Budget 2024: ટેક સેક્ટર માટે કરાઈ આ જાહેરાત, થશે આ ફાયદો
નવી દિલ્હી દેશના નાણાપ્રધાન નિર્મલા સીતારમણ સંસદમાં વચગાળાનું બજેટ રજૂ કરી રહ્યા છે. આ દરમિયાન તેમણે ટેક્નોલોજીની પણ વાત કરી હતી. જેમાં તેમણે કહ્યું કે નવી યુગની તકનીકો અને ડેટા લોકોના જીવનમાં અને વ્યવસાયમાં ઘણા મહત્વપૂર્ણ ફેરફારો લાવી રહ્યા છે. તમને જણાવી દઈએ કે આ સરકારના કાર્યકાળનું વચગાળાનું બજેટ જાહેર કરવામાં આવ્યું છે. ચૂંટણી બાદ સંપૂર્ણ બજેટ રજૂ કરવામાં આવશે.
ટેક્નોલોજીને લઈને શુ કરી જાહેરાત
નાણાપ્રધાને બજેટ 2024માં કહ્યું કે નવી ટેક્નોલોજી વ્યવસાયોને મદદ કરી રહી છે. અટલજીએ જય જવાન, જય કિસાન, જય વિજ્ઞાનનો નારા આપ્યો હતો. આ અંગે વધુ વિગત આપતાં વડાપ્રધાન નરેન્દ્ર મોદીએ જય જવાન, જય કિસાન, જય વિજ્ઞાન, જય અનુસંધાનનો નારા આપ્યો હતો. જેની જાહેરાત કરતા તેમણે કહ્યું કે 1 લાખ કરોડ રૂપિયાનું ભંડોળ ટેક્નોલોજી પ્રેમીઓ અને ટેક્નોલોજી પર કામ કરતા સ્ટાર્ટઅપ્સને વ્યાજમુક્ત અથવા ઓછા વ્યાજ દરે વહેંચવામાં આવશે. આનાથી લાંબા ગાળાની નાણાકીય મદદ મળશે. તેનાથી ખાનગી ક્ષેત્રને મદદ મળશે.
આ પણ વાચો: Kalpana Chawlaની આ વાત રહી ગઈ ‘કલ્પના’
એક હજાર નવા પ્લેન
દેશમાં ઉડ્ડયન ક્ષેત્ર માટે જાહેરાત કરતી વખતે, નાણામંત્રીએ કહ્યું કે ‘હવે દેશમાં 149 એરપોર્ટ છે. ‘ઉડાન’ હેઠળ ટિયર-2 અને ટિયર-3 શહેરોનું વિસ્તરણ કરવામાં આવી રહ્યું છે. દેશની ઉડ્ડયન કંપનીઓ એક હજાર નવા વિમાન ખરીદી રહી છે. નાણામંત્રીએ ડીપ ટેકની પણ ચર્ચા કરી હતી. તમને જણાવી દઈએ કે ડીપ ટેક એક એવી ટેક્નોલોજી છે જેનો ઉપયોગ એન્જિનિયરિંગ અને ટેક સ્ટાર્ટઅપ્સમાં થઈ રહી છે. ડીપ ટેકને અદ્યતન ટેકનોલોજી પણ કહેવામાં આવે છે. ડીપ ટેકમાં આર્ટિફિશિયલ ઇન્ટેલિજન્સ, ક્વોન્ટમ કમ્પ્યુટિંગ, બ્લોકચેન, રોબોટિક્સ અને બાયોટેકનોલોજી જેવા ક્ષેત્રોનો સમાવેશ થાય છે.
આ પણ વાચો: ખોપડીમાં ટેકનોલોજી, જેવું વિચારશો એવું કામ થશે
ટેક્સ સ્લેબમાં ફેરફાર
ઘણા નોકરી કરતા લોકોને પણ આશા છે કે સરકાર દ્વારા આવકવેરાના સ્લેબના દરમાં સુધારો કરવામાં આવશે. મધ્યમ આવક વર્ગને ધ્યાનમાં રાખીને ટેક્સના દરમાં ઘટાડો કરવામાં આવે તેવી લોકોની માંગ છે. નવી કર વ્યવસ્થામાં કરનો મહત્તમ દર 25% છે. જૂના રીજીમ હેઠળ મહત્તમ દર 37% છે. એવી માંગ કરવામાં આવી રહી છે કે નવી ટેક્સ વ્યવસ્થા હેઠળ ટેક્સ સ્લેબમાં મળતી રાહત જૂની ટેક્સ સિસ્ટમ પર પણ લાગુ થવી જોઈએ.
વચગાળાનું બજેટ
આજે નાણામંત્રી નિર્મલા સીતારમણ વચગાળાનું બજેટ 2024 રજૂ કરી રહ્યા છે. મોદી સરકારના બીજા કાર્યકાળનું આ છેલ્લું બજેટ હશે. દરેક બજેટની જેમ આ વખતે પણ નોકરિયાત વર્ગ અને ખેડૂત વર્ગ માટે સૌથી વધુ અપેક્ષાઓ રાખવામાં આવી રહી છે. મહત્વનું છેકે આ વર્ષે લોકસભાની ચૂંટણી યોજાવાની છે ત્યારે આ બજેટથી પ્રજાની અપેક્ષાઓ પણ વધી છે. વર્ષ 2019માં એનડીએ સરકારે ખેડૂતો અને મજૂર વર્ગ બંનેને રાહત આપી હતી.
