મેક્સિકોના બારમાં અંધાધૂંધ ગોળીબાર, 10ના મોત અને અનેક ઘાયલ
Mexico: મેક્સિકોના ક્વેરેટારોમાં એક બારમાં ગોળીબારમાં ઓછામાં ઓછા 10 લોકો માર્યા ગયા છે અને ઘણા ઘાયલ થયા છે. સ્થાનિક અહેવાલો અનુસાર, કેટલાક સશસ્ત્ર હુમલાખોરો બારમાં પ્રવેશ્યા અને ત્યાં બેઠેલા લોકો અને સ્ટાફને નિશાન બનાવીને ગોળીબાર શરૂ કર્યો. પ્રાદેશિક સંઘર્ષો સંબંધિત હિંસાને કારણે સત્તાવાળાઓ ઘટનાની તપાસ કરી રહ્યા છે. કારણ કે આ પ્રદેશમાં હિંસા પહેલેથી જ ચાલી રહી છે.
શહેરમાં છેલ્લા કેટલાક દિવસોથી હિંસા ફેલાઈ છે અને આવી ઘટનાઓ દરરોજ પ્રકાશમાં આવી રહી છે. ગઈકાલે જ સીફૂડ રેસ્ટોરન્ટમાં ત્રણ લોકોની હત્યા કરવામાં આવી હતી. અત્યાર સુધી પ્રાપ્ત માહિતી અનુસાર, બાર લોસ કેન્ટારીટોસમાં ગોળીબારના અહેવાલ છે, જેમાં સશસ્ત્ર લોકો આવ્યા અને 10 લોકોની હત્યા કરી દીધી.
🚨🇲🇽 BREAKING: AT LEAST 10 DEAD, MULTIPLE INJURED IN BAR SHOOTING IN QUERÉTARO, MEXICO
At least 10 people have been killed and several injured in a tragic bar shooting in Querétaro, Mexico.
Local reports indicate that armed attackers entered the establishment, targeting patrons… pic.twitter.com/MD9B7FSULi
— Mario Nawfal (@MarioNawfal) November 10, 2024
કેવી રીતે થયો હુમલો?
પોલીસ અધિકારીઓ સમગ્ર ઘટનાની તપાસ કરી રહ્યા છે. અહેવાલો સૂચવે છે કે 9 નવેમ્બરની મોડી રાત્રે, ઓછામાં ઓછા ચાર સશસ્ત્ર માણસોના જૂથે બારમાં પ્રવેશ કર્યો અને ગોળીબાર કર્યો, ઓછામાં ઓછા 10 લોકો માર્યા ગયા અને નવ અન્ય ઘાયલ થયા. ઘટના બાદ પોલીસે સ્થળને કોર્ડન કરી વધુ તપાસ હાથ ધરી છે.
વિસ્તારની સુરક્ષામાં વધારો
ઘટના બાદ આગામી કલાકોમાં આ વિસ્તારમાં સુરક્ષા વધારવામાં આવે તેવી શક્યતા છે કારણ કે પોલીસ વિસ્તારને સુરક્ષિત કરી રહી છે. શકમંદોની ધરપકડ કરી રહી છે અને ઘટનાની તપાસ કરી રહી છે. પોલીસના દરોડા બાદ લોકલ ટ્રાન્સપોર્ટ અને બિઝનેસને અસર થવાની શક્યતા છે. હુમલાખોરોએ શા માટે ગોળીબાર કર્યો તે હજુ સુધી જાણી શકાયું નથી. પરંતુ છેલ્લા કેટલાક દિવસોમાં વિસ્તારોમાં હિંસામાં વધારો પણ આ ઘટના સાથે જોડાયેલો છે.
આ પણ વાંચો: ગુજરાતમાં 128 મોબાઇલ હેલ્થ યુનિટ; સૌથી વધુ કચ્છ જિલ્લામાં 14 યુનિટ કાર્યરત
