દિલ્હી-NCRમાં વરસાદ બાદ બદલાયું વાતાવરણ, પડી હાડ થીજવતી ઠંડી

Delhi: રાષ્ટ્રીય રાજધાની દિલ્હી અને NCRમાં ભારે વરસાદ પડ્યો છે. જેના કારણે જનજીવન ખૂબ પ્રભાવિત થયું. સાંજે દિલ્હીના કેટલાક ભાગોમાં હળવો વરસાદ પડ્યો હતો અને શહેરનું લઘુત્તમ તાપમાન 7.7 ડિગ્રી સેલ્સિયસ નોંધાયું હતું. ભારતીય હવામાન વિભાગે આ માહિતી આપી.

હવામાન વિભાગેજણાવ્યું હતું કે સવારે શહેરમાં ધુમ્મસના જાડા પડને કારણે દૃશ્યતા ઓછી થઈ ગઈ હતી અને રેલ વ્યવહાર પ્રભાવિત થયો હતો. જેના કારણે 45 ટ્રેનો મોડી દોડી રહી હતી. IMD એ જણાવ્યું હતું કે મહત્તમ તાપમાન 17 ડિગ્રી સેલ્સિયસ હતું. રાષ્ટ્રીય રાજધાનીના કેટલાક ભાગો જેમાં મધ્ય દિલ્હીનો સમાવેશ થાય છે જ્યાં હળવો વરસાદ પડ્યો. હવામાન વિભાગના જણાવ્યા અનુસાર, સફદરજંગ ખાતે બપોરે 12.30 થી 1.30 વાગ્યા સુધી લઘુત્તમ દૃશ્યતા 50 મીટર હતી, જે પછી સુધરીને 200 મીટર થઈ ગઈ અને સવારે 7.30 વાગ્યા સુધી દૃશ્યતા 200 મીટર રહી.

આ પણ વાંચો: Delhi Elections 2025: ભાજપે 29 ઉમેદવારોની બીજી યાદી કરી જાહેર

IMD એ જણાવ્યું હતું કે લઘુત્તમ તાપમાન 7.7 ડિગ્રી સેલ્સિયસ હતું, જે આ સિઝન માટે સામાન્ય છે. દિવસ દરમિયાન ભેજનું પ્રમાણ 100 ટકા રહ્યું. હવામાન વિભાગે રવિવારે સામાન્ય રીતે વાદળછાયું આકાશ અને હળવો વરસાદ થવાની આગાહી કરી છે. મહત્તમ તાપમાન 17 ડિગ્રી સેલ્સિયસ અને લઘુત્તમ તાપમાન 11 ડિગ્રી સેલ્સિયસની આસપાસ રહેવાની શક્યતા છે. વરસાદ ઉપરાંત રાષ્ટ્રીય રાજધાની દિલ્હીમાં ધુમ્મસ પણ છે. જેના કારણે ઘણી ટ્રેનો મોડી ચાલી રહી છે. દિલ્હી જતી અને આવતી કુલ 26 ટ્રેનો મોડી પડી છે. જ્યારે 8 ટ્રેનોના સમયમાં ફેરફાર કરવામાં આવ્યો છે. અત્યાર સુધીમાં 8 માંથી 4 ટ્રેનોના સમય બે વાર બદલવામાં આવ્યા છે.