નેપાળના ફસાયેલા વલસાડના 9 યુવાનોનું કરાયું સફળ રેસ્ક્યૂ, ઇન્ડિયન એમ્બેસી લવાયા
Valsad Youth Rescue in Nepal: વલસાડ જિલ્લાના પારડી વિસ્તારના 9 યુવાનો નેપાળ ખાતે ભગવાન પશુપતિનાથજીના દર્શનાર્થે પોતાની માલિકીના વાહનોમાં ગયા હતા. જ્યાં તેઓ પૂરમાં ફસાઈ ગયા હતા. આ અંગેની જાણ તેમના દ્વારા અને તેમના પરિજનો દ્વારા લોકસભાના દંડક તેમજ વલસાડ-ડાંગના સાંસદ ધવલભાઈ પટેલને કરતા તેમણે ત્વરિત આ અંગે દેશના ગૃહમંત્રી અમિત શાહને સંપર્ક કરી સમગ્ર ઘટના અંગેની જાણ કરી હતી. બાદમાં, કેન્દ્રીય ગૃહમંત્રીના માર્ગદર્શન હેઠળ નેપાળ ખાતે ફસાયેલ તમામ 9 યુવાનોને ભારત સરકારની ઇન્ડિયન એમ્બેસી દ્વારા નેપાળ સરકાર સાથે સંપર્ક કરી તમામને રેસ્ક્યુ કરી તેમને ઇન્ડિયન એમ્બેસી ખાતે સુરક્ષિત લઈ જવામાં આવ્યા હતા.
રેસ્ક્યૂ કેરાયેલ યુવાનો
- મિતેશ મોહનભાઈ ભંડારી
- મિતેશ સુરેશભાઈ પટેલ
- નિલેશ ઈશ્વરભાઈ પટેલ
- જીગરકુમાર ભરતભાઇ પટેલ
- જયનેશ હિરુભાઈ ભંડારી
- જયેશ ઠાકોરભાઈ પટેલ
- જિનલ શશીકાંતભાઈ રાઉત
- તુષાર કાંતિભાઈ પટેલ
- વિમલ અનિલભાઈ ભંડારી
વલસાડ જિલ્લાના પારડી ખાતે રહેતા 9 યુવાનો પોતાની માલિકીની કારમાં ભગવાન પશુપતિનાથજીના દર્શન કરવા માટે નેપાળ ખાતે ગયા હતા. જ્યાં, તેઓ સંજોગોવશ ફસાઈ જતા આ અંગે તેમણે અને તેમના પરિજનો દ્વારા લોકસભાના દંડક અને વલસાડ-ડાંગના સાંસદ ધવલભાઈ પટેલને કરતા તેમણે સમગ્ર ઘટના અંગેની જાણ કેન્દ્રીય ગૃહમંત્રી અમિત શાહીને કરવામાં આવ્યા હતા.
ગૃહમંત્રીએ નેપાળ સરકાર સાથે સીધો સંપર્ક કરી પારડીના તમામ 9 યુવાનોને રેસ્ક્યુ કરી હેમકેમ પરત નેપાળ સ્થિત ઇન્ડિયન એમ્બેસી ખાતે તમામ યુવાનોને લઈ જવામાં આવ્યા હતા. રેસ્ક્યુ કરાયેલા તમામ યુવાનોએ ગૃહમંત્રી અમિત શાહ, લોકસભાના દંડક અને વલસાડ-ડાંગના સાંસદ ધવલભાઈ પટેલનો આભાર વ્યક્ત કરી સાંસદ જોડે વીડિયો કોલ કરી તેમની લાગણીઓ વ્યક્ત કરી હતી
