અમદાવાદઃ સાઉથ બોપલ વિદ્યાર્થી મર્ડર કેસનો આરોપી ઝડપાયો, પોલીસકર્મી જ નીકળ્યો હત્યારો

Ahmedabad: અમદાવાદ સાઉથ બોપલ વિદ્યાર્થી મર્ડર કેસ મામલે મોટો ખુલાસો થયો છે. વિદ્યાર્થીની હત્યા કરનારા આરોપીને અમદાવાદ ક્રાઈમ બ્રાંચે ઝડપી પાડ્યો છે. આ ઘટનામાં પોલીસકર્મી જ વિદ્યાર્થીનો હત્યારો નીકળ્યો છે. અમદાવાદ ક્રાઈમ બ્રાંચે પોલીસકર્મી વિરેન્દ્ર સિંહ પઢેરિયાએ હત્યા કરી હતી.

સમગ્ર મામલે મળતી માહિતી અનુસાર અમદાવાદના બોપલમાં વિદ્યાર્થીની હત્યાની ઘટના સામે આવતા ચકચાર મચી જવા પામી હતી. જોકે, હવે આ ઘટનાને લઈને મોટો ખુલાસો થયો છે. વિદ્યાર્થીની હત્યા કરનારો આરોપી પોલીસકર્મી છે. હત્યા કર્યા બાદ આરોપી પોલીસકર્મી પંજાબ ભાગી ગયો હતો. અમદાવાદ ક્રાઈમ બ્રાંચે પોલીસકર્મી વિરેન્દ્ર સિંહ પઢેરિયાએ હત્યા કરી હતી.

આ પણ વાંચો: ‘મતદારો મહાન છે સત્તા મહાન નથી’, અપક્ષ ઉમેદવાર માવજી પટેલે આપ્યું નિવેદન

રાજ્યમાં અવારનવાર ચોરી, લૂંટફાટ, છેડતી તેમજ હત્યાની ઘટના સામે આવે છે. ત્યારે આ વચ્ચે હવે અમદાવાદના બોપલમાં વિદ્યાર્થીની હત્યાની ઘટના સામે આવતા ચકચાર મચી જવા પામી હતી. બોપલ ફાયર સ્ટેશન નજીક વિદ્યાર્થીની હત્યા કરવામાં આવી હતી. આ અંગે બોપલ પોલીસ સ્ટેશનમાં ફરિયાદ નોંધવામાં આવી છે. આ ઘટનામાં મૃતકે વાહન ધીમે ચલાવવા કાર ચાલકને ટકોર કરી હતી. જે બાદ કાર ચાલકે વિદ્યાર્થીની હત્યા કરી હતી. જોકે, હત્યા કરી કાર ચાલક ફરાર થઈ ગયો હતો.