બનાવટી દસ્તાવેજથી ટેન્ડર લેવામાં આવ્યું… તિરુમાલા લાડુ વિવાદમાં SITનો મોટો ખુલાસો, 4ની ધરપકડ
Tirumala Laddu: સેન્ટ્રલ બ્યુરો ઑફ ઇન્વેસ્ટિગેશન (CBI)ની આગેવાની હેઠળની વિશેષ તપાસ ટીમે શ્રી વેંકટેશ્વર સ્વામી મંદિરમાં ભક્તોને પ્રસાદ તરીકે આપવામાં આવતા તિરુપતિ લાડુમાં કથિત ભેળસેળના સંબંધમાં ચાર લોકોની ધરપકડ કરી છે. અધિકારીઓએ જણાવ્યું કે ધરપકડ કરાયેલા લોકોની ઓળખ ભોલે બાબા ડેરીના ભૂતપૂર્વ ડિરેક્ટર વિપિન જૈન અને પોમિલ જૈન, વૈષ્ણવી ડેરીના અપૂર્વ ચાવડા અને એઆર ડેરીના રાજુ રાજશેખરન તરીકે કરવામાં આવી છે એક અધિકારીએ રવિવારે મોડી રાત્રે જણાવ્યું કે ચાર લોકોની ધરપકડ કરવામાં આવી છે. બે વ્યક્તિઓ (બિપિન જૈન અને પોમી જૈન) ભોલે બાબા ડેરીમાંથી છે, અપૂર્વ ચાવડા વૈષ્ણવી ડેરીમાંથી છે અને (રાજુ) રાજશેકરન એઆર ડેરીમાંથી છે.
ટેન્ડર મેળવવામાં છેતરપિંડી
સૂત્રોના જણાવ્યા અનુસાર, SIT તપાસમાં ઘી સપ્લાયના દરેક તબક્કે અનિયમિતતાઓ સામે આવી છે, જેના કારણે ધરપકડ કરવામાં આવી છે. તેમણે આરોપ લગાવ્યો હતો કે વૈષ્ણવી ડેરીના અધિકારીઓએ મંદિરમાં ઘી સપ્લાય કરવા માટે એઆર ડેરીના નામે ટેન્ડર જીત્યા હતા અને પ્રક્રિયામાં છેડછાડ કરવા માટે બનાવટી રેકોર્ડ બનાવવામાં પણ સામેલ હતા.
પાંચ સભ્યોની SITની રચના
સૂત્રોએ જણાવ્યું કે એસઆઈટીએ ખુલાસો કર્યો કે વૈષ્ણવી ડેરીએ ખોટો દાવો કર્યો હતો કે તેણે ભોલે બાબા ડેરી પાસેથી ઘી મેળવ્યું હતું, જ્યારે અધિકારીઓએ શોધી કાઢ્યું હતું કે ભોલે બાબા ડેરી પાસે મંદિર બોર્ડ તિરુમાલા તિરુપતિ દેવસ્થાનમની માંગને પહોંચી વળવાની ક્ષમતા નથી. સીબીઆઈએ સુપ્રીમ કોર્ટના આદેશ પર ગયા વર્ષે નવેમ્બરમાં તિરુપતિના લાડુ બનાવવામાં પ્રાણીઓની ચરબીના ઉપયોગના આરોપોની તપાસ કરવા માટે પાંચ સભ્યોની એસઆઈટીની રચના કરી હતી.
આ પણ વાંચો: સૌપ્રથમ તો તમને હારની શુભેચ્છા… તિહાર જેલમાંથી કેજરીવાલને સુકેશ ચંદ્રશેખરે લખ્યો પત્ર
સીબીઆઈની દેખરેખ હેઠળ તપાસ
તેમણે કહ્યું કે ટીમમાં કેન્દ્રીય એજન્સીના બે અધિકારીઓ આંધ્રપ્રદેશ પોલીસના બે અધિકારીઓ અને ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયા (FSSAI)ના એક અધિકારીનો સમાવેશ થાય છે. ભારતીય જનતા પાર્ટી (BJP)ના નેતા સુબ્રમણ્યમ સ્વામી અને YSRCP (યુવાજન શ્રમિક રાયથુ કોંગ્રેસ પાર્ટી)ના રાજ્યસભાના સભ્ય વાયવી સુબ્બા રેડ્ડી અને અન્યોની અરજીઓ સાંભળ્યા પછી સર્વોચ્ચ અદાલતે ગયા વર્ષે 4 ઑક્ટોબરે પોતાના આદેશમાં કહ્યું હતું કે SIT લાડુ બનાવવામાં પ્રાણીઓની ચરબીના ઉપયોગના આરોપની તપાસ કરશે અને CBI ડાયરેક્ટર દ્વારા તેનું નિરીક્ષણ કરવામાં આવશે.
આંધ્રપ્રદેશના મુખ્યમંત્રી એન ચંદ્રબાબુ નાયડુએ સપ્ટેમ્બરમાં આરોપ લગાવ્યો હતો કે રાજ્યમાં વાયએસ જગન મોહન રેડ્ડીની આગેવાની હેઠળની અગાઉની સરકાર દરમિયાન તિરુપતિ લાડુ બનાવવા માટે પશુઓની ચરબીનો ઉપયોગ કરવામાં આવ્યો હતો. નાયડુના આ નિવેદનથી મોટો રાજકીય વિવાદ સર્જાયો હતો.
