‘દિલથી શુભેચ્છાઓ ભાઈબંધ’ ટ્રમ્પની જીતની ખુશી પર PM મોદીએ આ રીતે આપી શુભેચ્છા
US Presidential Election 2024: અમેરિકન રાષ્ટ્રપતિ પદની ચૂંટણીમાં ડોનાલ્ડ ટ્રમ્પ પ્રચંડ જીત તરફ આગળ વધી રહ્યા છે. વડાપ્રધાન નરેન્દ્ર મોદીએ પણ ટ્રમ્પને અભિનંદન પાઠવ્યા છે અને સાથે મળીને કામ કરવાની પ્રતિબદ્ધતા વ્યક્ત કરી છે. પીએમ મોદીએ X પર લખ્યું, મારા મિત્ર ડોનાલ્ડ ટ્રમ્પને ચૂંટણીમાં ઐતિહાસિક જીત બદલ હાર્દિક અભિનંદન. જેમ તમે તમારા પાછલા કાર્યકાળની સફળતાઓને આગળ વહન કરી રહ્યા છો. હું ભારત-અમેરિકા વ્યાપક વૈશ્વિક અને વ્યૂહાત્મક ભાગીદારીને વધુ મજબૂત કરવા માટે અમારા સહકારને નવીકરણ કરવા આતુર છું. આવો આપણે આપણા લોકોની સુખાકારી માટે અને વૈશ્વિક શાંતિ, સ્થિરતા અને સમૃદ્ધિને પ્રોત્સાહન આપવા માટે સાથે મળીને કામ કરીએ.
યુએસ પ્રમુખપદની ચૂંટણીમાં ઈલેક્ટોરલ કોલેજ મતોની ગણતરી ચાલી રહી છે. કુલ 538 ઈલેક્ટોરલ વોટ છે અને જીત માટે 270 વોટ જરૂરી છે. અત્યાર સુધીમાં 491 ઈલેક્ટોરલ વોટના પરિણામ આવી ચૂક્યા છે. ટ્રમ્પ હવે મેજિક નંબરની નજીક પહોંચી ગયા છે અને તેમણે અત્યાર સુધીમાં 267 વોટ મેળવી લીધા છે. જીતવા માટે માત્ર ત્રણ મતની જરૂર છે. તો, ડેમોક્રેટિક ઉમેદવાર કમલા હેરિસ પણ હરીફાઈમાં છે. કમલાને અત્યાર સુધીમાં 224 વોટ મળ્યા છે. જો કે, તે બહુમતીના નિશાનથી દૂર છે.
