તેજપ્રતાપ યાદવે પોલીસકર્મીને ધમકી આપી હોળી પર ડાન્સ કરાવ્યો, BJPએ કહ્યું-‘એટલે જ તેમને સત્તાથી દૂર રાખવા જરૂરી છે’
Tej Pratap Yadav Video: બિહારના પૂર્વ મુખ્યમંત્રી લાલુ યાદવના મોટા પુત્ર તેજ પ્રતાપ યાદવે હોળીના પ્રસંગે એક પોલીસકર્મીને ધમકી આપી અને ડાન્સ કરવા માટે મજબૂર કર્યા. આ ઘટનાનો વીડિયો પણ સામે આવ્યો છે, જેમાં તેજ પ્રતાપ યાદવ સ્ટેજ પર બેસીને માઈક લઈને નીચે બેઠેલા લોકોને સૂચના આપતા જોવા મળે છે. દરમિયાન તે એક પોલીસકર્મીને ‘ડાન્સ’ કરવા કહે છે. આ સાથે, જો તે તેમનું પાલન નહીં કરે તો તેને સસ્પેન્ડ કરવાની ધમકી પણ આપી રહ્યા છે. આ વીડિયો પટનામાં તેજ પ્રતાપ યાદવના ઘરે આયોજિત કાર્યક્રમનો છે.
VIDEO | A policeman was seen dancing on the instruction of RJD leader Tej Pratap Yadav during Holi celebration at his residence in Patna. #tejpratapyadav #Holi #Patna pic.twitter.com/oCIP0kL03r
— Press Trust of India (@PTI_News) March 15, 2025
તેજ પ્રતાપ યાદવનો આ વીડિયો સામે આવ્યા બાદ બિહારનું રાજકારણ ગરમાયું છે. JDU ના રાષ્ટ્રીય પ્રવક્તા રાજીવ રંજને આ વીડિયો પર કહ્યું કે હવે બિહારમાં આવી પ્રવૃત્તિઓ માટે કોઈ સ્થાન નથી.
JDU નેતાનું નિવેદન
રાજીવ રંજને કહ્યું, “જંગલ રાજનો યુગ પૂરો થઈ ગયો છે, પણ લાલુજીના પહેલા ક્રાઉન પ્રિન્સની હરકતો જુઓ. તે એક પોલીસકર્મીને ડાન્સ કરવાનો આદેશ આપી રહ્યો છે અને જો તે ન માને તો કાર્યવાહીની ધમકી પણ આપી રહ્યો છે. લાલુ પરિવારે સમજવું પડશે કે હવે બિહાર બદલાઈ ગયું છે. બદલાતા બિહારમાં આવી પ્રવૃત્તિઓ માટે કોઈ જગ્યા નથી.”
#WATCH | On video of Police personnel complying with RJD leader Tej Pratap Yadav's instructions to dance at the Holi celebration at his residence in Patna, BJP spokesperson Shehzad Poonawalla says, "Like father, like son. First, the father – as the then CM used to make law dance… pic.twitter.com/mkkv2NYfZi
— ANI (@ANI) March 15, 2025
ભાજપે પણ નિશાન સાધ્યું
તેજપ્રતાપ યાદવનો આ વીડિયો સામે આવ્યા બાદ, ભારતીય જનતા પાર્ટીના પ્રવક્તા શહજાદ પૂનાવાલાએ કહ્યું, “જેવા બાપ તેવા બેટા. પહેલા, પહેલા, પિતા, તત્કાલીન મુખ્યમંત્રી તરીકે, કાયદાને પોતાના ઇશારા પર નાચાવતા હતા અને બિહારને જંગલ રાજમાં ફેરવી દેતા હતા. હવે પુત્ર સત્તાથી બહાર હોવા છતાં ધમકીઓ અને દબાણ દ્વારા કાયદા અને કાયદાના રક્ષકોને તેના સૂરમાં નાચવાનો પ્રયાસ કરે છે. જો પોલીસ કર્મચારીઓ ડાન્સ નહીં કરે તો તેઓને સસ્પેન્ડ કરવાની ધમકી તે આપે છે. આ બતાવે છે કે આરજેડી જંગલરાજમાં માને છે. જો ભૂલથી તેઓ સત્તામાં આવી જાય, તો તેઓ કાયદો તોડશે અને કાયદાના રક્ષકોને પોતાના સૂર પર નાચવા માટે મજબૂર કરશે. આ એક ટ્રેલર છે. તેથી તેમને સત્તાથી દૂર રાખવા જરૂરી છે.
