વડોદરા: MSUની ગર્લ્સ હોસ્ટેલ ફરી આવી વિવાદમાં… મેસના ભોજનમાંથી ઈયળ નીકળતા હોબાળો
Vadodara: વડોદરાની એમ.એસ. યુનિવર્સિટી ગર્લ્સ હોસ્ટેલમાં ભોજનમાં ઇયળ નીકળતાં હોબાળો મચી જવા પામ્યો છે. કે.જી. હોલમાં પીરસવામાં આવેલા ફ્રૂટ કસ્ટર્ડમાં જીવાત નીકળી હોવાના આરોપ લગાવવામાં આવ્યા છે. જેને લઈને મેસમાં બની રહેલા ભોજનની ગુણવત્તા સામે પ્રશ્નો ઊભા થયા છે.
મળતી માહિતી અનુસાર કેટલીક વખત ભોજનમાં જીવાત કે ઈયર નીકળવાની ફરિયાદ આવતી રહે છે. પરંતુ જાણીતી એવી વડોદરાની એમ.એસ. યુનિવર્સિટી ગર્લ્સ હોસ્ટેલમાં ભોજનમાંથી ઈયળ નીકળતા લોકોએ હોબાળો મચાવ્યો છે. ઈયળ નીકળતા વિદ્યાર્થિનીઓએ સોશિયલ મીડિયા ગ્રુપમાં મેસેજ કર્યા હતા કે જમતા પહેલાં ચેતજો. એસ.ડી. હોલમાં ચારેય મેસ માટે ભોજન તૈયાર કરવામાં આવે છે. જે બાદ તૈયાર થયેલ ભોજન તમામ હોલમાં મોકલવામાં આવે છે. જોકે, ઈયળ નીકળતા વિદ્યાર્થિનીઓ આરોપ લગાવ્યો છે કે ખોરાકના નામે ઝેર પીરસાઈ રહ્યું છે.
આ પણ વાંચો: દિલ્હીના બુરારીમાં મોટો અકસ્માત, મકાન ધરાશાયી થતા એક બાળકીનું મોત 12 ઈજાગ્રસ્ત
