Ahmedabad : ડિફોલ્ટરોની પાંચ હજારથી વધુ મિલકતોને વાગ્યા તાળાં

અમદાવાદ: મહાનગરપાલિકાના ટેક્સ વિભાગે શહેરના વિવિધ વિસ્તારોમાં ડિફોલ્ટરોની વધુ 5168 મિલકતો સીલ કરી હતી. જેમાં સૌથી વધુ સાડા ચાર હજાર મિલકતો પશ્ચિમ ઝોનમાં છે. જ્યારે ઉત્તર પશ્ચિમ ઝોનમાંથી સૌથી વધુ રૂ. 6.35 કરોડ ટેક્સ તરીકે વસૂલવામાં આવ્યા હતા. સાતેય ઝોનમાં એક જ દિવસમાં મિલકત વેરા પેટે રૂ.10.81 કરોડની આવક થઈ હતી.

વેસ્ટ ઝોનના પાલડી, આશ્રમ રોડ, નવરંગપુરા, સાબરમતી, રાણીપ વિસ્તારની વિવિધ ઈમારતોમાં તપાસ હાથ ધર્યા બાદ વિભાગે ડિફોલ્ટરની 4508 મિલકતો સીલ કરી હતી. આ ઝોને પ્રોપર્ટી ટેક્સ તરીકે રૂ. 2.27 કરોડની કમાણી કરી હતી. પૂર્વ ઝોનમાં ઓઢવ, અમરાઈવાડી, રખિયાલ અને નિકોલ વિસ્તારમાં 199 મિલકતો સીલ કરી રૂ.53 લાખ, ઉત્તર ઝોનમાં 178 મિલકતો સીલ કરી રૂ.45 લાખ, દક્ષિણ ઝોનમાં 120 મિલકતો સીલ કરવામાં આવી છે. નારોલ, દાણીલીમડા, ઇસનપુર સહિત રૂ.39 લાખનો મિલકત વેરો વસુલ કરવામાં આવ્યો હતો, ઉત્તર પશ્ચિમ ઝોનમાં 68 મિલકતોને સીલ કરીને રૂ. 6.35 કરોડની વસૂલાત કરવામાં આવી હતી, મધ્ય ઝોનમાં 52 મિલકતોને સીલ કરીને રૂ. 45 લાખ અને દક્ષિણ પશ્ચિમ ઝોનમાં 25 મિલકતો સીલ કરીને રૂ. 41 લાખની વસૂલાત કરવામાં આવી હતી.

ઈન્સ્પેક્ટર સુનિલ કુમાર રાણા સામે પણ નોંધાયો હતો કેસ

ઉલ્લેખનીય છે કે રાજ્યની સૌથી મોટી અમદાવાદ મ્યુનિસિપલ કોર્પોરેશનના વોર્ડ ઈન્સ્પેક્ટર પાસે તેમની આવક કરતા 306 ગણી વધુ સંપત્તિ હોવાનું બહાર આવ્યું છે. આને ધ્યાનમાં રાખીને ગુજરાત એન્ટી કરપ્શન બ્યુરો (ACB) એ અમદાવાદ મ્યુનિસિપલ કોર્પોરેશનના વોર્ડ ઈન્સ્પેક્ટર સુનિલ કુમાર રાણા સામે અપ્રમાણસર સંપત્તિનો કેસ નોંધ્યો છે.

એસીબી હેઠળ મહાનગરપાલિકાના ટીડીઓ વિભાગમાં સેન્ટ્રલ ઝોનના શાહપુર વોર્ડના ઈન્સ્પેક્ટર સુનિલ રાણા સામે અપ્રમાણસર મિલકત હોવાની માહિતી અને ફરિયાદ મળી હતી. તેના આધારે એસીબીએ રાણાની 1 એપ્રિલ, 2010 થી 31 માર્ચ, 2020 વચ્ચેના 10 વર્ષ દરમિયાન તેની આવક અને હસ્તગત કરેલી મિલકતની વિગતો મેળવીને તેની તપાસ કરી હતી.

આ તપાસમાં બહાર આવ્યું છે કે આ સમયગાળા દરમિયાન રાણાએ ભ્રષ્ટાચાર કરીને અથવા અન્ય નિયમોનું ઉલ્લંઘન કરીને તેની આવક કરતાં 2 કરોડ 75 લાખ 18 હજાર 223 રૂપિયા વધુની સંપત્તિ મેળવી હતી. જે તેમની આવક કરતા 306.11 ટકા વધુ છે. પ્રાથમિક તપાસમાં જાણવા મળ્યું છે કે તેણે આ મિલકત પોતાના, તેની પત્ની અને બાળકોના નામે કરી હતી.

સરકાર વતી અમદાવાદ સિટી એસીબી પોલીસ સ્ટેશનના પોલીસ ઈન્સ્પેક્ટર કે.પી.તરેટિયાએ વર્ષ 2024નો પ્રથમ કેસ અમદાવાદ સિટી એસીબી પોલીસ સ્ટેશનમાં નોંધ્યો છે. અપ્રમાણસર સંપત્તિનો કેસ નોંધવામાં આવ્યો છે. આ કેસની તપાસ પીઆઈ ડીએન પટેલને સોંપવામાં આવી છે. ACBના મદદનીશ નિયામક કે.બી.ચુડાસમા આ કેસમાં તપાસનું સુપરવિઝન કરશે.