દિલ્હીના સીએમ અરવિંદ કેજરીવાલને EDનું 7મું સમન

ED Seventh Summon to Arvind Kejriwal: દિલ્હીના સીએમ અરવિંદ કેજરીવાલને ED તરફથી 7મું સમન્સ મળ્યું છે. EDએ તેમને ગુરુવારે (22 ફેબ્રુઆરી) સમન્સ મોકલ્યું છે અને સોમવારે પૂછપરછ માટે બોલાવ્યા છે. નોંધનીય છે કે અગાઉ અરવિંદ કેજરીવાલ 19 ફેબ્રુઆરી 2024 સોમવારે ED સમક્ષ હાજર થવાના હતા, પરંતુ તેઓ હાજર થયા ન હતા. દિલ્હીના કથિત દારૂ કૌભાંડમાં મની લોન્ડરિંગની તપાસ કરી રહેલા EDએ કેજરીવાલને પૂછપરછ માટે સમન્સ પાઠવ્યા હતા. EDના સમન્સને ગેરકાયદેસર ગણાવતા AAPએ કહ્યું હતું કે EDના સમન્સની માન્યતાનો મુદ્દો હવે કોર્ટમાં છે. EDએ ખુદ કોર્ટના દરવાજા ખખડાવ્યા છે. વધુમાં કહ્યું EDએ વારંવાર સમન્સ મોકલવાને બદલે કોર્ટના નિર્ણયની રાહ જોવી જોઈએ. આ છઠ્ઠી વખત હતું જ્યારે કેજરીવાલ EDના સમન્સ પર હાજર થયા ન હતા.

Delhi Excise policy case | ED summons Delhi CM Arvind Kejriwal to appear before it on Monday, 26th February: Sources

This is the 7th ED summon to him.

(File photo) pic.twitter.com/X7n0TaJieK

— ANI (@ANI) February 22, 2024

ઇડીએ અરવિંદ કેજરીવાલને ક્યારે મોકલ્યું સમન્સ?
EDએ 2 નવેમ્બર 2023ના રોજ કેજરીવાલને પહેલું સમન્સ મોકલ્યું હતું. આ સમન્સ પર તે હાજર થયા ન હતા. EDએ 21 ડિસેમ્બર 2023ના રોજ બીજું સમન્સ મોકલ્યું હતું, જેમાં પણ દિલ્હીના સીએમ હાજર થયા ન હતા. 3 જાન્યુઆરી, 2024ના રોજ ED દ્વારા અરવિંદ કેજરીવાલને ત્રીજું સમન્સ મોકલવામાં આવ્યું હતું, પરંતુ તેઓ હાજર થયા ન હતા. 17 જાન્યુઆરી, 2024 ના રોજ, EDએ ચોથું સમન્સ મોકલ્યું, પરંતુ કેજરીવાલ ફરી એકવાર ગેરહાજર રહ્યા હતા. 2 ફેબ્રુઆરી, 2024ના રોજ, EDએ પાંચમું સમન્સ મોકલ્યું, પરંતુ કેજરીવાલ હાજર થયા ન હતા. 14 ફેબ્રુઆરીએ છઠ્ઠું સમન્સ મોકલ્યા પછી, EDએ 19 ફેબ્રુઆરીએ બોલાવ્યા હતા, પરંતુ કેજરીવાલ ફરીથી હાજર થયા નહીં. ED દ્વારા સતત સમન્સ જારી કરવામાં આવ્યા બાદ આમ આદમી પાર્ટીએ દાવો કર્યો હતો કે આ તમામ પ્રક્રિયા અરવિંદ કેજરીવાલની ધરપકડ કરવા માટે કરવામાં આવી રહી છે. ED તેને પૂછપરછના બહાને બોલાવીને તેની ધરપકડ કરવા માંગે છે. બીજી બાજુ AAPનું કહેવું છે કે જો ED પૂછપરછ કરવા માંગે છે, તો તે તેના પ્રશ્નો લખીને કેજરીવાલને આપી શકે છે.

#WATCH | On ED summon, Delhi CM Arvind Kejriwal says " ED sent me the fourth notice today and asked me to appear before them on either on 18th or 19th January. These four notices are illegal and invalid. Whenever such notices are sent by ED, they are quashed by the court. These… pic.twitter.com/bDgjTMcbNV

— ANI (@ANI) January 18, 2024

EDના સમન્સ ગેરકાદેસર: કેજરીવાલ
EDને મોકલવામાં આવેલા પત્રમાં કેજરીવાલે કહ્યું હતું કે તેઓ દરેક કાયદાકીય સમન્સ સ્વીકારવા તૈયાર છે, પરંતુ આ ED સમન્સ પણ અગાઉના સમન્સની જેમ ગેરકાયદેસર છે. તેણે તેને રાજકીય રીતે પ્રેરિત ગણાવીને તેને પાછી ખેંચવાની માંગ કરી હતી. અગાઉ કેજરીવાલે કહ્યું હતું કે મેં મારું જીવન ઈમાનદારી અને પારદર્શિતા સાથે જીવ્યું છે. મારી પાસે છુપાવવા માટે કંઈ નથી.