે વિવિધ સ્તરો દ્વારા વિદ્યાર્થીઓની પસંદગીને ઓળખીને, તેણીએ તેમના ભાવિ પ્રયાસો માટે તેમની શુભેચ્છાઓ વ્યક્ત કરી હતી. જેના પગલે વિદ્યાર્થી પરિષદના 57 સભ્યોએ સત્ય, પ્રામાણિકતા અને સેવાને જાળવી રાખવાના શપથ લીધા હતા.
પ્રિન્સિપાલે તેમના સંબોધનમાં શાળાના તમામ નિમણૂકોને અભિનંદન આપ્યા હતા અને જણાવ્યું હતું કે સંસ્થાના સૌથી યુવા સંચાલકોને નેતૃત્વ કૌશલ્ય પ્રદાન કરવા માટે આ પગલું ભર્યું છે. તેમણે કહ્યું કે આવતીકાલના નેતાઓ તરીકે તેઓએ માત્ર ઉચ્ચ ધોરણો જાળવવા જ જોઈએ નહીં પરંતુ તમામ ક્ષેત્રોમાં શ્રેષ્ઠતા હાંસલ કરવા માટે સંસ્થાને આગળ વધારવામાં પણ સક્રિય રહેવું જોઈએ.” આ દરમિયાન તેમણે વિદ્યાર્થીઓને ઉંચે ઉડવા માટે પ્રોત્સાહિત કર્યા હતા. તેમણે વિદ્યાર્થીઓને આ સિદ્ધિ તરફ દોરી રહેલી વિવિધ પ્રવૃત્તિઓમાં ભાગ લેવાની તક પૂરી પાડવા બદલ શાળાની પણ પ્રશંસા કરી હતી.
મુખ્ય મહેમાન અને અન્ય મહેમાનોએ નિમણૂક પામેલા વિદ્યાર્થીઓને ખેસ પહેરાવી બેજ આપ્યા હતા. આ લાઈનમાં હેડ બોય અને હેડ ગર્લ હતા. આગેવાનોએ શાળાની સેવા કરવા અને તેમની જવાબદારીઓ તેમની ક્ષમતા મુજબ નિભાવવાના શપથ અપાવ્યા હતા. નવા હેડ બોય અને હેડ ગર્લ એ તેમનામાં વિશ્વાસ દર્શાવવા અને તેમને જવાબદારીઓ સોંપવા બદલ શાળાનો આભાર વ્યક્ત કર્યો હતો. તેઓએ કહ્યું કે તેઓ શાળાના મહાન વારસાને જાળવી રાખશે અને દિલ્હી પબ્લિક સ્કૂલના બેનરને ઉંચુ રાખવાની પ્રતિજ્ઞા લીધી છે.
પ્રેક્ષકો અને વાલીઓ સામે વિદ્યાર્થીઓએ ડાન્સ પરફોર્મન્સ આપ્યું હતું તેમજ શાળામાં બાળકોએ અલગ-અલગ થીમ પર પોતાના ગીતો રજૂ કર્યા હતા. જે બાદ સાણંદના ડેપ્યુટી SP નિલમ ગૌસ્વામીએ શાળાના અલગ-અલગ વિભાગમાં નિમણૂક પામેલા વિદ્યાર્થીઓને સારા ભવિષ્ય માટે શુભેચ્છા પાઠવી હતી.
Investiture Ceremony
દિલ્હી પબ્લિક સ્કૂલ-બોપલ દ્વારા વિદ્યાર્થીઓને તેમના નવીન વિચારો અને સર્જનાત્મકતા પ્રદર્શિત કરવા માટે પ્લેટફોર્મ પૂરું પાડવા માટેની પહેલ છે. અભ્યાસને વર્ગખંડની બહાર લઈ જવાનો અને તેમને પ્રાયોગિક શિક્ષણ આપવાનો વિચાર હતો.
Investiture Ceremonyમાં તે તમામ વિદ્યાર્થીઓને બેજ આપવામાં આવ્યા હતા. જેઓએ આખી શાળામાં અલગ-અલગ વિભાગમાં પોતાનું કૌષલ્ય દેખાડી અવ્વલ આવ્યા હોય. જેમાં ક્વિઝ બોય અને ક્વિઝ ગર્લ, સ્પોર્ટ્સ કેપ્ટન અને ગર્લ કેપ્ટન તથા ડિફરન્ટ હાઉસના કેપ્ટન તરીકે લીડર અપોઈન્ટ કરવામાં આવ્યા હતા.
