સુનીતા વિલિયમ્સ જલદી જ પરત ફરશે, NASAએ આપ્યા ગુડ ન્યૂઝ

સુનીતા વિલિયમ્સ: અમેરિકન સ્પેસ એજન્સી નાસાએ ભારતીય મૂળની અવકાશયાત્રી સુનીતા વિલિયમ્સને લઈને એક મોટા ‘ગુડ ન્યૂઝ’ આપ્યા છે. લગભગ 55 દિવસ સુધી અવકાશમાં અટવાયેલા સુનિતા વિલિયમ્સ અને તેના પાર્ટનર બૂચ વિલ્મોરની વાપસી હવે માત્ર થોડા જ પગલાં દૂર છે.

5 જૂને સુનિતા વિલિયમ્સ અને બૂચ વિલ્મોર સ્ટારલાઇનર એરક્રાફ્ટમાં ઇન્ટરનેશનલ સ્પેસ સ્ટેશન પહોંચ્યા હતા અને બંને 8 દિવસમાં તેમનું મિશન પૂર્ણ કરીને 13 જૂને પૃથ્વી પર પાછા ફરવાના હતા. પરંતુ સ્ટારલાઈનર એરક્રાફ્ટમાં ટેક્નિકલ ખામી સર્જાતા તેમનું પરત આવવું મુશ્કેલ બની ગયું હતું. નાસાને તેમનું વળતર મિશન મોકૂફ રાખવાની ફરજ પડી હતી.

નાસાએ વિલિયમ્સ-વિલ્મોર પર ‘ગુડ ન્યૂઝ’ આપ્યા
સ્ટારલાઇનર એરક્રાફ્ટના ડોક્ડ હોટ ફાયર ટેસ્ટના પરિણામો વિશે માહિતી આપતા નાસાએ 27 જુલાઈએ જણાવ્યું હતું કે પરીક્ષણ કરાયેલા તમામ થ્રસ્ટર્સ થ્રસ્ટ અને ચેમ્બરના દબાણના આધારે તેમના પ્રારંભિક સ્તર પર પાછા ફર્યા છે. આ સિવાય એન્જિનિયરોની ટીમે સ્ટારલાઇનર એરક્રાફ્ટમાં હિલિયમ ગેસના સપ્લાય અને લીકેજની પણ તપાસ કરી હતી. જે દરમિયાન પરત ફરવા માટે જરૂરી માર્જિન પણ એન્જિનિયરોની ટીમ દ્વારા કન્ફર્મ કરવામાં આવ્યું હતું.

આ પરીક્ષણ પછી હિલીયમ મેનીફોલ્ડ્સ બંધ કરવામાં આવ્યા છે અને હવે સ્ટારલાઇનરને અનડૉક કરવામાં આવે તે પહેલાં તેનું પરીક્ષણ કરવામાં આવશે. ન્યૂ મેક્સિકોમાં નાસાની ટીમ થ્રસ્ટરના હોટ ફાયર ટેસ્ટ અને ગ્રાઉન્ડ ટેસ્ટિંગ ડેટાની સમીક્ષા કરી રહી છે. આ સમીક્ષા પછી નાસા અને સ્ટારલાઇનર ટીમ બંને અવકાશયાત્રીઓના પરત ફરવાની તારીખ નક્કી કરી શકે છે.

પરત ફરવાની તારીખ ટૂંક સમયમાં જાહેર થશે!
એક તરફ નાસાની ગ્રાઉન્ડ ટીમો સ્ટારલાઇનરને પૃથ્વી પર પાછા ફરવા માટે કામ કરી રહી છે. જ્યારે બીજી તરફ સુનિતા વિલિયમ્સ અને બૂચ વિલ્મોર ISSમાં હાજર અન્ય અવકાશયાત્રીઓ સાથે કામ કરી રહ્યા છે. અગાઉ 29 જુલાઈના રોજ વિલ્મોર અને વિલિયમ્સે તેમના અવકાશયાનમાં પ્રવેશ કર્યો હતો અને તેની પાણીની વ્યવસ્થાની તપાસ કરી હતી.

Preliminary results from the July 27 #Starliner tests show all the tested thrusters are back to preflight levels based on thrust and chamber pressure.

For additional details about the test: https://t.co/HZLnNZ9gcE https://t.co/4pNhaLbiZx

— NASA Commercial Crew (@Commercial_Crew) July 30, 2024

નાસાના આ નવા અપડેટ પછી સુનીતા વિલિયમ્સ અને બૂચ વિલ્મોરની પૃથ્વી પર સુરક્ષિત વાપસીની આશા વધુ વધી ગઈ છે. એવું માનવામાં આવે છે કે હવે માત્ર થોડા જ દિવસોમાં નાસા આ બંનેને પાછા લાવવા માટે મિશનની સંભવિત તારીખ જણાવી શકે છે. સુનિતા વિલિયમ્સ સહિત ઘણા અવકાશયાત્રીઓ ઇન્ટરનેશનલ સ્પેસ સ્ટેશન (ISS)માં હાજર હોવા છતાં તાજેતરમાં જ નાસાએ પેરિસ ઓલિમ્પિકને લગતો એક વિડિયો સંદેશ પણ બહાર પાડ્યો હતો જેમાં તમામ અવકાશયાત્રીઓ ઓલિમ્પિક મશાલના ઇલેક્ટ્રોનિક સંસ્કરણને પકડેલા જોવા મળ્યા હતા.

આ પણ વાંચો: ભારતીય સેનામાં પહેલીવાર કોઈ મહિલાને મળી આ પોસ્ટ, કોણ છે સાધના સક્સેના

ભારતીય મૂળની સુનિતા વિલિયમ્સની 1998માં નાસા દ્વારા અવકાશયાત્રી તરીકે પસંદગી કરવામાં આવી હતી. 1965માં અમેરિકામાં જન્મેલા સુનિતા વિલિયમ્સના પિતા દીપક પંડ્યા ભારતીય હતા, જેઓ 1958માં અમદાવાદ, ગુજરાતમાંથી અમેરિકામાં સ્થાયી થયા હતા. સુનીતા વિલિયમ્સ સ્પેસ મિશન પર ગઈ હોય તેવું આ પહેલીવાર નથી, તે આ પહેલા પણ બે વખત અવકાશની યાત્રા કરી ચૂકી છે. સુનીતા આ પહેલા 2006 અને 2012માં અવકાશમાં ગઈ હતી.

જો કે આ વખતે તેમનું મિશન માત્ર 8 દિવસનું હતું, પરંતુ હવે લગભગ 55 દિવસ થઈ ગયા છે. હવે જોવાનું એ રહે છે કે સુનીતા વિલિયમ્સ અને બૂચ વિલ્મોરને સ્વદેશ પરત ફરવા માટે હજુ કેટલા દિવસો રાહ જોવી પડશે?