Video: લેબનોનમાં પેજર બ્લાસ્ટનો વીડિયો આવ્યો સામે, જુઓ કેવી રીતે થયો બ્લાસ્ટ
Pager Blast in Lebanon: લેબનોનમાં પેજરમાં થયેલા બ્લાસ્ટને કારણે અત્યાર સુધીમાં 11 લોકોના મોત થયા છે. જ્યારે 4000 થી વધુ લોકો ઘાયલ થયા છે. ઘાયલોમાં લેબનોનમાં ઈરાનના રાજદૂતનો પણ સમાવેશ થાય છે. કહેવામાં આવી રહ્યું છે કે પેજર્સને હેક કરીને બ્લાસ્ટ કરવામાં આવ્યા હતા. આ પેજર્સનો ઉપયોગ હિઝબોલ્લાહના લડવૈયાઓ કરે છે. આ વિસ્ફોટ પાછળ ઈઝરાયેલનો હાથ હોવાનું કહેવાય છે. હુમલા બાદ હિઝબુલ્લાએ એક નિવેદન જારી કરીને કહ્યું કે આ હુમલા પાછળ ઈઝરાયેલનો હાથ છે. જોકે ઈઝરાયેલે અત્યાર સુધીમાં આ અંગે કંઈ કહ્યું નથી.
ઘણા મીડિયા અહેવાલો અનુસાર ઇઝરાયેલની ગુપ્તચર સંસ્થા મોસાદે લેબનીઝ સંગઠન હિઝબુલ્લાહને નિશાન બનાવવા માટે પેજર સાથે છેડછાડ કરી હતી. પાંચ મહિના પહેલા મેન્યુફેક્ચરિંગ કંપનીઓની મિલીભગતથી આ પેજરોમાં વિસ્ફોટકો ફીટ કરવામાં આવ્યા હતા. લેબનોનમાં મંગળવારે અચાનક ઘરો, શેરીઓ અને બજારોમાં લોકોના ખિસ્સામાં વિસ્ફોટ થવા લાગ્યા હતા. લેબનોનથી લઈને સીરિયા સુધી એક કલાક સુધી સતત બ્લાસ્ટ થઈ રહ્યા હતા. આ હુમલાને હિઝબુલ્લાહની કોમ્યુનિકેશન સિસ્ટમ પર સૌથી મોટો હુમલો ગણાવવામાં આવી રહ્યો છે.
Simultaneous Pager blast of 2500+ Hezbollah terrorists have put #Lebanon on Chaos. Have to say the Israel intelligence agency #Mossad is the most efficient intelligence agency in the world and nobody can match their intelligence. #Pager #pagers https://t.co/SqazBDfL2B pic.twitter.com/I1KNPEmXNM
— Ganesh (@me_ganesh14) September 17, 2024
સીરિયામાં પણ બ્લાસ્ટ થયા હતા
ન્યૂયોર્ક ટાઈમ્સ અનુસાર, લેબનોન સિવાય સીરિયાના ઘણા વિસ્તારોમાં પેજર વિસ્ફોટના મામલા પણ સામે આવ્યા છે. સીરિયામાં 100 થી વધુ કેસ નોંધાયા છે. જેમાંથી 7 લોકોના મોત થયા છે, જ્યારે અનેક લોકો ઘાયલ થયા છે. આ વિસ્ફોટમાં હિઝબુલ્લાના એક સાંસદના પુત્રનું પણ મોત થયું હતું. પુત્રના મૃત્યુ બાદ હિઝબુલ્લાના સાંસદે કહ્યું કે લેબનોન સામે આ ઈઝરાયેલનું નવું યુદ્ધ છે. જ્યારે યોગ્ય સમય આવશે ત્યારે આનો બદલો લેવામાં આવશે.
This is how Pagers getting explode in Lebanon, which Hezbollah has.
Now I have more doubt on our EVMs… Can you literally trust them 100 % ? #Israel #Mossad #Iran #Pager pic.twitter.com/JUwyQLutfq
— Veena Jain (@DrJain21) September 18, 2024
શા માટે હિઝબોલ્લાહ પેજરનો ઉપયોગ કરે છે?
ન્યૂયોર્ક ટાઈમ્સના રિપોર્ટ અનુસાર, ગયા વર્ષે 7 ઓક્ટોબરે ઈઝરાયેલ પર થયેલા હુમલા બાદ હિઝબુલ્લાના સભ્યોએ મોટા પાયે પેજરનો ઉપયોગ કરવાનું શરૂ કર્યું હતું. જેથી ઈઝરાયેલની ગુપ્તચર એજન્સીઓ તેમને ટ્રેક કરી શકે નહીં.
પેજર શું છે તે જાણો
પેજર એ વાયરલેસ ઉપકરણ છે જેને બીપર તરીકે પણ ઓળખવામાં આવે છે. પેજરનો ઉપયોગ અમેરિકાના ન્યુયોર્કમાં પ્રથમ વખત થયો હતો. ત્યારબાદ પેજર દ્વારા 40 કિ.મી. શ્રેણીમાં સંદેશા મોકલી શકાય છે. 1980 પછી તેનો સમગ્ર વિશ્વમાં ઉપયોગ થવા લાગ્યો હતો. વર્ષ 2000 પછી જેમ જેમ વોકી-ટોકી અને મોબાઈલ ફોનનો ઉપયોગ વધ્યો તેમ-તેમ પેજરનો ઉપયોગ ઘટવા લાગ્યો હતો.
