આવી રહ્યું છે 938km લાંબુ વાવાઝોડું, માઈનસમાં જશે તાપમાન, 3 કલાકમાં 20mm વરસાદની આગાહી
World News: બ્રિટનમાં આગામી દિવસોમાં ભારે તોફાનનું એલર્ટ છે. હવામાન વિભાગના જણાવ્યા અનુસાર, બ્રિટનના ફેરો આઇલેન્ડથી ફ્રાન્સના બ્રેસ્ટ સુધી 938 કિલોમીટર લાંબો લો પ્રેશર વિસ્તાર બન્યો છે, જેના કારણે આ સમગ્ર વિસ્તારમાં ભારે તોફાનની સ્થિતિ છે. બ્રિટિશ હવામાન વિભાગ દ્વારા બહાર પાડવામાં આવેલા નકશામાં લાલ, નારંગી, લીલો અને વાદળી રંગમાં આવરી લેવામાં આવ્યો છે. વિભાગના જણાવ્યા અનુસાર તોફાન દરમિયાન પવનની ઝડપ 50 માઈલ (80 કિલોમીટર) પ્રતિ કલાક હોઈ શકે છે. 3 કલાકમાં 20 મીમી વરસાદ થવાની પણ ધારણા છે.
બ્રિટનના હવામાન વિભાગે કહ્યું છે કે પૂર્વ એંગ્લિયા અને સાઉથ ઈસ્ટર્ન ઈંગ્લેન્ડના કેટલાક ભાગો સિવાય બધે વરસાદ પડશે. સૌથી વધુ વરસાદ નોર્થ વેલ્સમાં થશે, ખાસ કરીને એરી નેશનલ પાર્ક (સ્નોડોનિયા), જ્યાં થોડા કલાકોમાં 18 થી 19 મીમી વરસાદની અપેક્ષા છે. હવામાન વિભાગના જણાવ્યા અનુસાર, પર્થ, કિન્રોસ અને એબરડીનશરમાં એક જ સમયે લગભગ 15 મીમી વરસાદ પડશે.
આ પણ વાંચો:દિલ્હી-NCRમાં વરસાદી માહોલ, ઉત્તરાખંડ સહિત આ રાજ્યોમાં પડી શકે છે ભારે વરસાદ
અહેવાલો અનુસાર, ધુમ્મસ અને ઝાકળ વરસાદ સાથે મળીને ઉત્તરી ઈંગ્લેન્ડમાં ખતરનાક સ્થિતિ સર્જશે. આવી સ્થિતિમાં સવારના સમયે વાહન ચાલકોએ ખાસ સાવધ રહેવું પડશે. નકશો બતાવે છે કે સમગ્ર કુમ્બ્રીયા અને લેક ડિસ્ટ્રિક્ટમાં ધુમ્મસની સ્થિતિ હશે, જ્યાં 15mm સુધીનો વરસાદ પડી શકે છે.
હવામાન વિભાગના જણાવ્યા અનુસાર પવનની દિશા દક્ષિણ તરફ રહેશે. સૌથી મજબૂત પવન સ્કોટલેન્ડના ઉત્તર પૂર્વ કિનારે રહેશે. એબરડીન, ફ્રેઝરબર્ગ અને જ્હોન ઓ’ગ્રોટ્સના દરિયાકાંઠાના વિસ્તારોમાં પવનની ઝડપ 50 માઇલ પ્રતિ કલાક સુધી પહોંચી શકે છે. આયર્લેન્ડના દરિયાકાંઠાના વિસ્તારોમાં પવનની ઝડપ પણ ખૂબ જ વધુ રહેવાની ધારણા છે.
દિવસ દરમિયાન ગર્મી અને રાત્રે ઠંડી
હવામાન વિભાગનું અનુમાન છે કે 18 સપ્ટેમ્બરથી 27 સપ્ટેમ્બર સુધી ઘણા વિસ્તારોમાં દિવસનું તાપમાન સરેરાશથી વધુ રહી શકે છે. જો કે રાત્રે વાતાવરણ ઠંડુ રહેશે. શુક્રવારે નોર્થ યોર્કશાયરમાં તાપમાન -2.7 ડિગ્રી સેલ્સિયસ હતું, જ્યારે દક્ષિણ નેવિંગ્ટન, ઓક્સફોર્ડશાયર, પોવિસ, લિસ્ડિનમમાં તાપમાન ઘણું ઓછું રહેવાની ધારણા છે.
