અમેરિકાના કેલિફોર્નિયામાં શૂટઆઉટ, ડ્રગ માફિયા સુનીલ યાદવની હત્યા; ગોલ્ડી બ્રાર ગેંગે લીધી જવાબદારી

America: અમેરિકાના કેલિફોર્નિયામાં લોરેન્સ બિશ્નોઈ ગેંગે એક મોટી ઘટનાને અંજામ આપ્યો છે. સુનીલ યાદવ ઉર્ફે ગોલીની ગુનેગારોએ ગોળી મારીને હત્યા કરી દીધી છે. સૂત્રોના જણાવ્યા અનુસાર લોરેન્સ બિશ્નોઈ ગેંગે આ હત્યાકાંડની જવાબદારી લીધી છે. સુનીલ ડ્રગ સ્મગલિંગમાં મોટો ખેલાડી માનવામાં આવતો હતો, જે પાકિસ્તાનમાંથી ડ્રગ્સનો કન્સાઈનમેન્ટ મેળવતો હતો અને તેને દુનિયાભરમાં સપ્લાય કરતો હતો. સુનીલ યાદવ લગભગ 2 વર્ષ પહેલા નકલી પાસપોર્ટનો ઉપયોગ કરીને યુએસએ ભાગી ગયો હતો. સુનીલ યાદવ અબોહર ફાઝિલકાનો રહેવાસી હતો. સુનીલ અગાઉ લોરેન્સ ગેંગ સાથે સંકળાયેલો હતો.

સુનીલ યાદવ એક મોટો ડ્રગ્સ માફિયા હતો જે આંતરરાષ્ટ્રીય સ્તરે કામ કરતો હતો. પહેલા તેણે દુબઈ અને પછી યુએસએમાં બિઝનેસ કર્યો. રાજસ્થાન પોલીસે સુનીલને રેડ કોર્નર નોટિસ જારી કરી હતી. રાજસ્થાન પોલીસે દુબઈમાં સુનીલ યાદવના સહયોગીની ત્યાંની એજન્સીઓ પાસેથી ધરપકડ કરી હતી. સુનીલ યાદવનું બીજું નામ ગોલી વર્યમ ખેડા છે. સુનિલ યાદવની અગાઉ ગંગાનગરમાં પંકજ સોની હત્યા કેસમાં રાજસ્થાન પોલીસે ધરપકડ કરી હતી.

આ પણ વાંચો: થલતેજના ટાઇટેનિયમ બિલ્ડિંગ લાગેલી વિકરાળ આગ પર કાબૂ મેળવ્યો

આ ઘટનાની જવાબદારી રોહિત ગોદરાએ લીધી છે. રોહિત ગોદારાના નામે એક કથિત પોસ્ટ સામે આવી છે. જેમાં તેણે ઘટનાની જવાબદારી લીધી છે.

ભલે તે કોઈ પણ હોય, દરેકનો હિસાબ થશે…
રોહિત ગોદારા વતી એવું કહેવામાં આવ્યું છે કે તેણે પંજાબ પોલીસ સાથે અમારા સૌથી પ્રિય ભાઈ અંકિત ભાદુના એન્કાઉન્ટરની વ્યવસ્થા કરી હતી. અમે બદલો લીધો છે અને આમાં જે પણ સામેલ હશે, તે જે પણ હશે, તેનો હિસાબ લેવામાં આવશે. ભાઈઓ, તેઓએ સમગ્ર પંજાબ, હરિયાણા અને રાજસ્થાનના યુવાનોને ડ્રગ્સના આદી બનાવી દીધા. તેઓ પોલીસ સાથે મળીને ડ્રગ્સનું વેચાણ કરે છે. તેની સામે ગુજરાતમાં 300 કિલો ડ્રગ્સનું વોરંટ છે.