નાણામંત્રી દ્વારા લોકસભામાં શ્વેતપત્ર રજૂ, UPA સરકારના આર્થિક ગેરવહીવટની આપી માહિતી

નવી દિલ્હી:  કેન્દ્રીય નાણામંત્રી નિર્મલા સીતારમણે આજે લોકસભામાં 2014 પહેલાની ભારતીય અર્થવ્યવસ્થા પર શ્વેતપત્ર રજૂ કર્યું હતું. આ શ્વેતપત્રમાં યુપીએ સરકારના આર્થિક ગેરવહીવટની વાત કરવામાં આવી છે. યુપીએ સરકારના આર્થિક ગેરવહીવટ અંગે વર્તમાન કેન્દ્ર સરકાર દ્વારા બહાર પાડવામાં આવેલા શ્વેતપત્રમાં કહેવામાં આવ્યું છે કે તત્કાલીન સરકાર આર્થિક પ્રવૃત્તિઓને સુચારૂ રીતે ચલાવવામાં નિષ્ફળ રહી હતી અને અગાઉ સરકાર દ્વારા લેવામાં આવેલા નિર્ણયો દેશને વધુ પાછળ લઈ ગયા છે.

Union Finance Minister Nirmala Sitharaman lays on the Table a copy of the 'White Paper on the Indian Economy' today, in Lok Sabha pic.twitter.com/oYFwUHtSeE

— ANI (@ANI) February 8, 2024

શ્વેતપત્ર અનુસારમાં કહેવામાં આવ્યું કે યુપીએ સરકાર આર્થિક પ્રવૃત્તિઓને સરળ બનાવવામાં ખરાબ રીતે નિષ્ફળ રહી છે અને ત્યારબાદ યુપીએ સરકારે અવરોધો ઉભા કર્યા જેના કારણે અર્થતંત્ર અટકી ગયું હતું. જેના કારણે ખરાબ દેવાનો પહાડ ઊભો થયો. ઊંચી રાજકોષીય ખાધ, ઊંચી કરન્ટ એકાઉન્ટ ડેફિસિટ અને બે આંકડાનો ફુગાવો પાંચ વર્ષ સુધી યથાવત રહ્યો હતો. જેની અસર ઘણા ભારતીયોના ખિસ્સા પર પડી અને દેશ ‘ફ્રેજીલ ફાઇવ’ની ક્લબમાં સામેલ થયો હતો.

સરકારે શ્વેતપત્રમાં ધ્યાન દોર્યું હતું કે યુપીએ યુગના શાસકો માત્ર અર્થતંત્રમાં ગતિશીલતા લાવવામાં નિષ્ફળ ગયા, પરંતુ અર્થતંત્રને એટલી હદે લૂંટી લીધું કે અમારા ઉદ્યોગપતિઓએ રેકોર્ડ પર કહ્યું કે ભારતમાં રોકાણ કરવાને બદલે વિદેશમાં રોકાણ કરવાનું પસંદ કરશે. રોકાણકારોને ભગાડવાનું સરળ છે પરંતુ તેમને પાછા જીતવા મુશ્કેલ છે. યુપીએ સરકારે એ પણ દર્શાવ્યું હતું કે અર્થવ્યવસ્થાને વૃદ્ધિ કરવા કરતાં તેને નુકસાન પહોંચાડવું સરળ છે.
વધુમાં શ્વેતપત્રમાં કહ્યું હતું કે તત્કાલીન યુપીએ સરકારને સ્વસ્થ અર્થવ્યવસ્થા વારસામાં મળી હતી અને 10 વર્ષ પછી તેઓએ આપણને નબળી અર્થવ્યવસ્થા આપી હતી.

પહેલાં અને હવે

• 2014માં જ્યારે એનડીએ સરકારે સત્તા સંભાળી ત્યારે માત્ર અર્થવ્યવસ્થાની સ્થિતિ ખરાબ જ નહીં પરંતુ સંકટમાં પણ હતી. અમે એક દાયકાની ગેરવ્યવસ્થાપિત અર્થવ્યવસ્થાને ઠીક કરવા અને તેના મૂળભૂત બાબતોને નિશ્ચિતપણે પુનઃસ્થાપિત કરવાના જટિલ પડકારનો સામનો કરીએ છીએ. પહેલાં ફ્રેજીલ ફાઇવ’માં હતા અને હવે ‘ટોપ ફાઇવ’ અર્થતંત્રોમાંના એક છીએ, જે દર વર્ષે વૈશ્વિક વૃદ્ધિમાં ત્રીજું સૌથી મોટું યોગદાન આપે છે.
• પહેલાં વિશ્વનો ભારતની આર્થિક ક્ષમતા અને ગતિશીલતા પરથી વિશ્વાસ ઉઠી ગયો હતો અને હવે અમારી આર્થિક સ્થિરતા અને વિકાસની સંભાવનાઓ સાથે અમે અન્ય લોકોમાં આશાને પ્રેરિત કરીએ છીએ.