જમ્મુ કાશ્મીર-હરિયાણામાં કોણ જીતશે? USથી રાહુલ ગાંધીની ભવિષ્યવાણી
Rahul Gandhi on Haryana and J&K Poll: કોંગ્રેસ સાંસદ અને લોકસભામાં વિરોધ પક્ષના નેતા, રાહુલ ગાંધી હાલના દિવસોમાં અમેરિકાના પ્રવાસે છે, પરંતુ તેઓ પોતાના નિવેદનોને લીધો ભારતીય મીડિયામાં સતત ચર્ચામાં રહે છે. અમેરિકામાં તેમણે વડાપ્રધાન નરેન્દ્ર મોદી, ભાજપ અને RSS પર આકરા પ્રહારો કર્યા છે. તો આ દરમિયાન, રાહુલ ગાંધીએ એક ભવિષ્યવાણી પણ કરી છે જેની ખૂબ ચર્ચા થઈ રહી છે.
વાસ્તવમાં અમેરિકામાં બેઠા બેઠા રાહુલ ગાંધીએ હરિયાણા અને જમ્મુ કાશ્મીર વિધાનસભા ચૂંટણીને લઈને મોટી વાત કરી કાઢી છે. તેમણે કહ્યું છે કે અમને વિશ્વાસ છે કે અમે આ બંને રાજ્યોમાં ભાજપ વિરુદ્ધ ચૂંટણી લડીશું અને જીતીશું. આગામી બે-ત્રણ મહિનામાં અમે આ ચૂંટણી જીતીશું.
ભાજપ અને RSSએ સંસ્થાનોને ઘણું નુકસાન કર્યું
રાહુલ ગાંધીએ વધુમાં કહ્યું હતું કે ભાજપ અને RSS દ્વારા આપના સંસ્થાનોને જે નુકસાન કર્યું છે તેને દૂર કરવું એ એક મોટી સમસ્યા છે અને તેનું સમાધાન આટલી સરળતાથી અને આટલી ઝડપથી થઈ શકશે નહીં. તેમાં થોડો સમય લાગશે, પરંતુ અમે ભાજપને ચોક્કસપણે હરાવીશું.
વિપક્ષને ઘેરવા અનેક સંરચનાઓ નો થઈ રહ્યો છે પ્રયોગ
લોકસભામાં વિપક્ષના નેતા રાહુલ ગાંધી તેમના ભાષણમાં અહીં અટક્યાં નહીં. તેમણે વધુમાં કહ્યું કે વિપક્ષ પર પ્રહાર કરવા માટે વિવિધ સંરચનાઓનો ઉપયોગ કરવામાં આવી રહ્યો છે. ચાલી રહેલી તપાસ એજન્સીઓ અને કાયદાકીય વ્યવસ્થાને કોઈપણ ભોગે રોકવી પડશે. સંસ્થાઓને ફરીથી તટસ્થ બનાવવાનો ખરો પડકાર છે.
આ પણ વાંચો: રાહુલ ગાંધીને જવાબ આપતા ગિરિરાજ સિંહ બોલ્યા, “તેમને જવાબ આપવો મૂર્ખતા છે”
હરિયાણામાં 1 અને જમ્મુ-કાશ્મીરમાં 3 તબક્કામાં થશે ચૂંટણી
જણાવી દઈએ કે, હરિયાણામાં ચૂંટણી પંચના નવા કાર્યક્રમ અનુસાર હવે 1લી ઓક્ટોબરના બદલે 5મી ઓક્ટોબરે મતદાન થશે. આ સાથે મત ગણતરીની તારીખ પણ બદલાઈ ગઈ છે. હવે મતગણતરી 4 ઓક્ટોબરના બદલે 8 ઓક્ટોબરે થશે. તે જ સમયે, જમ્મુ-કાશ્મીરની 90 વિધાનસભા બેઠકો પર ત્રણ તબક્કામાં મતદાન થશે. પ્રથમ તબક્કામાં રાજ્યની 24 વિધાનસભા બેઠકો પર 18 સપ્ટેમ્બરે મતદાન થશે. એ જ રીતે, બીજા તબક્કામાં, જમ્મુ-કાશ્મીરની 26 વિધાનસભા બેઠકો પર 25 સપ્ટેમ્બર 2024ના રોજ મતદાન થશે. ત્રીજા અને છેલ્લા તબક્કામાં જમ્મુ-કાશ્મીરની 40 વિધાનસભા બેઠકો પર મતદાન થશે.
