અમદાવાદ: ખ્યાતિ હોસ્પિટલની ઘટના બાદ સરકારની લાલઆંખ, ડોક્ટરોનું તત્કાલ અસરથી કરવામાં આવ્યું સસ્પેન્શન

Ahmedabad: અમદાવાદની ખ્યાતિ હોસ્પિટલની ઘટના બાદ સરકાર એકશન મોડમાં છે. ખ્યાતિ હોસ્પિટલમાં સારવાર દરમિયાન બે લોકોના મોત પછી આરોગ્ય કમિશ્નરની ખ્યાતિ હોસ્પિટલ સામે કડક કાર્યવાહી કરવામાં આવી છે. ડોક્ટરોનું તત્કાલ અસરથી કરવામાં સસ્પેન્શન કરવામાં આવ્યું છે. તેમજ ખ્યાતિ હોસ્પિટલના ડોક્ટરો સામે ફોજદારી રાહે ધરપકડ કરવામાં આવશે.

મળતી માહિતી અનુસાર અમદાવાદનની ખ્યાતિ હોસ્પિટલની ઘટના બાદ આરોગ્ય કમિશ્નરે હોસ્પિટલ સામે કાર્યાવહી કરી છે. તેમણે જણાવ્યું છે કે મેડીકલ ચેકઅપ કેમ્પ ટુ સરકારી યોજનામાંથી રૂપિયા ઉતારવા માટે ડોક્ટરોના મોતનો વેપાર સામે કડક કાર્યવાહી થશે. તેમજ ખ્યાતિ હોસ્પિટલ અને ડોક્ટરોનુ તત્કાલ અસરથી સસ્પેન્શન કરવા આદેશ આપ્યા છે. આ સિવાય કહ્યું છે કે આવા કેસ સામે દંડ ફટકારવામાં આવે.

નોંધનીય છે કે PMJAY હેઠળ કોઈપણ શિબિર અને વધુ સારવાર પહેલાં રાજ્ય અથવા જિલ્લા વહીવટીતંત્રને ફરજિયાત જાણ કરવાના આદેશો આપ્યા છે. તેમજ ખ્યાતિ હોસ્પિટલના ડોક્ટરો સામે ફોજદારી રાહે ધરપકડ પણ થશે.

આ પણ વાંચો: અમદાવાદની ખ્યાતિ હોસ્પિટલની બેદરકારી, જાણ કર્યા વગર 19 લોકોની કરી એન્જિયોગ્રાફી; 2 લોકોના મોત

ઉલ્લેખનીય છે કે, અમદાવાદની ખ્યાતિ હોસ્પિટલની બેદરકારી આવી સામે આવતા ખળભળાટ મચી જવા પામ્યો છે. કડી તાલુકાના બોરીસણા ગામનો બનાવ છે. અમદાવાદની ખ્યાતિ હોસ્પિટલ દ્વારા ફ્રી સારવાર રાખવામાં આવી હતી. જે બાદ ફ્રી સારવાર માટે અમદાવાદ સારવાર કરવા બોલાવવામાં આવ્યા હતા. પરંતુ હોસ્પિટલમાં જાણ કર્યા વગર 19 લોકોની એન્જિયોગ્રાફી કરી તેમને સ્ટેન્ડ મૂકી દેવામાં આવ્યા અને હાલ જેમાથી બે લોકોના મોત થતા ગામના લોકોમાં રોષ જોવા મળ્યો છે.

નોંધનીય છે કે ગામના લોકો દ્વારા આક્ષેપ કરવામાં આવ્યો છે કે ખ્યાતિ હોસ્પિટલ આ લોકોના મોત માટે જવાબદાર છે. આ સિવાય તેમણે જણાવ્યું કે મૃતકના આયુષ્માન કાર્ડમાંથી પૈસા કપાઈ ગયેલ છે. જોકે, બે દર્દીના મોત બાદ સ્વજનોએ હોસ્પિટલમાં તોડફોડ કરી છે.

મૃતકના નામ

નાગર ભાઈ મોતીભાઈ સેનમા
મહેશ બારોટ – બોરીસના