મોદી સરકારમાં GDPએ સ્પીડ પકડી, 8.4% વૃદ્ધિ
India Q3 GDP: સરકારે વર્તમાન નાણાકીય વર્ષના ડિસેમ્બર ક્વાર્ટર માટે જીડીપીના આંકડા (India Q3 GDP) જાહેર કર્યા છે. મોદી સરકારના રાજમાં ભારતીય અર્થવ્યવસ્થા ઝડપી ગતિએ આગળ વધી રહી છે. સરકારે કહ્યું છે કે ત્રીજા ક્વાર્ટરમાં દેશની જીડીપી વૃદ્ધિ 8.4%ના દરે રહી છે. અર્થવ્યવસ્થાના આ આંકડા અનુમાન કરતા ઘણા વધારે છે. દેશમાં મેન્યુફેક્ચરિંગ એક્ટિવિટી અને સરકારી ખર્ચની તેજીને કારણે જીડીપીની ગતિ વધુ વધી છે. નોંધનીય છે કે અગાઉના ક્વાર્ટરમાં જીડીપી ગ્રોથ 7.6 ટકા હતો.
ઉલ્લેખનીય છે કે ભારત વિશ્વમાં સૌથી ઝડપથી વિકસતી અર્થવ્યવસ્થા (India Economy) બની છે અને વિશ્વ બેંકથી લઈને IMF સુધી બધાએ તેની પ્રશંસા કરી રહ્યાં છે. હવે ત્રીજા ક્વાર્ટર માટે જે ઉત્તમ આંકડા બહાર આવ્યા છે તે પણ અર્થતંત્રની ઝડપી ગતિની પુષ્ટિ કરી રહ્યા છે.આંકડા અને કાર્યક્રમ અમલીકરણ મંત્રાલય દ્વારા 29 ફેબ્રુઆરીના રોજ જાહેર કરાયેલા ડેટા દ્વારા જાણકારી મળી કે ડિસેમ્બર ક્વાર્ટરમાં ભારતનું ગ્રોસ ડોમેસ્ટિક પ્રોડક્ટ (GDP) ઝડપથી વધ્યું હતું. વાર્ષિક ધોરણે 8.4 ટકાનો આ દર 2022ના બીજા ક્વાર્ટર પછીનો સૌથી મજબૂત વૃદ્ધિ છે, જે 6.6 ટકાના અનુમાન કરતાં ઘણો વધારે છે.
જો આપણે સરકાર દ્વારા જાહેર કરવામાં આવેલા જીડીપીના આંકડાઓ પર વિગતવાર નજર કરીએ તો, આપણે ઉત્પાદન ક્ષેત્રે 11.6 ટકાની વૃદ્ધિ જોવા મળી છે. જ્યારે કૃષિ ક્ષેત્રનો વિકાસ દર 3.8 ટકા રહ્યો છે. ભારતે વિશ્વની સૌથી ઝડપથી વિકસતી મુખ્ય અર્થવ્યવસ્થા (India Fastest Growing Economy)નો ટેગ જાળવી રાખ્યો છે. આ તમામ કારણોને લીધે નાણાકીય વર્ષ 2023-2024 માટે વિકાસ દરનો અંદાજ 7.3 ટકાથી વધારીને 7.6 ટકા કરવામાં આવ્યો છે.
