તાલિબાનોએ પાકિસ્તાન પર કર્યો હુમલો, ‘19 પાકિસ્તાની સૈનિકો માર્યા ગયા’

Afghanistan attack on Pakistan: ગત મંગળવારે પાકિસ્તાને અફઘાનિસ્તાનમાં હવાઈ હુમલો કર્યો હતો. આ એર સ્ટ્રાઈક બાદ હવે અફઘાનિસ્તાને પણ પાકિસ્તાન પર જવાબી કાર્યવાહી કરી છે. તાલિબાન સંરક્ષણ મંત્રાલય દ્વારા આ વળતો પ્રહારની માહિતી આપવામાં આવી છે. કહેવામાં આવી રહ્યું છે કે આ હુમલામાં 19 પાકિસ્તાની સૈનિકો માર્યા ગયા છે, જ્યારે ત્રણ અફઘાન નાગરિકો પણ માર્યા ગયા હોવાના અહેવાલ છે. અફઘાનિસ્તાને પાકિસ્તાનના ઘણા વિસ્તારોમાં આ હુમલો કર્યો છે.

Afghanistan-Pakistan Border On Alert :-

Taliban has mobilised forces against Pakistan after Pakistani airstrikes targeted seven villages in eastern Afghanistan, resulting in the deaths of 46 people, mostly women and children. pic.twitter.com/M1jtsPmHbW

— subash kumar (@Krishan10_) December 27, 2024

પાકિસ્તાનમાં ઘણી જગ્યાએ હુમલાઓ
અફઘાનિસ્તાનના સંરક્ષણ મંત્રાલયે શનિવારે જણાવ્યું હતું કે ગયા અઠવાડિયે દેશ પર ઘાતક હવાઈ હુમલાના જવાબમાં તેના દળોએ પાકિસ્તાનની અંદરના ઘણા સ્થળો પર હુમલો કર્યો હતો. હકીકતમાં, મંગળવારે પાકિસ્તાને વિદ્રોહીઓ વિરુદ્ધ અભિયાન ચલાવ્યું હતું અને અફઘાનિસ્તાનના પૂર્વ પક્તિકા પ્રાંતમાં એક ટ્રેનિંગ સેન્ટરને નષ્ટ કર્યું હતું. પાકિસ્તાનના હવાઈ હુમલામાં ઘણા લોકો માર્યા ગયા, જેમાં મોટાભાગની મહિલાઓ અને બાળકો હતા. તાલિબાનના સંરક્ષણ મંત્રાલયે શનિવારે ‘X’ પર એક પોસ્ટમાં આ માહિતી આપી હતી. જેમાં કહ્યું કે તેના દળોએ પાકિસ્તાનમાં તે સ્થળોને નિશાન બનાવ્યા, જેનો ઉપયોગ અફઘાનિસ્તાન પર હુમલાની યોજના અને સંકલન કરવામાં સામેલ તત્વો અને તેમના સમર્થકો માટે ઠેકાણા તરીકે કરવામાં આવી રહ્યો હતો.

19 પાકિસ્તાની સૈનિકો માર્યા ગયા
બીજી બાજુ, તાલિબાનના સંરક્ષણ મંત્રાલયના પ્રવક્તા ઇનાયતુલ્લાહ ખ્વારજામીએ હુમલા અંગે વધુ માહિતી આપી નથી. આ હુમલા કેવી રીતે કરવામાં આવ્યા તે પણ જણાવવામાં આવ્યું નથી. તેમણે એ પણ જણાવ્યું ન હતું કે બંને તરફથી કોઈ જાનહાનિ થઈ છે કે કેમ. તાલિબાન તરફી મીડિયા સંગઠન ‘હુર્રિયત ડેઈલી ન્યૂઝ’એ મંત્રાલયના સૂત્રોને ટાંકીને આ વાત કહી કે હુમલામાં 19 પાકિસ્તાની સૈનિકો માર્યા ગયા હતા અને ત્રણ અફઘાન નાગરિકોએ પણ હિંસામાં જીવ ગુમાવ્યો હતો. પાકિસ્તાનના વિદેશ મંત્રાલય તરફથી તાત્કાલિક કોઈ ટિપ્પણી મળી શકી નથી.