સલમાન ખાનને ધમકી આપનાર વ્યક્તિની અકલ આવી ઠેકાણે, માંગી માફી
Salman Khan Threat News: NCP નેતા બાબા સિદ્દીકીની હત્યા બાદ બોલિવૂડ એક્ટર સલમાન ખાનને ગયા અઠવાડિયે ટ્રાફિક કંટ્રોલ વોટ્સએપ નંબર દ્વારા ધમકી મળી હતી. હવે ધમકી આપનાર વ્યક્તિએ માફી માંગી લીધી છે. સૂત્રોએ જણાવ્યું કે મેસેજ મોકલનાર વ્યક્તિએ કહ્યું, આ મેસેજ તેને ભૂલથી મોકલવામાં આવ્યો હતો અને તે તેના માટે માફી માંગે છે.
હાલમાં પોલીસને ઝારખંડમાં આ મેસેજ મોકલનાર વ્યક્તિનું લોકેશન મળી ગયું છે અને તેની શોધમાં પોલીસની ટીમ ત્યાં પહોંચી ગઈ છે. સૂત્રોના જણાવ્યા અનુસાર, મેસેજ મોકલનાર વ્યક્તિએ પોતાને લોરેન્સ બિશ્નોઈ ગેંગનો નજીકનો ગણાવ્યો હતો અને દાવો કર્યો હતો કે તે સલમાન અને લોરેન્સ વચ્ચે સમાધાન કરાવશે.
5 કરોડની માંગણી કરી હતી
એક અધિકારીએ જણાવ્યા અનુસાર, મુંબઈ ટ્રાફિક પોલીસના વોટ્સએપ નંબર પર મળેલા ધમકીભર્યા મેસેજમાં કહેવામાં આવ્યું છે કે લોરેન્સ બિશ્નોઈ સાથે લાંબા સમયથી ચાલી રહેલી દુશ્મનાવટને ખતમ કરવા માટે અભિનેતા સલમાન ખાન પાસેથી 5 કરોડ રૂપિયાની માંગ કરવામાં આવી હતી.
ટ્રાફિક પોલીસના વોટ્સએપ નંબર પર આવેલા મેસેજમાં મેસેજ મોકલનાર વ્યક્તિએ દાવો કર્યો હતો કે, “તેને હળવાશથી ન લો, જો સલમાન ખાન જીવંત રહેવા માંગે છે અને લોરેન્સ બિશ્નોઈ સાથેની દુશ્મની ખતમ કરવા માંગે છે, તો તેણે 5 કરોડ રૂપિયા ચૂકવવા પડશે. જો પૈસા નહીં આપવામાં આવે તો સલમાન ખાનની હાલત બાબા સિદ્દીકી કરતા પણ ખરાબ થઈ જશે.
આ મેસેજ મળ્યા બાદ મુંબઈ પોલીસે અજાણ્યા વોટ્સએપ નંબર યુઝર વિરુદ્ધ ફરિયાદને ખૂબ જ ગંભીરતાથી લીધી છે અને મામલાની તપાસ શરૂ કરી છે. નોંધનીય છે કે, સલમાન ખાનને આ ધમકી એવા સમયે મળી હતી જ્યારે મુંબઈમાં શૂટરો દ્વારા તેના મિત્ર બાબા સિદ્દીકીની જાહેરમાં હત્યા કરવામાં આવી હતી.
